(vovworld)- ຕອນເຊົ້າວັນທີ 4/6, ພາຍໃຕ້ການເປັນປະທານຂອງທ່ານຮອງປະທານສະພາແຫ່ງຊາດ Uong Chu Luu, ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບແຜນຮ່າງສືບຕໍ່ປ່ຽນ ໃໝ່, ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດ. ບັນດາຄຳເຫັນລ້ວນແຕ່ເຫັນດີກັບເລື່ອງສ້າງ ແຜນຮ່າງສືບຕໍ່ປ່ຽນໃໝ່, ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດ ເພື່ອນແນໃສ່ຕອບສະໜອງຄວາມຮຽກຮ້ອງສ້າງລັດແຫ່ງອຳນາດນິຕິບັນຍັດ ສັງຄົມນິຍົມຫວຽດນາມ ຂອງປະຊາຊົນ, ໂດຍປະຊາຊົນ, ເພື່ອປະຊາຊົນ, ຮັບປະກັນໃຫ້ສະພາແຫ່ງຊາດແມ່ນອົງການຕາງໜ້າສູງສຸດຂອງປະຊາຊົນ, ອົງການມີສິດອຳນາດສູງສຸດຂອງລັດຢ່າງແທ້ຈິງ. ບັນດາສະມາຊິກສະພາແຫ່ງຊາດເນັ້ນໜັກວ່າ: ຕ້ອງເພີ່ມທະວີການເຄືອ່ນໄຫວຊັກຖາມໃນວາລະປະຊຸມຂອງຄະນະປະຈຳສະພາ ແຫ່ງຊາດ. ສຳລັບການເຄື່ອນໄຫວພົບປະກັບຜູ້ມີສິດເລືອກຕັ້ງ, ຄຳເຫັນສ່ວນຫຼາຍຖືວ່າ: ຕ້ອງຈັດຕັ້ງຫຼາຍຮູບການພົບປະກັບຜູ້ມີສິດເລືອກຕັ້ງຄື: ພົບປະກັບຜູ້ມີສິດເລືອກຕັ້ງຢູ່ຫົວໜ່ວຍເລືອກຕັ້ງ, ຢູ່ບ່ອນອອກສະໝັກຮັບເລືອກຕັ້ງ, ບ່ອນເຮັດວຽກ, ພົບປະຕາມຫົວເລື່ອງສະເພາະ, ຂົງເຂດ, ເປົ້າໝາຍ, ຢູ່ບໍລິເວນທີ່ສະມາຊິກສະພາແຫ່ງຊາດມີຄວາມເອົາໃຈໃສ່…. ທ່ານນາງ Le Thi Nga ສະມາຊິກສະພາແຫ່ງຊາດແຂວງ Thai Nguyen ມີຄຳເຫັນວ່າ: “ບັນຫາ ປ່ອນບັດໄວ້ວາງໃຈສຳລັບບັນດາຕຳແໜ່ງໂດຍສະພາແຫ່ງຊາດເລືອກຕັ້ງ, ໃຫ້ສັດຕະຍາບັນນັ້ນ, ຂ້າພະເຈົ້າເຫັນດີກັບເລື່ອງມອບໃຫ້ຄະນະປະຈຳສະພາແຫ່ງຊາດສ້າງຮ່າງ ຂໍ້ກຳນົດກ່ຽວກັບການປ່ອນບັດໄວ້ວາງໃຈ. ຕ້ອງມີສອງຮູບການປ່ອນບັດໄວ້ວາງໃຈສາມັນ ແລະ ວິສາມັນເມື່ອເກີດຜູ້ມີຕຳແໜ່ງລະເມີດ. ບັນດາເປົ້າໝາຍຄວນປ່ອນບັດຈະແມ່ນຕຳແໜ່ງລັດຖະມົນຕີ ຫຼືຕຳແໜ່ງທຽບເທົ່າຂຶ້ນໄປ, ສ່ວນບັນດາຕຳແໜ່ງທຽບເທົ່າຮອງລັດຖະມົນຕີລົງມາ ຄວນມອບໃຫ້ຄະນະປະຈຳສະພາແຫ່ງຊາດ ຈັດຕັ້ງການຮັບເອົາຄຳເຫັນຂອງສະພາແຫ່ງຊາດ“
