ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ
(vovworld) – ຕອນເຊົ້າວັນທີ 17/11 ທ່ານ ເລຫວີງເຕີນ ລັດຖະມົນຕີກະຊວງພາຍໃນ ຫວຽດນາມ ສືບຕໍ່ຕອບຄຳຊັກຖາມຈາກສະມາຊິກສະພາແຫ່ງຊາດ. ພາຍຫລັງການຕອບຄຳຊັກຖາມຂອງທ່ານລັດຖະມົນຕີ ເລຫວີງເຕີນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຈະຕອບຄຳຊັກຖາມຂອງສະມາຊິກສະພາແຫ່ງຊາດກ່ຽວກັບບັນດາເນື້ອໃນທີ່ຂຶ້ນກັບຄວາມຮັບຜິດຊອບຂອງນາຍົກລັດຖະມົນຕີ ທີ່ກ່ຽວຂ້ອງເຖິງບັນດາໝວດບັນຫາ ເຊິ່ງໄດ້ຊັກຖາມໃນ 2 ວັນຜ່ານມາ.
ໃນຂົງເຂດເສດຖະກິດ, ຢູ່ລະດັບມະຫາພາກ, ທ່ານນາຍົກລັດຖະມົນຕີ ໃຫ້ຮູ້ວ່າ: ຄາດໝາຍພັດທະນາເສດຖະກິດສັງຄົມ ເຊິ່ງສະພາແຫ່ງຊາດຫາກໍ່ຮັບຮອງເອົາແມ່ນລະດັບສູງ ໃນສະພາບການທີ່ ຫວຽດນາມ ພວມປະສົບກັບຫຍຸ້ງຍາກຫລາຍທີ່ສຸດ, ທ່ານນາຍົກລັດຖະມົນຕີ ໃຫ້ຮູ້ວ່າ ໃນໄລຍະຈະມາເຖິງ ເລື່ອງເປັນເຈົ້າການກ່ຽວກັບເສດຖະກິດມີບົດບາດສຳຄັນທີ່ສຸດໃນການພັດທະນາຂອງ ຫວຽດນາມ.
“ໃນຍຸກສະໄໝໃໝ່ ຫວຽດນາມ ເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກ້ວາງຂວາງ ແຕ່ບັນຫາເອກະລາດເປັນເຈົ້າການຂອງພື້ນຖານເສດຖະກິດ ຕ້ອງໄດ້ເອົາໃຈໃສ່ເປັນພິເສດ, ບໍ່ອີງໃສ່ຕະຫລາດດຽວ, ຄູ່ຮ່ວມມືດຽວ. ບັນດາປັດໃຈຄື: ເງິນຕາ, ພະລັງງານ, ສະບຽງອາຫານຕ້ອງໄດ້ຮັບການຮັບປະກັນ ເພື່ອຫຼີກລ້ຽງການອີງໃສ່ປະເທດອື່ນ. ຕ້ອງມີຫລາຍມາດຕະການ ເພື່ອສ້າງພື້ນຖານເສດຖະກິດເອກະລາດ, ຕ້ອງພັດທະນາບັນດາທ່າແຮງຂອງ ຫວຽດນາມ .
ໃນຂົງເຂດການພົວພັນຕ່າງປະເທດ, ເມື່ອເຕື້ອງເຖິງການພົວພັນລະຫວ່າງ ຫວຽດນາມ - ອາເມລິກາ ໃນໄລຍະຈະມາເຖິງ, ພາຍຫລັງທ່ານ Donald Trump ໄດ້ຮັບໄຊຊະນະໃນການເລືອກຕັ້ງ, ທ່ານນາຍົກລັດຖະມົນຕີໃຫ້ຮູ້ວ່າ:
“ຫວຽດນາມ ມີການພົວພັນກັບທັງພັກປະຊາທິປະໄຕ ແລະ ພັກສາທາລະນະ. ຫວຽດນາມ ມີ 10 ກົນໄກແຫ່ງການພົວພັນກັບ ອາເມລິກາ ແລະ ຈະສືບຕໍ່ປະຕິບັດກົນໄກນັ້ນ. ພັກ, ລັດ ຫວຽດນາມ ປະຕິບັດແຜນນະໂຍບາຍ ຫັນບັນດາການພົວພັນສາກົນເປັນຫລາຍຮູບຫລາຍແບບ, ຫລາຍຝ່າຍ. ຫວຽດນາມ ພ້ອມແລ້ວທີ່ຈະຮ່ວມມືກັບ ອາເມລິກາ ເພື່ອພ້ອມກັນພັດທະນາ ບົນຈິດໃຈເຄົາລົບເອກະລາດ, ອະທິປະໄຕຜືນແຜ່ນດິນອັນຄົບຖ້ວນ, ບໍ່ສົ່ງຜົນສະທ້ອນເຊິ່ງກັນ ແລະ ກັນ. ຂ້າພະເຈົ້າເຊື່ອໝັ້ນວ່າ ໃນໄລຍະຈະມາເຖິງ ການພົວພັນ ຫວຽດນາມ - ອາເມລິກາ ຈະດີກ່ວາ ເພື່ອຜົນປະໂຫຍດຂອງ 2 ປະເທດ”
ແລະໃນຕອນບ່າຍວັນດຽງກັນ, ສະພາແຫ່ງຊາດຈະລົງຄະແນນສຽງຮັບຮອງເອົາຮ່າງກົດໝາຍ ກ່ຽວກັບສະມາຄົມ; ກົດໝາຍວ່າດ້ວຍການປະມູນລາຄາຊັບສົມບັດ ແລະ ປຶກສາຫາລືຢູ່ຫໍສະພາກ່ຽວກັບຮ່າງກົດໝາຍປັບປຸງເພີ່ມເຕີ່ມບັນຊີລາຍຊື່ຂະແໜງ, ອາຊີບລົງທຶນດຳເນີນທຸລະກິດທີ່ມີເງື່ອນໄຂຂອງກົດໝາຍວ່າດ້ວຍການລົງທຶນ.