ສະພາແຫ່ງຊາດປຶກສາຫາລືໂຄງການກໍ່ສ້າງຊົນນະບົດໃໝ່
ທ່ານ ຫວູຮົ່ງແທງ ຫົວໜ້າກຳມາທິການ
ເສດຖະກິດຂອງສະພາແຫ່ງຊາດ
(vovworld) – ໂດຍສືບຕໍ່ກອງປະຊຸມສະໄໝສາມັນເທື່ອທີ 2, ສະພາແຫ່ງຊາດຊຸດທີ 14, ຕອນເຊົ້າວັນທີ 04/11, ສະພາແຫ່ງຊາດຮັບຟັງບົດລາຍງານຂອງຄະນະປະຈຳສະພາແຫ່ງຊາດກ່ຽວກັບການປະຕິບັດໂຄງການຈຸດໝາຍແຫ່ງຊາດກໍ່ສ້າງຊົນນະບົດໃໝ່ (ໄລຍະ 2010 – 2015) ຕິດພັນກັບການສ້າງໂຄງປະກອບຂະແໜງກະສິກຳຄືນໃໝ່ ແລະ ປຶກສາຫາລືຢູ່ຫໍປະຊຸມກ່ຽວກັບເນື້ອໃນດັ່ງກ່າວ.
ກ່ອນໜ້ານັ້ນ, ໃນການເຮັດວຽກວັນທີ 03/11, ເມື່ອທີ່ປຶກສາຫາລືກ່ຽວກັບສະພາບການພັດທະນາເສດຖະກິດ - ສັງຄົມ, ບັນດາສະມາຊິກສະພາແຫ່ງຊາດຖືວ່າ: ໃນເງື່ອນໄຂປະເທດເຮົາພວມປະເຊີນໜ້າກັບຄວາມຫຍຸ້ງຍາກ ແລະ ສິ່ງທ້າທາຍຫລາຍຢ່າງ ແຕ່ບັນລຸໄດ້ 13/15 ຄາດໝາຍເຊິ່ງມະຕິສະພາແຫ່ງຊາດວາງອອກ. ນີ້ແມ່ນຄວາມຕັດສິນໃຈອັນໃຫຍ່ຫລວງຂອງພັກ, ລັດຖະບານ ແລະ ທົ່ວປວງຊົນ. ເມື່ອປຶກສາຫາລືກ່ຽວກັບໜ້າທີ່ມາດຕະການປີ 2017, ສະມາຊິກສະພາແຫ່ງຊາດຫລາຍທ່ານເຫັນດີເຫັນພ້ອມສູງກັບມາດຕະການຂອງລັດຖະບານແມ່ນ ສ້າງໂຄງປະກອບຕິດພັນກັບການຫັນປ່ຽນຮູບແບບການເຕີບໂຕ; ຜັນຂະຫຍາຍແຜນການລົງທຶນພາກລັດໄລຍະກາງ, ເຕົ້າໂຮມທຶນໃຫ້ບັນດາໂຄງການພັດທະນາໂຄງລ່າງຈຸດສຸມ, ສ້າງກຳລັງແຜ່ຂະຫຍາຍ ແລະ ເຊື່ອມຕໍ່ພັດທະນາ. ຄຽງຂ້າງເອົາໃຈໃສ່ເປັນພິເສດເຖິງການພັດທະນາເສດຖະກິດ, ບາງຄຳເຫັນຖືວ່າ: ຄວນຮັບຮູ້ບັນດາຜົນກະທົບ, ສິ່ງທ້າທາຍຕໍ່ຊີວິດການເປັນຢູ່ທາງສັງຄົມ ເຊິ່ງຜູ້ມີສິດເລືອກຕັ້ງໃນທົ່ວປະເທດເອົາໃຈໃສ່ຄວນໄດ້ຮັບການແກ້ໄຂຄື: ການສໍ້ລາດບັງຫລວງ, ການຟຸມເຟືອຍ, ມົນລະພິດສິ່ງແວດລ້ອມ, ຄວາມປອດໄພ ແລະ ສຸຂະອະນາໄມດ້ານອາຫານ, ຄວາມປອດໄພທາງຄົມມະນາຄົມ, ປ້ອງກັນຕ້ານອັກຄີໄພ…ທີ່ສົ່ງຜົນສະທ້ອນຢ່າງຮ້າຍແຮງເຖິງຊີວິດການເປັນຢູ່, ການຜະລິດ ແລະ ສິ່ງແວດລ້ອມ.