ທ່ານ ເຈີ່ນຢູລີກ, ສສຊ ນະຄອນ ໂຮ່ຈີມິນ
(ພາບ: Việt Dũng)
(vovworld) – ກ່ຽວກັບສະພາບການເສດຖະກິດ - ສັງຄົມປີ 2013 ແລະ 3 ປີ 2011 – 2013, ຕາມ ສສຊ ຫຼາຍທ່ານແລ້ວ, ໝາກຜົນພົ້ນເດັ່ນທີ່ສຸດໃນປີ 2013 ແມ່ນເພີ່ມທະວີບັນດາປັດໄຈຮັກສາເສດຖະກິດມະຫາພາກ. ສິ່ງດັ່ງກ່າວສະແດງໃຫ້ເຫັນຢ່າງຈະແຈ້ງໃນການຄວບຄຸມໄພເງິນເຟີ້, ຮັກສາຕະຫຼາດເງິນຕາເປັນປົກກະຕິເທຶ່ອລະກ້າວ ແລະ ເສດຖະກິດພວມມີທ່າຟື້ນຟູ. ເຖິງຢ່າງໃດກໍ່ຕາມ, ໃນການພັດທະນາເສດຖະກິດ - ສັງຄົມ ຍັງມີບາງບັນຫາທີ່ໄດ້ຮັບຄວາມສົນໃຈຈາກ ສສຊ, ຊຶ່ງສະເໜີ້ໃຫ້ລັດຖະບານວາງອອກບັນດາມາດຕະການລະອຽດໃນວິວັດການປະຕິບັດ.
ກ່ຽວກັບຈຸດໝາຍປີ 2014, ສສຊ ຫຼາຍທ່ານໄດ້ຊົມເຊີຍເລື່ອງລັດຖະບານວາງອອກຈຸດໝາຍໃຫ້ທັງ 2 ປີຕໍ່ໜ້າ, ດ້ວຍ 2 ຕົວເລກຄາດໝາຍສຳຄັນແມ່ນການເຕີບໂຕ GDP ສະເລ່ຍ 6%/ປີ ແລະ ໄພເງິນເຟີ້ຢູ່ໃນລະດັບ 7%/ປີ. ທ່ານ ເຈີ່ນຢູລີກ, ສສຊ ນະຄອນ ໂຮ່ຈີມິນ, ໃຫ້ຂໍ້ສັງເກດວ່າ:
“ຂ້າພະເຈົ້າເຫັນດີຕໍ່ເລື່ອງຫັນທັດສະນະຄວບຄຸມໄພເງິນເຟີ້ ໄປສູ່ການຄວບຄຸມໄພເງິນເຟີ້ດ້ວຍເປົ້າໝາຍ. ນີ້ແມ່ນຈຸດທີ່ສຳຄັນເພື່ອບໍລິຫານໃນໄລຍະຈະມາເຖິງ. ບົນຈິດໃຈນັ້ນ, ຂ້າພະເຈົ້າເຫັນດີວ່າ: ພວກເຮົາບໍ່ຄວນຮ້ອນເຮັ່ງຕໍ່ບັນຫາຊຸກຍູ້ການເຕີບໂຕເພື່ອເຮັດໃຫ້ເງີນເຟີ້ເກີດຂຶ້ນຄືນໃໝ່. ເພື່ອເຮັດໃຫ້ໄດ້ວຽກງານນີ້, ກ່ຽວກັບມາດຕະການແກ້ໄຂ, ຂ້າພະເຈົ້າສະເໜີ 2 ເນື້ອໃນ. ທີ່ໜຶ່ງແມ່ນກ່ຽວກັບບັນດານະໂຍບາຍໃຫ້ປີ 2014 – 2015. ທີ 2 ແມ່ນກ່ຽວກັບນະໂຍບາຍປີກງົບປະມານ, ໃນການບໍລິຫານນະໂຍບາຍແມ່ນພະຍາຍາມນຳໃຊ້ແຫຼ່ງເງິນງົບປະມານຢ່າງມີປະສິດທິຜົນ.”
