(vovworld) – ວັນທີ 17/11, ເປັນອາທິດເຮັດວຽກທີ 5 ຂອງກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 13. ຕາມແຜນການ, ໃນອາທິດນີ້, ສະພາແຫ່ງຊາດໄດ້ສະຫງວນເວລາ 2,5 ມື້ເພື່ອໃຫ້ສະມາຊິກສະພາແຫ່ງຊາດຊັກຖາມບັນດາລັດຖະມົນຕີກ່ຽວກັບບັນຫາເຊິ່ງຜູ້ມີສິດເລືອກຕັ້ງໃນທົ່ວປະເທດມີຄວາມສົນໃຈ. ໃນການຊັກຖາມຄັ້ງນີ້ມີ: ລັດຖະມົນຕີກະຊວງອຸດສາຫະກຳການຄ້າ, ລັດຖະມົນຕີກະຊວງພາຍໃນ, ລັດຖະມົນຕີກະຊວງຄົມມະນາຄົມ ແລະ ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ. ຫຼັງຈາກນັ້ນ, ທ່ານນາຍົກລັດຖະມົນຕີ ຫງວຽນເຕີນຢຸງ ຈະເຮັດແຈ້ງບາງເນື້ອໃນເຊິ່ງຜູ້ມີສິດເລືອກຕັ້ງມີຄວາມສົນໃຈ.
ແລະກໍ່ໃນອາທິດນີ້, ສະພາແຫ່ງຊາດຈະຮັບຟັງ ແລະ ປຶກສາຫາລືກ່ຽວກັບຮ່າງມະຕິປັບປຸງ, ເພີ່ມເຕີມບາງຂໍ້ມາດຕາຂອງມະຕິເລກທີ 35/2012/QH13 ຂອງສະພາແຫ່ງຊາດ ກ່ຽວກັບການລົງຄະແນນສຽງໄວ້ວາງໃຈ ແລະ ປ່ອນບັດໄວ້ວາງໃຈສຳລັບຜູ້ດຳລົງຕຳແໜ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫຼື ໃຫ້ສັດຕະຍາບັນ; ປຶກສາຫາລືກ່ຽວກັບແຜນຮ່າງ, ປ່ຽນໃໝ່ຫຼັກສຸດປື້ມຕຳລາສຶກສາສາມັນ. ສະພາແຫ່ງຊາດລົງຄະແນນຊຽງຮັບຮອງເອົາບັນດາຮ່າງກົດໝາຍຄື: ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍປະກັນໄພສັງຄົມ (ສະບັບປັບປຸງ, ເພີ່ມເຕີມ). ກົດມາຍວ່າດ້ວຍບັດປະຈຳຕົວພົນລະເມືອງ, ກົດໝາຍວ່າດ້ວຍສຳມະໂນພົນລະເມືອງ; ກົດໝາຍປັບປຸງ, ເພີ່ມເຕີມບາງຂ້ໍມາດຕາຂອງກົດໝາຍວ່າດ້ວຍການບິນພົນລະເມືອງຫວຽດນາມ. ປຶກສາຫາລືກ່ຽວກັບບາງຮ່າງກົດໝາຍຄື: ພັນທະການທະຫານ (ສະບັບປັບປຸງ); ກົດໝາຍວ່າດ້ວຍລັດຖະບານ (ສະບັບປັບປຸງ).
ບົດລາຍງານກ່ຽວກັບການປະຕິບັດບັນດາມະຕິຂອງສະພາແຫ່ງຊາດກ່ຽວກັບການຊັກຖາມ ແລະ ຕອບຄຳຊັກຖາມໂດຍທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີຕໍ່ສະພາແຫ່ງຊາດ ໃນຕອນເຊົ້າວັນທີ 17/11, ບົດລາຍງານໄດ້ຊີ້ແຈ້ງບັນດາໝາກຜົນທີ່ບັນລຸໄດ້ໃນ 7 ຂົງເຂດພື້ນຖານຄື: ກະສິກຳ ແລະ ພັດທະນາຊົນນະບົດ, ວຽກງານພາຍໃນ, ການເງິນ, ກວດກາ. ບົດລາຍງານຊີ້ແຈ້ງວ່າ: ຈາກການຊັກຖາມຄັ້ງກ່ອນມາຮອດປະຈຸບັນ, ລັດຖະບານໄດ້ຊີ້ນຳປະຕິບັດຢ່າງເຄັ່ງຄັດ, ບັນລຸໄດ້ໝາກຜົນໃນເບື້ອງຕົ້ນ ແລະ ກໍ່ມີວຽກງານຫຼາຍຢ່າງຕ້ອງດຶງດູດການລົງທຶນໃຫ້ກະສິກຳ, ຊົນນະບົດ, ການຈຳໜ່າຍຜະລິດຕະພັນກະເສດ. ອັດຕາຄອບຄົວຊົນເຜົ່າສ່ວນໜ້ອຍທຸກຍາກຍັງສູງຢູ່… ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ: ໃນໄລຍະຈະມາເຖິງ, ລັດຖະບານຈະຊີ້ນຳບັນດາຂະແໜງການ, ທ້ອງຖີ່ນມານະພະຍາຍາມແກ້ໄຂສິ່ງຍັງຄົງຄ້າງ, ປະຕິບັດບັນດາມະຕິຂອງສະພາແຫ່ງຊາດຢ່າງມີປະສິດທິຜົນ.
