ສະພາແຫ່ງຊາດຫວຽດນາມໃຫ້ຄຳໝັ້ນສັນຍາຕິດຕາມໜີ້ສາທະລະນະຢ່າງແໜ້ນແຟ້ນ
ທ່ານນາງ ຫງວຽນທິກິມເງິນ ທີ່ກອງປະຊຸມ
(vovworld) – ທີ່ການພົບປະກັບສື່ມວນຊົນພາຍຫຼັງຮັບດຳລົງຕຳແໜ່ງໃນວັນທີ 22/7, ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ: ດ້ວຍຄວາມຮັບຜິດຊອບໂດຍພັກ ແລະ ປະຊາຊົນມອບໝາຍໃຫ້, ສະພາແຫ່ງຊາດຊຸດທີ 14 ຈະແມ່ນສະພາແຫ່ງຊາດສາມັກຄີ, ມີຫົວຄິດປະດິດສ້າງ, ສະພາແຫ່ງຊາດເຄື່ອນໄຫວເພື່ອປະຊາຊົນ, ເພື່ອກຽດສັດສີ ແລະ ຄວາມເອກອ້າງທະນົງໃຈຂອງຊາດ. ທ່ານນາງ ຫງວຽນທິກິມເງິນ ຊີ້ແຈ້ງວ່າ:
“ໃນຖານະເປັນປະທານສະພາແຫ່ງຊາດ, ຂ້າພະເຈົ້າຈະຜັນຂະຫຍາຍບົດຮຽນຂອງບັນດາປະທານສະໄໝກ່ອນ ແລະ ພ້ອມກັບໝູ່ຄະນະຂອງຄະນະປະຈຳສະພາແຫ່ງຊາດ ກໍ່ຄືບັນດາສະມາຊິກສະພາແຫ່ງຊາດປະຕິບັດຄວາມຮັບຜິດຊອບ ກໍ່ຄືສິດອຳນາດຂອງຕົນຢ່າງຖືກຕ້ອງຕາມລັດຖະທຳມະນູນ ແລະ ກົດໝາຍ.”
ທ່ານນາງ ຫງວຽນທິກິມເງິນ ຖືວ່າ: ໄລຍະຈະມາເຖິງ, ສະພາແຫ່ງຊາດຈະສືບຕໍ່ຍົກສູງຄວາມຮັບຜິດຊອບຂອງຕົນໃນ 3 ຂົງເຂດສ້າງກົດໝາຍ, ວຽກງານຕິດຕາມກວດກາ ແລະ ຕັດສິນບັນດາບັນຫາສຳຄັນຂອງປະເທດຊາດ. ສືບຕໍ່ຕິດຕາມກວດກາເພື່ອປັບປຸງ, ເພີ່ມເຕີມສິດຂອງມະນຸດ, ສິດຂອງພົນລະເມືອງໃຫ້ເໝາະສົມກັບລັດຖະທຳມະນູນ ແລະ ສົນທິສັນຍາຂອງ ສປຊ… ພິເສດ, ສະພາແຫ່ງຊາດຈະຄວບຄຸມບັນຫາໜີ້ສາທາລະນະຢ່າງແໜ້ນແຟ້ນ.