(ພາບປະກອບ)
(vovworld)- ຕອນບ່າຍ ວັນທີ 17/11, ດ້ວຍບັດເຫັນດີສ່ວນຫຼາຍ, ບັນດາສະມາຊິກເຂົ້າຮ່ວມກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດຊຸດທີ 14 ໄດ້ຮັບຮອງເອົາກົດໝາຍວ່າດ້ວຍການປະມູນລາຄາຊັບສິນ. ກົດໝາຍວ່າດ້ວຍການປະມູນລາຄາຊັບສິນກຳນົດ ກ່ຽວກັບຫຼັກການ, ຂັ້ນຕອນ, ລະບຽບການປະມູນຊັບສິນ, ຄ່າທຳນຽມປະມູນຊັບສິນ, ການຄຸ້ມຄອງລັດ ກ່ຽວກັບການປະມູນລາຄາຊັບສິນ. ຕາມກົດໝາຍວ່າດ້ວຍການປະມູນລາຄາຊັບສິນ ຕ້ອງຮັບປະກັນລັກສະນະເອກະລາດ, ບໍລິສຸດ, ເປີດເຜີຍ, ປອດໄສ, ຍຸດຕິທຳ, ພາວະວິໄສ; ຮັກສາສິດ, ຜົນປະໂຫຍດຖືກຕ້ອງຕາມກົດໝາຍ ຂອງຜູ້ມີຊັບສິນປະມູນລາຄາ, ຜູ້ເຂົ້າຮ່ວມການປະມູນລາຄາ, ຜູ້ໄດ້ຮັບຊະນະໃນການປະມູນລາຄາ, ຜູ້ທີ່ຊື້ຊັບສິນປະມູນລາຄາໄດ້, ອົງການປະມູນລາຄາ, ນັກປະມູນລາຄາ. ການປະມູນຕ້ອງໄດ້ຮັບການບໍລິຫານຈາກຜູ້ປະມູນລາຄາ, ຍົກເວັ້ນກໍລະນີການປະມູນໂດຍສະພາປະມູນຊັບສິນປະຕິບັດ.
ຕອນບ່າຍວັນດຽວກັນ, ບັນດາສະມາຊິກເຂົ້າຮ່ວມກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດຊຸດທີ 14 ໄດ້ປຶກສາຫາລືກ່ຽວກັບຮ່າງກົດໝາຍສະບັບປັບປຸງ, ເພີ່ມເຕີມບັນຊີຂະແໜງ, ອາຊີບລົງທຶນດຳເນີນທຸລະກິດ ທີ່ມີເງື່ອນໄຂ ຂອງກົດໝາຍວ່າດ້ວຍການລົງທຶນ.