ສະພາແຫ່ງຊາດດຳເນີນກອງປະຊຸມເທື່ອສຸດທ້າຍກ່ຽວກັບສະພາບ ເສດຖະກິດ-ສັງຄົມ |
(vovworld)- ວັນທີ 1/4, ສະພາແຫ່ງຊາດຫວຽດນາມໄດ້ປຶກສາຫາລືກ່ຽວກັບຜົນຂອງການປະຕິບັດໜ້າທີ່ພັດທະນາເສດຖະກິດ-ສັງຄົມປີ 2015 ແລະ 5 ປີ 2011 – 2015, ແຜນການພັດທະນາເສດຖະກິດ-ສັງຄົມ, ແຜນການນຳໃຊ້ທີ່ດິນ 2016 – 2020. ກ່າວຄຳເຫັນສະຫຼຸບ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ຊີ້ແຈ້ງວ່າ ບັນດາຄຳເຫັນ ສ.ສ.ຊ ໄດ້ປະກອບສ່ວນຢ່ງເລິກເຊິ່ງ, ກົງໄປກົງມາ, ໄຈ້ແຍກດ້ານດີ, ດ້ານອ່ອນໃນການພັດທະນາເສດຖະກິດ-ສັງຄົມໄລຍະ 5 ປີທີ່ຜ່ານມາ, ພ້ອມກັນນັ້ນ ກໍສະເໜີບັນດາວິທີການແກ້ໄຂໃນຊຸດທີ່ຈະມາເຖິງ.
ທາງດ້ານເສດຖະກິດ, ບັນດາ ສ.ສ.ຊ ຖືວ່າ ໃນອາຍຸການທີ່ຈະມາເຖິງ, ພື້ນຖານເສດຖະກິດຫວຽດນາມຢືນຢູ່ຕໍ່ໜ້າສິ່ງທ້າທາຍ. ນີ້ແມ່ນຈຸດເວລາທີ່ຫວຽດນາມເຊື່ອມໂນງເຂົ້າກັບເສດຖະກິດສາກົນໃຫ້ນັບມື້ນັບເລິກເຊິ່ງກ້ວາງຂວາງ, ດັ່ງນັ້ນຕ້ອງມີວິທີການແກ້ໄຂລະອຽດເພື່ອໃຫ້ປະເທດພັດທະນາ. ທ່ານວູ້ຕ້ຽນໂລກ ສ.ສ.ຊ ແຂວງທ້າຍບີງ ຖືວ່າ:
“ ຕ້ອງກຳນົດຢ່າງຈະແຈ້ງວິວັດທະນາການ ແລະ ບັນດາຄາດໝາຍທີ່ຕ້ອງບັນລຸໄດ້ໃນການປະຕິຮູບລະບອບລະບຽບການ, ປົວແປງສະພາບແວດລ້ອມແຫ່ງການດຳເນີນທຸລະກິດ ແລະ ຍົກສູງຄວາມສາມາດແກ່ງແຍ້ງຂອງຫວຽດນາມ ” .
ໜຶ່ງໃນບັນດາເນື້ອໃນທີ່ພົ້ນເດັ່ນ ນັ້ນແມ່ນສະພາບການສໍ້ລາດບັງຫຼວງ, ການຟຸມເຟືອຍ. ບັນດາ ສ.ສ.ຊ ໄດ້ສະເໜີບັນດາວິທີການແກ້ໄຂຢ່າງແຂງແຮງກ່ຽວກັບບັນຫານີ້. ທ່ານ ຫງວຽນກົງຮົ່ງ ຮອງຫົວໜ້າກຳມາທິການຍຸດຕິທຳ ສະພາແຫ່ງຊາດຫວຽດນາມ ສະເໜີວ່າ :
“ ສ້າງແຜນການພັດທະນາ ແມ່ນອາດຈະສ້າງແຕ່ລຸມຂຶ້ນເທິ່ງ, ແຕ່ຕ້ານສໍ້ລາດບັງຫຼວງຕ້ອງສ້າງຢູ່ເທິ່ງລົງຮອດລຸມ່ ແລະ ຈາກພາຍໃນອອກສູ່ພາຍນອກ. ຂ້າພະເຈົ້າຄິດວ່າ ພວກເຮົາບໍ່ຢ້ານສູນເສຍພະນັກງານ, ເພາະການເປັນແບບຢ່າງນີ້ ແມ່ນມີກຳລັງແຮງເພື່ອສະກັດກັ້ນ ”