ກໍ່ຢູ່ໃນວາລະປຶກສາຫາລືໃນຕອນເຊົ້າວັນທີ 31/10, ມີ ສສຊ ຫຼາຍທ່ານໄດ້ເຕື້ອງເຖິງຂົງເຂດຜະລິດກະສິກຳ. ທ່ານ ຫງວຽນແທງຮູ່ງ, ສສຊ ແຂວງ ດົ່ງທາບ, ສະເໜີວ່າ:
“ເລື່ອງສ້າງໂຄງປະກອບກະສິກຳຄືນໃໝ່ແມ່ນຄວາມຮຽກຮ້ອງຕ້ອງການທີ່ຈຳເປັນ. ເພື່ອບັນລຸໄດ້ຈຸດໝາຍວາງອອກ, ຂ້າພະເຈົ້າສະເໜີໃຫ້ລັດຖະບານຄວນກວດກາ, ສ້າງກົນໄກນະໂຍບາຍສຳລັບກະສິກຳ, ຊາວກະສິກອນ ແລະ ຊົນນະບົດໃຫ້ສົມບຸນແບບ, ໃນນັ້ນຄວນສຸມໃສ່ແກ້ໄຂ 2 ບັນຫາຕິດຂັດໃນປະຈຸບັນນັ້ນແມ່ນຄຸນນະພາບບັນດາສະຫະກອນ ແລະ ນະໂຍບາຍດຶງດູດການລົງທຶນຂອງວິສາຫະກິດເຂົ້າໃນຂະແໜງກະສິກຳ. ຂ້າພະເຈົ້າສະເໜີໃຫ້ລັດຖະບານປະກາດໃຊ້ຂໍ້ຕົກລົງກ່ຽວກັບນະໂຍບາຍສົ່ງເສີມ, ໜູນຊ່ວຍຮູບແບບການຜະລິດຕິດພັນກັບການຈຳໜ່າຍ, ມີນະໂຍບາຍໜູນຊ່ວຍພັດທະນາເຂດວັດຖຸດິບ, ພັດທະນາອຸດສາຫະກຳສຳຮອງຜະລິດຫົວອາຫານສັດ.”
ສ່ວນທ່ານ ເຈີນງອກມິງ, ສະມາຊິກສະພາແຫ່ງຊາດ ນະຄອນຫາຍຟ່ອງ ສະເໜີວ່າ.
“ພວກຂ້າພະເຈົ້າສະເໜີໃຫ້ລັດຖະບານຕ້ອງໃຫ້ບຸລິມະສິດກວ່າອີກ ເພືອ່ພັດທະນາກະສິກຳ, ຍົກສູງຄຸນນະພາບ, ມູນຄ່າການຜະລິດ, ມຸ່ງໄປເຖິງຈຸດໝາຍພັດທະນາກະສິກຳຢ່າງໝັ້ນຄົງ, ສົ່ງເສີມຊາວກະສິກອນຜະລິດ, ຍູ້ແຮງການນຳໃຊ້ບັນດາເຂດຜະລິດປູກຝັງໂດຍສຸມໃສ່ແນວປູກຢ່າງດຽວ, ລ້ຽງສັດດ້ວຍຂອບຂະໜາດໃຫຍ່, ແນະນຳໃຫ້ຊາວກະສິກອນເລືອກເອົາແນວປູກ, ສັດລ້ຽງທີ່ເໝາະສົມ... ຢ່າງມີປະສິດທິຜົນ,”.
ເຂົ້າຮ່ວມລາຍງານອະພິປາຍກ່ຽວກັບບາງເນື້ອໃນເຊິ່ງບັນດາສະມາຊິກສະພາແຫ່ງຊາດໄດ້ເຕື້ອງເຖິງ, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ກາວດຶດຟ໋າດ ໃຫ້ຮູ້ວ່າ.
“ກ່ຽວກັບການວາງແຜນກຳນົດທີ່ດິນປູກເຂົ້າ, ພວກຂ້າພະເຈົ້າສຸມໃສ່ສ້າງເອກະສານແນະນຳໃຫ້ພໍ່ແມ່ປະຊາຊົນຮັກສາດິນປູກເຂົ້າ, ແຕ່ອາດຈະຫັນປ່ຽນໂຄງປະກອບຜົນລະປູກ ເພື່ອມີລາຍຮັບສູງກວ່າ. ກ່ຽວກັບປາຈາ, ພວກຂ້າພະເຈົ້າພວມປັບປຸງເລື່ອງດຳເນີນທຸລະກິດ ແລະ ການສົ່ງອອກ, ສະກັດກັ້ນສະພາບແກ້ງແຍ່ງທີ່ບໍ່ສົດໄສ, ຂາຍບຸບລາຄາ, ທຳລາຍຊື່ສຽງ. ກ່ຽວກັບໄລຍະຍາວ, ກະຊວງພວມປັບປຸງແຜນກຳນົດ ແລະ ໄດ້ຍື່ນສະເໜີຕໍ່ລັດຖະບານດຳລັດຄຸ້ມຄອງ, ຜະລິດ, ດຳເນີນທຸລະກິດຄ້າຂາຍປາຈາ ພ້ອມທັງສົມທົບກັນຜັນຂະຫຍາຍຮູບແບບຮ່ວມສຳພັນໃນຂົງເຂດນີ້”.