(ພາບ: tuoitre.vn)
(vovworld)- ບົດລາຍງານຂອງລັດຖະບານກ່ຽວກັບໝາກຜົນການປະຕິບັດບັນດາ ມະຕິຂອງສະພາແຫ່ງຊາດພາຍຫລັງການຊັກຖາມ ແລະ ຕອນຄຳຊັກຖາມ ທີ່ກອງປະຊຸມສະໄໝສາມັນ 3 ຄັ້ງຫວ່າງແລ້ວນີ້, ໂດຍທ່ານຮອງນາຍົກລັດຖະມົນຕຫງວຽນຊວນຟຸກ ສະເໜີໃນຕອນເຊົ້າວັນທີ 19/11 ໄດ້ເຕື້ອງເຖິງບັນດາບັນຫາຄື: ກະສິກຳ, ຊົນນະບົດ, ວັດທະນະທຳ, ກິລາ, ການທ່ອງທ່ຽວ ແລະ ນະໂຍບາຍໜູນຊ່ວຍຄົນທຸກຍາກ, ເປົ້າໝາຍນະໂຍບາຍ.
ເມື່ອປຶກສາຫາລືກ່ຽວກັບບັນດາເນື້ອໃນຂອງບົດລາຍງານ, ບັນດາ ສສຊ ໄດ້ຕີລາຄາສູງການຫັນປ່ຽນອັນຕັ້ງໜ້າໃນການຊີ້ນຳຂອງລັດຖະບານກໍ່ຄືຂອງບັນດາກະຊວງ, ຂະແໜງການໃນການປະຕິບັດບັນດາເນື້ອໃນຊັກຖາມ. ຕາມຄຳເຫັນຂອງ ສສຊ ຫຼາຍທ່ານ ແລ້ວ, ຍັງມີບັນດາເນື້ອໃນບໍ່ທັນໄດ້ຮັບການພິຈາລະນາແກ້ໄຂຢູ່ບາງຂົງເຂດຄື: ອຸດສາຫະກຳການຄ້າ, ກະສິກຳ, ສາທາລະນະສຸກ, ການລົງທຶນ, ໄຟຟ້ານ້ຳຕົກ…ໜຶ່ງໃນບັນດາບັນຫາພົ້ນເດັ່ນແມ່ນການໜູນຊ່ວຍ ປຊຊ ຢູ່ເຂດໄຟຟ້ານ້ຳຕົກ, ຊື່ງແມ່ນບ່ອນມີອັດຕາສ່ວນຄອບຄົວທຸກຍາກສູງທີ່ສຸດ. ອະພິປາຍກ່ຽວກັບເນື້ອໃນນີ້, ທ່ານກາວດຶດຟາດ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ໃຫ້ຮູ້ວ່າ:
“ທາງກະຊວງກະສິກຳ ແລະ ພັດທະນາຊົນນະບົດ ໄດ້ສົມທົບກັບກະຊວງອຸດສາຫະກຳການຄ້າດຳເນີນການສຳຫຼວດຄງາມຄຶບໜ້າໃນການຍົກຍ້າຍ ປຊຊ ໄປຕັ້ງຖິ່ນຖານຄົງທີ່ຄືນໃໝ່ ຢູ່ບັນດາກິດຈະກຳສ້າງເຂື່ອນໄຟຟ້ານ້ຳຕົກມາ. ບົດພື້ນຖານການສຳຫຼວດ, ທາງກະຊວງພວມຊີ້ນຳສ້າງແຜນຮ່າງນະໂຍບາຍຮັບປະກັນຊີວິດການເປັນຢູ່ຂອງ ປຊຊ ເປັນປົກກະຕິ ແລະ ຄາດວ່າທ້າຍປີ 2013 ຈະສຳເລັດ. ບົນພື້ນຖານນີ້, ຈະຍື່ນສະເໜີຕໍ່ລັດຖະບານເພື່ອແກ້ໄຂບັນດາຄວາມຫຍຸ້ງຍາກ“
ທີ່ວາລະປຶກສາຫາລື, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຊີ້ແຈ້ງບັນດາວຽກງານເຊິ່ງລັດຖະບານຈະດຳເນີນເພື່ອປະຕິບັດບັນດາມະຕິຂອງສະພາແຫ່ງຊາດ.
