ທ່ານ Vu Xuan Truong ສະມາຊິກສະພາແຫ່ງຊາດແຂວງ Nam Dinh
(ພາບ:baonamdinh.com.vn)
(vovworld) - ວັນທີ 9/11, ສະມາຊິດສະພາແຫ່ງຊາດ (ສສຊ) ທີ່ເຂົ້າຮ່ວມກອງປະຊຸມສະໄໝສາມັນເທື່ອທີ 4 ສະພາແຫ່ງຊາດຫວຽດນາມ ຊຸດທີ 13 ໄດ້ປຶກສາຫາລືຮ່າງກົດໝາຍວ່າດ້ວຍປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ) . ບັນດາ ສສຊ ເນັ້ນໜັກວ່າ ຢາກປ້ອງກັນ ແລະ ຕ້ານການສໍ້ລາດບັງຫຼວງ ກ່ອນອື່ນໝົດແມ່ນຕ້ອງປະຕິບັດປະຊາທິປະໄຕ, ເປີດເຜີຍ, ໂປ່ງໃສ. ດັ່ງນັ້ນ, ຮ່າງກົດໝາຍວ່າດ້ວຍປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ) ຄັ້ງນີ້ ຈຶ່ງສຸມໃສ່ປັບປຸງ, ເພີ່ມເຕີມຂໍ້ກຳນົດກ່ຽວກັບກາດເປີດເຜີຍຜົນຂອງການແຈ້ງຊັບສົມບັດ, ລາຍຮັບຢູ່ບ່ອນເຮັດວຽກ ແລະ ບ່ອນຢູ່ອາໄສຂອງພະນັກງານສະມາຊິກພັກ, ລັດຖະກອນ, ພາລະກອນ. ຕາມທ່ານ Bui Manh Hung, ສສຊ ແຂວງບິ່ງເຟືອກ ແລ້ວ, ເພື່ອເຮັດໃຫ້ກົດໝາຍຮັບໃຊ້ຢ່າງຕັ້ງໜ້າໃນຊີວິດ, ການຕິດຕາມກວດກາຂອງໝູ່ມະຫາຊົນ ແລະ ສື່ມວນຊົນແມ່ນຂາດບໍ່ໄດ້.
”ພຶດຕິກຳຕົວຈິງໄດ້ຢືນຢັນວ່າ, ໝູ່ມະຫາຊົນ ແລະ ສື່ມວນຊົນແມ່ນຜູ້ຊ່ວຍຢ່າງໄດ້ການໄດ້ງານໃນການຄົ້ນພົບການກະທຳສໍ້ລາດບັງຫຼວງ ແລະ ກໍ່ຍ້ອນມີຫາງສຽງ, ໝູ່ມະຫາຊົນ ແລະ ສື່ມວນຊົນນັ້ນເອງໄດ້ສ້າງກຳລັງດັນ ເພື່ອໃຫ້ບັນດາມາດຕະການປ້ອງກັນ, ຕ້ານສໍ້ລາດບັງຫຼວງໄດ້ຮັບການປະຕິບັດຢ່າງຕັ້ງໜ້າ. ໄປຄຽງຄູ່ກັບການເສີມຂະຫຍາຍບົດບາດຂອງໝູ່ມະຫາຊົນ ແລະ ສື່ມວນຊົນ, ຕ້ອງມີກົນໄກປົກປ້ອງຜູ້ເຂົ້າຮ່ວມວຽກງານປ້ອງກັນ, ຕ້ານການສໍ້ລາດບັງຫຼວງ ແລະ ຊົມເຊີຍປະຊາຊົນ ກໍ່ຄືນັກຂ່າວທີ່ເຮັດວຽກງານປ້ອງກັນ, ຕ້ານການສໍ້ລາດບັງຫຼວງໄດ້ດີ”
ເນື້ອໃນສຳຄັນອື່ນອີກຂອງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ) ຄັ້ງນີ້ແມ່ນເຮັດແຈ້ງການພົວພັນລະຫວ່າງຄະນະຊີ້ນຳການປ້ອງກັນ, ຕ້ານການສໍ້ລາດບັງຫຼວງສູນກາງ ກັບບັນດາອົງການມີໜ້າທີ່ຮັບຜິດຊອບຂອງລັດ ແລະ ເສີມຂະຫຍາຍບົດບາດຕິດຕາມກວດກາຂອງປະຊາຊົນໃນການປ້ອງກັນ, ຕ້ານການສໍ້ລາດບັງຫຼວງ. ທ່ານ Vu Xuan Truong ສະມາຊິກສະພາແຫ່ງຊາດແຂວງ Nam Dinh ປະກອບຄຳເຫັນວ່າ:
“ຂ້າພະເຈົ້າເຫັນດີເປັນເອກະສັນສູງກັບຮ່າງກົດໝາຍກ່ຽວກັບເລື່ອງອົງການຊີ້ນຳກ່ຽວກັບການປ້ອງກັນ, ຕ້ານການສໍ້ລາດບັງຫຼວງຂຶ້ນກັບກົມການເມືອງ, ຄະນະການເມືອງພາຍໃນຂັ້ນຕ່າງໆ. ທີສອງ, ບັນດາອົງການປະຕິບັດຊື່ງລວມມີອົງການກວດກາລັດຖະບານ, ອົງການກວດສອບແຫ່ງລັດ, ອົງການສືບສວນປ້ອງກັນ, ຕ້ານການສໍ້ລາດບັງຫຼວງຂອງກະຊວງຕຳຫຼວດ ຫລືກະຊວງປ້ອງກັນປະເທດ, ອົງການໄອຍະການປະຊາຊົນ. ຂ້າພະເຈົ້າສະເໜີໃຫ້ອົງການກວດກາ, ກວດສອບຕ້ອງສົ່ງຂໍ້ສະຫລຸບການກວດກາ, ກວດສອບພາຍຫຼັງການກວດກາ, ກວດສອບເຖິງຄະນະຊີ້ນຳ ແລະ ບັນດາອົງການມີໜ້າທີ່ຮັບຜິດຊອບການປ້ອງກັນ, ຕ້ານການສໍ້ລາດບັງຫຼວງ“