(vovworld)- ນີ້ແມ່ນຫນຶ່ງໃນບັນດາເນື້ອໃນຂອງມະຕິກ່ຽວກັບແຜນການພັດທະນາເສດຖະກິດສັງຄົມປີ 2014 ຊື່ງບັນດາ ສະມາຊິກສະພາແຫ່ງຊາດຮັບຮອງເອົາໃນຕອນເຊົ້າວັນທີ 11/11. ພ້ອມກັນນັ້ນ, ສະພາແຫ່ງຊາດ ກໍເຫັນດີຕໍ່ດັດຊະນີລາຄາໃຊ້ສອຍ CPI ໃນປີ 2014 ແມ່ນປະມານ 7%.
ຕາມມະຕິແລ້ວ, ປີ 2014 ຄາດໝາຍຂອງຫວຽດນາມແມ່ນສືບຕໍ່ຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິເຟີ້, ຍູ້ແຮງການປະຕິບັດ 3 ບາດກ້າວບຸກທະລຸຍຸດທະສາດ, ຮັບປະກັນຊີວິດສັງຄົມ ແລະ ສະຫວັດດີການສັງຄົມ, ປົວແປງຊີວິດການເປັນຢູ່ຂອງປະຊາຊົນ. ນີ້ກໍແມ່ນປີຍູ້ແຮງການປະຕິຮູບດ້ານບໍລິຫານ ແລະ ປ້ອງກັນ, ຕ້ານການສໍ້ລາດບັງຫລວງ, ການຟຸມເຟືອຍ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ.
ທ່ານນາຍົກລັດຖະມົນຕີ ຫງວຽນເຕີນຢູງ
ພາບ:internet
|
ຮັບຟັງໃບສະເຫນີກ່ຽວກັບບຸກຄະລາກອນຮອງນາຍົກລັດຖະມົນຕີ
ແລະກໍໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ອ່ານໃບສະເຫນີກ່ຽວກັບການເພີ່ມຈຳນວນທ່ານຮອງນາຍົກລັດຖະມົນຕີ ອາຍຸການ XIII ຈາກ 4 ທ່ານຂຶ້ນເປັນ 5 ທ່ານ, ໃນນັ້ນ ມີຮອງນາຍົກລັດຖະມົນຕີທ່ານຫນຶ່ງ ທັງເປັນລັດຖະມົນຕີການຕ່າງປະເທດ. ນອກນັ້ນ ທ່ານນາຍົກລັດຖະມົນຕີ ຫງວຽນເຕີນຢູງ ອ່ານໃບສະເຫນີພົ້ນຕຳແຫນ່ງຮອງນາຍົກລັດຖະມົນຕີ ສຳລັບທ່ານ ຫງວຽນທ້ຽນເຍີນ.
ປຶກສາຫາລືຢູ່ຕາມຫນ່ວຍກ່ຽວກັບບັນດາຮ່າງກົດໝາຍ
ຕອນບ່າຍວັນດຽວກັນ, ເມື່ອປຶກສາຫາລືຢູ່ຕາມຫນ່ວຍກ່ຽວກັບຮ່າງກົດໝາຍວ່າດ້ວຍການຮັກສາສິ່ງແວດລ້ອມສະບັບປັບປຸງ, ບັນດາ ສສຊ ໄດ້ເຕື້ອງເຖິງຂອບເຂດປັບປຸງການເຄື່ອນໄຫວຮັກສາສິ່ງແວດລ້ອມ, ນະໂຍບາຍ, ມາດຕະການ ແລະ ແຫລ່ງກຳລັງເພື່ອຮັກສາສິ່ງແວດລ້ອມ,ສິດ, ຫນ້າທີ່ ແລະ ພັນທະຂອງອົງການ,ສ່ວນບຸກຄົນ ໃນການຮັກສາສິ່ງແວດລ້ອມ. ທ່ານ ຫງວຽນກວກບີ່ງ, ສສຊ ນະຄອນ ຮ່າໂນ້ຍ ສະເຫນີວ່າ:
“ວຽກງານຄຸ້ມຄອງລັດກ່ຽວກັບການຮັກສາສິ່ງແວດລ້ອມຄວນໄດ້ຮັບການປັບປຸງ. ຂ້າພະເຈົ້າສະເຫນີ: ຄວນເພີ່ມເຕີມຂໍ້ກຳນົດດ້ານກົດໝາຍກ່ຽວກັບການປ່ອຍອາຍພິດເຮືອນແກ້ວ ທີ່ກໍ່ພົນລະພິດເຖິງສິ່ງແວດລ້ອມ. ນີ້ແມ່ນທ່າອ່ຽງລວມຂອງທົ່ວໂລກ. ອີກບັນຫາຫນຶ່ງຄວນເພີ່ມເຕີມໃສ່ຮ່າງກົດໝາຍ ນັ້ນແມ່ນຕ້ອງຮັກສາປ່າ, ເປັນຕົ້ນແມ່ນປ່າປ້ອງກັນ ແລະ ຮັກສາສິ່ງແວດລ້ອມສຳລັບທາດເສດເຫລືອຢູ່ບັນດາໂຮງໝໍ.”