ສະພາແຫ່ງຊາດປຶກສາຫາລືຮ່າງກົດໝາຍວ່າດ້ວຍທາງລົດໄຟ(ສະບັບປັບປຸງ)
(ພາບປະກອບ)
(vovworld) – ຕອນເຊົ້າວັນທີ 18/11, ບັນດາສະມາຊິກສະພາແຫ່ງຊາດເຮັດວຽກຢູ່ຫໍປະຊຸມ, ປຶກສາຫາລືຮ່າງກົດໝາຍວ່າດ້ວຍທາງລົດໄຟ (ສະບັບປັບປຸງ) ແລະ ຮ່າງມະຕິກ່ຽວກັບເລື່ອງອອກວິຊາເອເລັກໂຕນິກທົດລອງໃຫ້ຊາວຕ່າງປະເທດເຂົ້າເມືອງ ຫວຽດນາມ. ແລະກໍ່ໃນຕອນເຊົ້າວັນດຽວກັນບັນດາສະມາຊິກສະພາແຫ່ງຊາດໃຫ້ຄຳເຫັນໃສ່ຮ່າງກົດໝາຍວ່າດ້ວຍທາງລົດໄຟ (ສະບັບປັບປຸງ), ບັນດາສະມາຊິກໄດ້ຍົກອອກບັນດາສິ່ງທີ່ຍັງຄົງຄ້າງໃນໄລຍະຍາວນານຂອງຂະແໜງທາງລົດໄຟ, ພິເສດແມ່ນພື້ນຖານໂຄງລ່າງທາງລົດໄຟຫຼ້າຫຼັງ. ເຫັນດີຕໍ່ຄວາມຈຳເປັນຕ້ອງປັບປຸງກົດໝາຍ, ແຕ່ສະມາຊິກສະພາແຫ່ງຊາດຫລາຍທ່ານສະເໜີ ຄວນມີຂໍ້ກຳນົດຢ່າງຈະແຈ້ງ ແລະ ຄົບຖ້ວນກ່ວາ ກ່ຽວກັບທິດທາງບຸລິມະສິດໃນການພັດທະນາຂອງຂະແໜງທາງລົດໄຟ, ພິເສດ ແມ່ນວຽກງານລົງທຶນ ເພື່ອນຳຄົມມະນາຄົມ - ຂົນສົ່ງທາງລົດໄຟ ຫລຸດພົ້ນອອກຈາກສະພາບຫຼ້າຫຼັງ, ອ່ອນດ້ອຍຄືໃນປະຈຸບັນໂດຍໄວ. ຕາມບັນດາສະມາຊິກສະພາແຫ່ງຊາດແລ້ວ, ກ່ອນອື່ນໝົດຄວນສຸມໃສ່ປຸກລະດົມແຫຼ່ງກຳລັງສັງຄົມ ລົງທຶນບັນດາໂຄງການຄົມມະນາຄົມທາງລົດໄຟຈຸດສຸມ, ບັນດາເສັ້ນທາງລົດໄຟທີ່ມີຜົນປະໂຫຍດສູງ, ເຊື່ອມຕໍ່ກັບບັນດາແບບວິທີຂົນສົ່ງອື່ນໆ.