( vovworld ) - ຮ່າງກົດໝາຍວ່າດ້ວຍສະສົມແຫ່ງຊາດແມ່ນເນື້ອໃນປຶກສາຫາລືຢູ່ຫໍປະຊຸມຂອງສະມາຊິກສະພາແຫ່ງຊາດ ( ສສຊ ) ໃນຕອນບ່າຍວັນທີ 11/6. ບັນດາຄຳເຫັນລ້ວນແຕ່ເຫັນດີຕໍ່ເລື່ອງປະກາດໃຊ້ ກົດໝາຍວ່າດ້ວຍສະສົມແຫ່ງຊາດໂດຍໄວ ເພື່ອແນໃສ່ຕອບສະໜອງບັນດາຄວາມຕ້ອງການກະທັນຫັນ, ຮີບດ່ວນກ່ຽວກັບການປ້ອງກັນ, ຕ້ານ, ແກ້ໄຂຜົນຮ້າຍຈາກໄພທຳມະຊາດ, ອັກຄີໄພ, ໂລກລະບາດ. ມີຫຼາຍຄວາມເຫັນສະເໜີຍົກເວັ້ນການນຳໃຊ້ສິນຄ້າສະສົມແຫ່ງຊາດເຂົ້າໃນການຮັກສາຕະຫຼາດ, ເສດຖະກິດມະຫາພາກເປັນປົກກະຕິ, ຮັບປະກັນຊີວິດສັງຄົມ, ເພາະວ່າ,ໃນສະພາບຕົວຈິງແລ້ວ, ແຫຼ່ງສະສົມແຫ່ງຊາດໃນປະຈຸບັນຍັງບໍ່ທັນຕອບສະໜອງໄດ້. ທ່ານ Le Van Hoang, ສສຊ ນະຄອນດານັ້ງ, ຍົກຄວາມເຫັນວ່າ.
“ຕາມຂ້າພະເຈົ້າແລ້ວ, ຄວນຄິດໄລ່ ແລະ ຄົ້ນຄວ້າກ່ຽວກັບຂໍ້ກຳນົດກົດໝາຍສະສົມແຫ່ງຊາດ ຖືກນຳໃຊ້ເພື່ອຮັກສາຕະຫຼາດ ແລະ ຮັກສາເສດຖະກິດມະຫາພາກໃຫ້ເປັນປົກກະຕິຢ່າງລະອຽດ. ນີ້ແມ່ນຈຸດໝາຍຍາກທີ່ຈະປະຕິບັດໄດ້ ແລະ ມີທ່າອ່ຽງໄປຝືນກັບຈຸດໝາຍພັດທະນາເສດຖະກິດຕາມກົນໄກການຕະຫຼາດ. ສ່ວນບັນຫາຮັບປະກັນຊີວິດສັງຄົມແມ່ນໜ້າທີ່ ທັງມີຂອບເຂດອັນກວ້າງຂວາງ, ກ່ຽວຂ້ອງເຖິງຫຼາຍຂະແໜງ, ຫຼາຍຂົງເຂດ. ດັ່ງນັ້ນ, ຂ້າພະເຈົ້າສະເໜີໃຫ້ອົງການຮຽບຮຽງຄວນພິຈາລະນາຮັດແຄບຈຸດໝາຍນຳໃຊ້ສະສົມແຫ່ງຊາດບົນພື້ນຖານຄວາມດູນດຽງທາງດ້ານແຫຼ່ງກຳລັງ, ຮັບປະກັນເໝາະສົມກັບຄຸນນະທາດຂອງສະສົມແຫ່ງຊາດ. ແຫຼ່ງກຳລັງແຫ່ງຊາດພຽງແຕ່ນຳໃຊ້ໃນບັນດາກໍລະນີຮີບດ່ວນທີ່ສຸດ”
ຕອນເຊົ້າຂອງວັນດຽວກັນ, ເມື່ອປຶກສາລືກ່ຽວກັບສະຫຼຸບຂາດຕົວງົບປະມານແຫ່ງລັດປີ 2010, ສສຊ ຫຼາຍທ່ານໄດ້ສະເໜີເພີ່ມລົງທຶນງົບປະມາແຫ່ງລັດໃຫ້ແກ່ວິທະຍາສາດ, ເຕັກໂນໂລຊີ. ປີ 2010 ສະຫຼຸບຂາດຕົວເກີນງົບປະມານແຫ່ງລັດແມ່ນກວ່າ 109.000 ຕື້ດົງ, ເທົ່າກັບ 5,5% GDP. ທ່ານ Bui Duc Thuan ສສຊ ແຂວງລາຍເຈົາ, ຖືວ່າ
“ຂ້າພະເຈົ້າເຫັນດີຕໍ່ໃບຍື່ນສະເໜີຂອງລັດຖະບານ ແລະ ບົດລາຍງານກວດກາຂອງກຳມາທິການການເງິນງົບປະມານ ກ່ຽວກັບການສະຫລຸບຂາດຕົວງົບປະມານແຫ່ງລັດປີ 2010. ໃບຍື່ນສະເໜີຂອງລັດຖະບານກ່ຽວກັບການສະຫລຸບຂາດຕົວງົບປະມານແຫ່ງ ລັດປີ 2010 ໄດ້ຮັບການສັງລວມຈາກງົບປະມານຂອງ 63 ແຂວງ ນະຄອນ. ບົດລາຍງານຂອງລັດຖະບານທີ່ຍື່ນສະເໜີຕໍ່ສະພາແຫ່ງຊາດກ່ຽວກັບການ ສະຫລຸບຂາດຕົວງົບປະມານແຫ່ງລັດປິ 2010 ໄດ້ມີບັນດາເງື່ອນໄຂອັນຈຳເປັນ, ຕາມບັນດາຂໍ້ກຳນົດກ່ຽວກັບຂັ້ນຕອນ, ລະບຽບການໃຫ້ສັດຕະຍາບັນການສະຫລຸບຂາດຕົວງົບປະມານແຫ່ງລັດຕາມກົດໝາຍ ວ່າດ້ວຍງົບປະມານແຫ່ງລັດ.”
ແລະກໍ່ໃນຕອນເຊົ້າວັນທີ 11/6, ສະພາແຫ່ງຊາດກໍ່ປຶກສາຫາລື ກ່ຽວກັບການເພີ່ມເຕີ່ມບາງໂຄງການໃໝ່ທີ່ນຳໃຊ້ແຫຼ່ງພັນທະບັດຂອງລັດຖະບານໄລຍະ 2012 – 2015, ໃນນັ້ນມີບາງໂຄງການທີ່ສຳຄັນຄື; ໂຄງການກໍ່ສ້າງຂົວນ້ຳກັນ (ແຂວງກາເມົາ); ໂຄງການກໍ່ສ້າງຫໍພັກໃຫ້ແກ່ນັກສຶກສາມະຫາວິທະຍາໄລຈ່າຫວິງ…