“ກ່ອນອື່ນໝົດແມ່ນສືບຕໍ່ສ້າງນະໂຍບາຍກົດໝາຍໃຫ້ທັນການ. ທີ 2 ແມ່ນຕ້ອງມີມາດຕະການວິທະຍາສາດ ແລະ ເຕັກໂນໂລຊີ, ໂດຍສະເພາະແມ່ນໃນການຜະລິດກະສິກຳ. ທີ 3 ແມ່ນປະຕິບັດກົດລະບຽບວິໄລຢ່າງເຂັ້ມງວດ. ທີ 4 ແມ່ນສົມທົບໜ້າທີ່ຮັບຜິດຊອບລະຫວ່າງສູນກາງ ແລະ ທ້ອງຖິ່ນໃນການປະຕິບັດບັນດາຄາດໝາຍເຊິ່ງສະພາແຫ່ງຊາດໄດ້ວາງອອກ. ທີ 5 ແມ່ນ ຍົກສູງຄຸນສົມບັດສັງຄົມ. ສຸດທ້າຍແມ່ນ, ສຳລັບບັນດາບັນຫາລະອຽດຄື ການຕັ້ງຖິນຖານຄົງທີ່ເຂື່ອນໄຟຟ້ານ້ຳຕົກ, ການລະບາຍນ້ຳ, ລັດຖະບານຈະສະເໜີໃຫ້ບັນດາກະຊວງ, ຂະແໜງການກ່ຽວຂ້ອງແກ້ໄຂເພື່ອລາຍງານຕໍ່ສະພາແຫ່ງຊາດໂດຍໄວ.”
ກ່າວຄຳເຫັນສິ້ນສຸດວາລະປຶກສາຫາລື, ທ່ານຮອງປະທານສະພາແຫ່ງຊາດ ຮີ່ນງອກເຊີນ ຢືນຢັນວ່າ ເປັນຄັ້ງທຳອິດທີ່ສະພາແຫ່ງຊາດສະຫຼຸບໝາກຜົນແຫ່ງການປະຕິບັດບັນດາມະຕິກ່ຽວກັບການຊັກຖາມ ແລະ ຕອບຄຳຊັກຖາມ ຈະນຳມາເຊິ່ງປະສິດທິຜົນໃນການເຄື່ອນໄຫວຕິດຕາມກວດກາຂອງສະພາແຫ່ງຊາດຢ່າງແທດຈິງ, ປະກອບສ່ວນປັບປຸງລະບົບນະໂຍບາຍກົດໝາຍ, ຕອບສະໜອງຄວາມຮຽກຮ້ອງຕ້ອງການຂອງສະມາຊິກສະພາແຫ່ງຊາດ ກໍ່ຄືຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງ.
ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ກາວດຶກຟາດ
ຊັກຖາມລັດຖະມົນຕີກະຊວງກະສິກຳແລະພັດທະນາຊົນນະບົດ
ໂດຍເປີດສາກວາລະຊັກຖາມທີ່ຫໍປະຊຸມສະພາແຫ່ງຊາດໃນຕອນບ່າຍວັນທີ 19/11, ທ່ານປະທານສະພາແຫ່ງຊາດ ຫງວຽນຊິງຮູ່ງ ໃຫ້ຮູ້ວ່າ: ຮອດຕອນເຊົ້າວັນທີ 19/11, ມີ 160 ຄຳຊັກຖາມຂອງ ສສຊ ຝາກໃຫ້ນາຍົກລັດຖະມົນຕີ, ບັນດາສະມາຊິກລັດຖະບານ, ຫົວໜ້າຂະແໜງການ.
“ຄຳຖາມມີຫຼາຍ, ບັນຫາຊັກຖາມກໍ່ກ້ວາງຂວາງ. ໃນນັ້ນ, ການຕອບຄຳຊັກຖາມ, ຈະສຸມໃສ່ເຂົ້າໃນບາງບັນຫາຈຸດສຸມ, ບົນພື້ນຖານຕັ້ງຄຳຖາມ, ຕອບຄຳຖາມ, ແກ້ໄຂ, ໄຈ້ແຍກສາຍເຫດເພື່ອສະຫລຸບ. ຖ້າຫາກຈຳເປັນ, ສະພາແຫ່ງຊາດຈະປະກາດໃຊ້ມະຕິສຳລັບວຽກງານກ່ຽວຂ້ອງເຖິງ ລັດຖະມົນຕີ, ຫົວໜ້າຂະແໜງ 4 ທ່ານ”
ຈາກນັ້ນ, ໃນການຕອບຄຳຊັກຖາມຂອງບັນດາ ສສຊ, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ກາວດຶກຟາດ ໄດ້ເຕື້ອງເຖິງຫຼາຍບັນຫາຂອງຂະແໜງກະສິກຳຄື: ສ້າງໂຄງປະກອບຂະແໜງກະສິກຳຄືນໃໝ່, ຫັນປ່ຽນທີ່ດິນປູກເຂົ້າທີ່ມີຄຸນນະພາບຕຳ່, ການນຳໃຊ້ເຕັກໂນໂລຢີ...
