ວາລະປະຊຸມໃນຕອນເຊົ້າວັນທີ 21/11
(ພາບຈາກ vtv.vn)
(vovworld) - ຕອນບ່າຍວັນທີ 21/11, ສະພາແຫ່ງຊາດຈັດວາລະປະຊຸມຄົບຄະນະທີ່ຫໍປະຊຸມ, ປຶກສາຫາລືກ່ຽວກັບຮ່າງກົດໝາຍວ່າດ້ວຍລັດຖະບານ (ສະບັບປັບປຸງ). ທີ່ວາລະປະຊຸມ, ບັນດາ ສສຊ ໄດ້ເຫັນດີຕໍ່ຄວາມຈຳເປັນຕ້ອງປັບປຸງກົດໝາຍວ່າດ້ວຍລັດຖະບານທີ່ພວມປະກາດໃຊ້ ເພື່ອແກ້ໄຂຄວາມຕິດຂັດ, ຈຳກັດ, ສືບຕໍ່ປັບປຸງກົນໄກການນຳ, ຊີ້ນຳນຳພາ ແລະ ການບໍລິຫານຂອງລັດຖະບານ, ນາຍົກລັດຖະມົນຕີ. ພ້ອມທັງຮັບປະກັນລັກສະນະກະທັດລັດ, ເປັນເຈົ້າການມີຫົວຄິດປະດິດສ້າງ, ຂະຫຍັນຂັນເຄື່ອນ, ມີໄຫວພິກ ເພື່ອແກ້ໄຂບັນດາບັນຫາທີ່ວາງອອກ. ແຕ່ບັນດາ ສສຊ ກໍ່ຖືວ່າ, ຮ່າງກົດໝາຍວ່າດ້ວຍລັດຖະບານ (ສະບັບປັບປຸງ) ຄວນໃກ້ຊິດ, ຫັນຫຼັກການຂອງລັດຖະທຳມະນູນປີ 2013ທີ່ກຳນົດກ່ຽວກັບການຈັດຕັ້ງລັດຖະບານເປັນລະອຽດ. ບັນດາ ສສຊ ກໍ່ສະເໜີວ່າ ຮ່າງກົດໝາຍຄວນມີລັກສະນະຫຼັກການກ່ຽວກັບການແບ່ງຂັ້ນຂອງລັດຖະບານກັບອຳນາດການປົກຄອງທ້ອງຖີ່ນ, ບົນພື້ນຖານນັ້ນກົດໝາຍວ່າດ້ວຍອຳນາດການປົກຄອງທ້ອງຖີ່ນ ແລະ ບັນດາກົດໝາຍຂະແໜງສະເພາະຈຶ່ງກຳນົດການແບ່ງຂັ້ນຢ່າງລະອຽດ.
ກ່ອນໜາ້ນັ້ນ, ຕອນເຊົ້າວັນທີ 21/11, ສະພາແຫ່ງຊາດໄດ້ຈັດວາລະປະຊຸມຄົບຄະນະຢູ່ຫໍປະຊຸມ ຮັບຟັງກຳມະການຄະນະປະຈຳສະພາແຫ່ງຊາດຫົວໜ້າກຳມາທິການກົດໝາຍ ຟານຈູງຫຼີ ແນະນຳບົດລາຍງານອະພິປາຍ, ຮັບເອົາຄຳເຫັນຂອງ ສສຊ ກ່ຽວກັບຮ່າງກົດໝາຍປັບປຸງເພີ່ມເຕີມບາງມາດຕາຂອງກົດໝາຍວ່າດ້ວຍການບິນພົນລະເຮືອນຫວຽດນາມ, ລົງຄະແນນສຽງຮັບຮອງເອົາກົດໝາຍນີ້ ແລະ ປຶກສາຫາລືກ່ຽວກັບຮ່າງກົດໝາຍພັນທະການທະຫານ (ສະບັບປັບປຸງ).
ບົດລາຍງານອະພິປາຍ, ຮັບເອົາຄຳເຫັນຂອງຄະນະປະຈຳສະພາແຫ່ງຊາດໃຫ້ຮູ້ວ່າ, ເພື່ອແກ້ໄຂສະພາບວິສາຫະກິດສວຍໃຊ້ສິດຜູກຂາດເພື່ອຍົກລາຄາການບໍລິການ, ພິເສດແມ່ນສຳລັບການບໍລິການປອດການບິນທີ່ຈຳເປັນ, ຮ່າງກົດໝາຍໄດ້ຮັບການປັບປຸງຕາມທິດລັດກຳນົດລາຄາສຳລັບການບໍລິການການບິນ ແລະ ການບໍລິການປອດການບິນທີ່ຈຳເປັນ. ສ່ວນລາຄາບໍລິການ, ສິນຄ້າອື່ນໆຖືກດັດສົມຕາມກົນໄກການຕະຫຼາດ ໂດຍວິສາຫະກິດຕົກລົງ, ແຕ່ຕ້ອງຕິດປະກາດຢ່າງເປີດເຜີຍ. ຜ່ານນັ້ນປົກປ້ອງສິດ ແລະ ຜົນປະໂຫຍດຂອງຜູ້ຊົມໃຊ້ ແລະ ວິສາຫະກິດ.
ຕໍ່ຈາກນັ້ນ, ດ້ວຍຈຳນວນບັດເຫັນດີສ່ວນຫຼາຍນັ້ນ, ສະພາແຫ່ງຊາດໄດ້ຮັບຮອງເອົາ ກົດໝາຍວ່າດ້ວຍການບິນພົນລະເຮືອນຫວຽດນາມ.