ເມື່ອປຶກສາຫາລືກາກ່ຽວກັບບົດລາຍງານຂອງລັດຖະບານ, ບັນດາ ສສຊ ສະເໜີ ລັດຖະບານ ເຮັດແຈ້ງບັນດາມາດຕະການສັງລວມໃນຂົງເຂດກະສິກຳ, ຊົນນະບົດ. ບັນດາ ສສຊ ກໍ່ເຕື້ອງເຖິງບັນຫາດຶງດູດວິສາຫະກິດຕ່າງໆລົງທຶນຢ່າງແຮງເຂົ້າຂົງເຂດກະສິກຳ, ການປະມົງ… ທ່ານ ຮີ່ງວັນຕີ໋ງ, ສສຊ ແຂວງ ຕ່ຽນຢາງ, ປະກອບຄຳເຫັນວ່າ:
“ເລື່ອງດຶງດູດບັນດາວິສາຫະກິດລົງທຶນຢ່າງແຮງເຂົ້າຂົງເຂດກະສິກຳຍັງຫຍູ້ງຍາກຢູ່. ໄລຍະຈະມາເຖິງ, ລັດຖະບານມີມາດຕະການຫຍັງເພື່ອດຶງດູດ, ພິເສດແມ່ນນະໂຍບາຍພາສີ, ທີ່ດິນ? ທີສອງແມ່ນການຈຳໜ່າຍຜະລິດຕະພັນກະເສດ, ສິນໃນນ້ຳ, ໄລຍະຜ່ານມາໄດ້ມີການຫັນປ່ຽນ ແຕ່ມາຮອດປະຈຸບັນການຈຳໜ່າຍຍັງຄົງຄ້າງຢູ່. ໄລຍະຈະມາເຖິງ, ລັດຖະບານຄວນມີມາດຕະການລະອຽດ, ເດັດດຽວກ່ວາເພື່ອຮັບປະກັນໃຫ້ຊາວກະສິກອນ, ຊາວປະມົງທຳການຜະລິດມີກຳໄລ.”
ກ່ຽວກັບການປະຕິຮູບດ້ານບໍລິຫານ, ທ່ານຫງວຽນບ໋າທ່ວຽນ, ສສຊ ແຂວງ ເລີມດົ່ງ, ຖືວ່າ:
“ສະເໜີໃຫ້ລັດຖະບານຕ້ອງປະຕິບັດຢ່າງແຮງກ່ວາ, ພິເສດແມ່ນກຳນົດວຽກງານ. ພວກເຮົາປັບປຸງບັນດາເງື່ອນໄຂການຄັດເຂ່ຍລັດຖະກອນ, ພາລະກອນຢ່າງແໜ້ນແຟ້ນກ່ວາອີກ. ທີ່ສອງ, ກ່ຽວກັບການຕໍ່ສູ້ຕ້ານສໍ້ລາດບັງຫຼວງ, ຮຽກຮ້ອງຕ້ອງສືບຕໍ່ພະຍາຍາມກ່ວາອີກ, ໃນນັ້ນຕ້ອງເຕື້ອງເຖິງປັດໄຈມະນຸດ ແລະ ປັດໄຈຄວາມເຊື່ອໝັ້ນ. ປັດໄຈມະນຸດສຳຄັນທີ່ສຸດ. ຄຽງຄູ່ກັນນັ້ນຕ້ອງສ້າງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ພະນັກງານ”