ຕອນບ່າຍວັນທີ 4/6, ສະພາແຫ່ງຊາດໄດ້ປຶກສາຫາລື ຢູ່ໜ່ວຍກ່ຽວກັບຮ່າງກົດໝາຍວ່າດ້ວຍການພິມຈຳໜ່າຍ (ສະບັບປັບປຸງ)
ແລະກໍໃນຕອນບ່າຍວັນທີ 4/6, ສະພາແຫ່ງຊາດໄດ້ປຶກສາຫາລື ຢູ່ໜ່ວຍກ່ຽວກັບຮ່າງກົດໝາຍວ່າດ້ວຍການພິມຈຳໜ່າຍ (ສະບັບປັບປຸງ). ນະໂຍບາຍພັດທະນາການພິມຈຳໜ່າຍ, ການຄຸ້ມຄອງລັດ ກ່ຽວກັບການເຄື່ອນໄຫວພິມຈຳໜ່າຍ, ຮູບແບບ, ເປົ້າໝາຍໂຮງພິມຈຳໜ່າຍ, ການຮ່ວມສຳພັນໃນການພິມຈຳໜ່າຍກັບສາກົນ, ຈຳໜ່າຍສິ່ງພິມ... ແມ່ນເນື້ອໃນຕົ້ນຕໍ່ທີ່ສະມາຊິກສະພາແຫ່ງຊາດ (ສສຊ) ປຶກສາຫາລື. ສສຊ ສ່ວນຫຼາຍໄດ້ເຫັນດີເຫັນພ້ອມກັບເລື່ອງປະກາດໃຊ້ ກົດໝາຍວ່າດ້ວຍການພິມຈຳໜ່າຍ (ສະບັບປັບປຸງ) ໂດຍໄວ ເພື່ອແນໃສ່ປັບປຸງບັນດາການພົວພັນທີ່ເກີດຂຶ້ນໃໝ່ໃນການເຄື່ອນໄຫວພິມຈຳໜ່າຍ, ພ້ອມທັງສ້າງເງື່ອນໄຂເພື່ອໃຫ້ຂົງເຂດພິມຈຳໜ່າຍສືບຕໍ່ພັດທະນາ, ຕອບສະໜອງໜ້າທີ່ກຳນົດທິດວັດທະນະທຳ - ແນວຄິດ ແລະ ພັດທະນາເສດຖະກິດ - ສັງຄົມ ເປັນຢ່າງດີ. ບາງຄຳເຫັນສະເໜີວ່າ: ບໍຄວນຮັດແຄບເປົ້າໝາຍສ້າງຕັ້ງໂຮງພິມຈຳໜ່າຍ ເພື່ອເສີມຂະຫຍາຍບັນດາແຫຼ່ງກຳລັງໃນສັງຄົມເພື່ອລົງທຶນໃຫ້ແກ່ການພິມຈຳໜ່າຍ. ທ່ານ Nguyen Van Rinh, ສສຊ ແຂວງ ຫາຍເຢືອງ ມີຄຳເຫັນວ່າ:
“ຂ້າພະເຈົ້າຍັງເປັນຫ່ວງກັງວົນ ຕໍ່ການຄຸ້ມຄອງລັດ, ຕ້ອງເຮັດແຈ້ງບັນດາອົງການຄຸ້ມຄອງ ແລະ ເນື້ອໃນການຄຸ້ມຄອງ ແລະ ເພີ່ມທະວີກຳລັງແຮງໃນການຄຸ້ມຄອງລັດໃຫ້ມີປະສິດທິຜົນກ່ວາອີກ. ຄຸ້ມຄອງລັດ ກ່ຽວກັບການເຄື່ອນໄຫວພິມຈຳໜ່າຍ ໄດ້ຊີ້ແຈ້ງວ່າ: ກະຊວງຖະແຫຼງຂ່າວ ແລະ ສື່ສານ, ບັນດາກະຊວງ, ອົງການທຽບເທົ່າກະຊວງ, ຄະນະກຳມະການປະຊາຊົນແຂວງ, ນະຄອນ ຮັບຜິດຊອບການພິມຈຳໜ່າຍຕາມການແບ່ງຂັ້ນຂອງລັດຖະບານ, ຂ້າພະເຈົ້າສະເໜີວ່າ: ຕ້ອງຊີ້ແຈງຢ່າງລະອຽດວ່າ: ແຂວງຮັບຜິດຊອບຄຸ້ມຄອງຂົງເຂດໃດ, ກະຊວງ, ອົງການທຽບເທົ່າກະຊວງຄຸ້ມຄອງຂົງເຂດໃດ ເພື່ອຫຼີກເວັ້ນການຄຸ້ມຄອງຊ້ຳກັນ, ພາໄປເຖິງເລື່ອງຫຼາຍອົງການຄຸ້ມຄອງສິ່ງພິມດຽວກັນ .”