ຕາມທ່ານລັດຖະມົນຕີ ກາວດຶກຟາດ ແລ້ວ, ໃນການຟື້ນຟູ ລະດັບພັດທະນາຂະແໜງກະສິກຳ, ບົດບາດຂອງການວາງແຜນ, ຫັນປ່ຽນການຜະລິດເຂົ້າສານແມ່ນປັດໄຈສຳຄັນ.
“ພວກເຮົາຕ້ອງກວດກາຄືນເຂດປູກເຂົ້າ, ຄວນສຸມໃສ່ເຂດທົ່ງພຽງແມ່ນ້ຳຂອງ ແລະ ແມ່ນ້ຳແດງເທົ່ານັ້ນ. ບົນຈິດໃຈນັ້ນ, ກະຊວງໄດ້ປະກາດໃຊ້ຈົດໝາຍລັດຖະການແນະນຳກົນໄກຢ່າງລະອຽດເພື່ອໃຫ້ປະຊາຊົນປະຕິບັດຕາມ. ທີ 2 ແມ່ນສືບຕໍ່ໜູນຊ່ວຍປະຊາຊົນນຳໃຊ້ວິທະຍາສາດ, ເຕັກນິກ.... ທີ 3 ແມ່ນສືບຕໍ່ຊຸກຍູ້ລະບົບດຳເນີນທຸລະກິດເຂົ້າສານແບບຍືນຍົງ, ມີຄວາມສາມາດແກ່ງແຍ້ງ. ທີ 4 ແມ່ນຈັດຕັ້ງການຜະລິດຄືນໃໝ່… ”
ທ່ານລັດຖະມົນຕີ ກາວດຶກຝາດ ໃຫ້ຮູ້ວ່າ: ທາງກະຊວງພວມພ້ອມກັບບັນດາອົງການຄຸ້ມຄອງກະສີກຳທ້ອງຖີ່ນ ປະຕິບັດທົດລອງຮູບແບບທົ່ງນາໃຫຍ່ ດ້ວຍຕົ້ນໄມ້ຫຼາຍປະເພດ ແລະ ຖ້າຫາກບັນລຸປະສິດທິຜົນສູງຈະຜັນຂະຫຍາຍໃນເນື້ອທີ່ກວ້າງຂວາງ . ນອກຈາກຫັນປ່ຽນວິທີການຜະລິດ, ການນຳໃຊ້ວິທະຍາສາດ ເຕັກໂນໂລຢີສູງ ໃນການຜະລິດກະສີກຳກໍ່ໄດ້ຮັບຄວາມເອົາໃຈໃສ່ ເພື່ອຟື້ນຟູລະດັບພັດທະນາຂະແໜງກະສີກຳ. ທ່ານລັດຖະມົນຕີ ກາວດຶກຝາດ, ໃຫ້ຮູ້ວ່າ:
“ວາງແຜນກຳນົດເຂດກະສີກຳນຳໃຊ້ເຕັກໂນໂລຢີສູງ ແມ່ນແຜນນະໂຍບາຍໃຫຍ່ຂອງພັກ, ສະພາແຫ່ງຊາດ ແລະ ລັດຖະບານ. ພວກຂ້າພະເຈົ້າໄດ້ພະຍາຍາມຜັນຂະຫຍາຍການປະຕິບັດ ແລະ ຫວັງວ່ານີ້ແມ່ນມາດຕະການເພື່ອຊຸກຍູ້ການພັດທະນາພື້ນຖານກະສີກຳຫວຽດນາມໃນປະຈຸບັນຢ່າງແຮງ. ພວກຂ້າພະເຈົ້າໄດ້ພ້ອມກັບທ້ອງຖີ່ນຕ່າງໆຄົ້ນຄ້ວາ ເພື່ອວາງແຜນພັດທະນາບັນດາເຂດ, ເຂດອຸດສາຫະກຳທີ່ນຳໃຊ້ເຕັກໂນໂລຢີສູງ“.
ແລະ ກໍ່ໃນການຕອບຄຳຊັກຖາມ, ທ່ານລັດຖະມົນຕີ ກາວດຶກຝາດ ໄດ້ຊີ້ແຈ້ງບາງມາດຕະການໜູນຊ່ວຍເພື່ອໃຫ້ຊາວກະສີກອນສາມາດຮັບມືກັບການປ່ຽນແປງຂອງດິນຟ້າອາກາດ, ລົງທຶນກໍ່ສ້າງຊົນນະບົດໃໝ່...