ສສຊ ປ່ອນບັດໄວ້ວາງໃຈ
(ພາບປະກອບ)
(vovworld) – ຕອນເຊົ້າວັນທີ 6/6, ສະພາແຫ່ງຊາດໄດ້ຮັບຟັງຜູ້ຕາງໜ້າຄະນະປະຈຳສະພາແຫ່ງຊາດ ລາຍງານໃບສະເໜີກ່ຽວກັບການປັບປຸງ, ເພີ່ມເຕີມມະຕິ 35 ຂອງສະພາແຫ່ງຊາດກ່ຽວກັບການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈ ສຳລັບຜູ້ຮັກສາຕຳແໜ່ງໂດຍ ສະພາແຫ່ງຊາດ, ສະພາປະຊາຊົນເລືອກຕັ້ງ ຫຼື ໃຫ້ສັດຕະຍາບັນ, ຮັບຟັງຜູ້ຕາງໜ້າກຳມາທິການກົດໝາຍຂອງສະພາແຫ່ງຊາດ ລາຍງານກ່ຽວກັບການກວດກາຮ່າງມະຕິປັບປຸງ, ເພີ່ມເຕີມບາງຂໍ້ມາດຕາຂອງມະຕິ 35. ຕອນບ່າຍວັນດຽວກັນ, ສະພາແຫ່ງຊາດປຶກສາຫາລືຢູ່ໜ່ວຍ ກ່ຽວກັບຮ່າງມະຕິນີ້. ຕາມນັ້ນແລ້ວ, ຄະນະປະຈຳສະພາແຫ່ງຊາດລາຍງານຕໍ່ສະພາແຫ່ງຊາດພິຈາລະນາ, ຕົກລົງບາງເນື້ອໃນຕ້ອງໄດ້ຮັບການປັບປຸງ, ເພີ່ມເຕີມ ເຊິ່ງລວມມີ: ຂອບຂະໜາດ, ເປົ້າໝາຍລົງຄະແນນສຽງໄວ້ວາງໃຈ, ເວລາກຳນົດ ແລະ ຈຸດເວລາລົງຄະແນນສຽງໄວ້ວາງໃຈ...
ກໍ່ໃນມື້ນີ້, ສະພາແຫ່ງຊາດປຶກສາຫາລື ກ່ຽວກັບຮ່າງກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການສອນວິຊາຊີບ, ຮ່າງກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍສັນຊາດ ຫວຽດນາມ, ເລື່ອງເຂົ້າຮ່ວມສົນທິສັນຍາ ແລະ ອະນຸສັນຍາກ່ຽວກັບບັນດາບັນຫາລະອຽດສຳລັບອຸປະກອນຂອງເຮືອບິນ.