ສະພາແຫ່ງຊາດພິຈາລະນາພົ້ນຕຳແໜ່ງປະທານປະເທດສຳລັບທ່ານເຈືອງເຕີ໋ນຊາງ
(ທ່ານປະທານປະເທດ ເຈືອງເຕີ໋ນຊາງ)
(vovworld) - ສືບຕໍ່ວຽກງານບຸກຄະລາກອນຂອງກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຊຸດທີ 13, ຕອນເຊົ້າວັນທີ 31/03, ຕາງໜ້າຄະນະປະຈຳສະພາແຫ່ງຊາດ, ທ່ານນາງ ຫງວຽນທິກີມເງິນ ປະທານສະພາແຫ່ງຊາດ ອ່ານໃບສະເໜີກ່ຽວກັບເລື່ອງພົ້ນຕຳແໜ່ງປະທານປະເທດ. ຕາມນັ້ນແລ້ວ, ທີ່ກອງປະຊຸມສະໄໝສາມັນເທື່ອທີ 1 ສະພາແຫ່ງຊາດຊຸດທີ 13, ທ່ານ ເຈືອງເຕີ໋ນຊາງ ກຳມະການກົມການເມືອງຊຸດທີ 11 ເຊິ່ງໄດ້ຮັບການເລືອກຕັ້ງຈາກສະພາແຫ່ງຊາດໃຫ້ດຳລົງຕຳແໜ່ງເປັນປະທານປະເທດ. ໃນໄລຍະດຳລົງຕຳແໜ່ງ ທ່ານເຈືອງເຕີ໋ນຊາງ ຍາມໃດກໍ່ປະຕິບັດໜ້າທີ່ໄດ້ຮັບມອບໝາຍເປັນຢ່າງດີ. ທ່ານນາງປະທານສະພາແຫ່ງຊາດ ຫງວຽນທິກີມເງິນ ຖືວ່າ:
“ໂດຍຄວາມຮຽກຮ້ອງຊັບຊ້ອນວຽກງານບຸກຄະລາກອນຂັ້ນສູງຂອງພັກ ແລະ ລັດ ພາຍຫລັງກອງປະຊຸມໃຫຍ່ທົ່ວປະເທດຂັ້ງທີ 12 ຂອງພັກ, ເພື່ອສ້າງຄວາມຄົບຊຸດໃນວຽກງານພະນັກງານ, ອີງໃສ່ມະຕິເລກທີ 01 ຂອງຄະນະບໍລິຫານງານສູນກາງພັກຊຸດທີ 12, ອີງຕາມມາດຕາ 74 ລັດຖະທຳມະນູນ ແຫ່ງສາທາລະນະລັດສັງຄົມນິຍົມ ຫວຽດນາມ, ມາດຕາ 11 ກົດໝາຍວ່າດ້ວຍສະພາແຫ່ງຊາດ ມາດຕາ 39 ກົດລະບຽບກອງປະຊຸມສະໄໝສາມັນສະພາແຫ່ງຊາດ, ຄະນະປະຈຳສະພາແຫ່ງຊາດ ຍືນສະເໜີຕໍ່ສະພາແຫ່ງຊາດພິຈາລະນາພົ້ນຕຳແໜ່ງປະທານປະເທດສຳລັບທ່ານ ເຈືອງເຕີ໋ນຊາງ”.