(vovworld)-ໝາກຜົນຂອງການລົງຄະແນນສຽງໄວ້ວາງໃຈສຳລັບ 50 ຕຳແໜ່ງໂດຍສະພາແຫ່ງຊາດເລືອກຕັ້ງ ແລະ ໃຫ້ສັດຕະຍາບັນໄດ້ຖືກປະກາດໃນຕອນບ່າຍວັນທີ 15/11, ໃນຂອບເຂດກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 13. ໝາກຜົນການນັບບັດໄດ້ແບ່ງປັນ 3 ລະດັບ, ໄດ້ຮັບຄວາມໄວ້ວາງໃຈສູງ, ໄດ້ຮັບຄວາມໄວ້ວາງໃຈ ແລະ ໄດ້ຮັບຄວາມໄວ້ວາງໃຈຕ່ຳ. ຕາມນັ້ນແລ້ວ, ຈຳນວນບັດໄດ້ຮັບຄວາມໄວ້ວາງໃຈສູງຂອງທ່ານປະທານປະເທດເຈືອງເຕີນຊາງແມ່ນ 76,46%; ທ່ານນາຍົກລັດຖະມົນຕີຫງວຽນເຕີນຢຸງແມ່ນ 64,39%, ທ່ານປະທານສະພາແຫ່ງຊາດຫງວຽນຊິງຮຸ່ງ ແມ່ນ 68,40 %. ບັນດາທ່ານລັດຖະມົນຕີໄດ້ຮັບຄວາມໄວ້ວາງໃຈສູງແມ່ນທ່ານລັດຖະມົນຕີກະຊວງຄົມມະນາຄົມຂົນສົ່ງດິງລາທັງ ດ້ວຍ 72,84%; ຜູ້ວ່າການທະນາຄານແຫ່ງລັດຫງວຽນວັນບິງ 64,99%.
ທ່ານລັດຖະມົນຕີກະຊວງຄົມມະນາຄົມຂົນສົ່ງດິງລາທັງ
ແລະ ຜູ້ວ່າການທະນາຄານແຫ່ງລັດຫງວຽນວັນບິງ
(ພາບ: vov)
ຜູ້ມີສິດເລືອກຕັ້ງທົ່ວປະເທດເຫັນດີກັບໝາກຜົນການລົງຄະແນນສຽງໄວ້ວາງໃຈຂອງສະພາແຫ່ງຊາດ
ພາຍຫລັງສະພາແຫ່ງຊາດປະກາດໝາກຜົນການລົງຄະແນນສຽງໄວ້ວາງໃຈສຳລັບ 50 ຕຳແໜ່ງໂດຍສະພາແຫ່ງຊາດເລືອກຕັ້ງ ແລະ ໃຫ້ສັດຕະຍາບັນ, ຜູ້ມີສິດເລືອກຕັ້ງທົ່ວປະເທດເຫັນດີເຫັນພ້ອມທີ່ສຸດ, ຖືວ່າ, ນີ້ແມ່ນໝາກຜົນສ່ອງແສງຢ່າງຊັດເຈນ, ພາວະວິໄສສິ່ງທີ່ບັນດາທ່ານຜູ້ນຳຂະແໜງຕ່າງໆປະຕິບັດໄດ້ ແລະ ບໍ່ທັນປະຕິບັດໄດ້. ປ້າເຈິ່ນທິທ້ຽນ, ຜູ້ມີສິດເລືອກຕັ້ງຕາແສງຮຶງບິ່ງ, ນະຄອນວິງ ຖືວ່າ:
“ໝາກຜົນຄືແນວນັ້ນແມ່ນຊັດເຈນທີ່ສຸດ, ພວກຂ້າພະເຈົ້າປາດຖະໜາວ່າ, ຜ່ານການລົງຄະແນນສຽງໄວ້ວາງໃຈຄືແນວນີ້ ຈະຊ່ວຍໃຫ້ບັນດາທ່ານລັດຖະມົນຕີກໍ່ຄືຜູ້ດຳລົງຕຳແໜ່ງອື່ນໆຮູ້ໄດ້ຄວາມສາມາດກໍ່ຄືຄວາມຮັບຜິດຊອບຂອງຕົນເພື່ອພະຍາ ຍາມສູ້ຊົນກ່ວາອີກ ເພື່ອປະຕິບັດສຳເລັດໜ້າທີ່ຊື່ງພັກ ແລະ ລັດ, ປຊຊ ໄດ້ມອບໝາຍໃຫ້“.
ທ່ານຫວູ້ຊວນດ້າຍ, ຜູ້ມີສິດເລືອກຕັ້ງເມືອງນິງກຽວ, ນະຄອນເກີນເທີ ເວົ້າວ່າ:
“ຜ່ານການຕິດຕາມການລົງຄະແນນສຽງໄວ້ວາງໃຈຂອງສະພາແຫ່ງຊາດເຫັນວ່າ, ການລົງຄະແນນສຽງໄວ້ວາງໃຈຄັ້ງນີ້ດີກ່ວາຄັ້ງກ່ອນ. ບັນດາ ສສຊ ໄດ້ຮັບຄວາມໄວ້ວາງໃຈຄັ້ງນີ້ແມ່ນຊັດເຈນທີ່ສຸດ. ບັນດາທ່ານໄດ້ຮັບອັດຕາສ່ວນຕ່ຳໃນການລົງຄະແນນສຽງຄັ້ງກ່ອນ ແຕ່ຄັ້ງນີ້ໄດ້ຮັບອັດຕາສ່ວນສູງກໍ່ເຫັນວ່າການສູ້ຊົນ ແລະ ພະຍາ ຍາມທີ່ສຸດຂອງເຂົາເຈົ້າ“./.
ສື່ມວນຊົນສາກົນສົນໃຈຕໍ່ການລົງຄະແນນສຽງໄວ້ວາງໃຈຢູ່ຫວຽດນາມ
ໃນບົດຂຽນອອກວັນທີ 15/11 ດ້ວຍຫົວຂໍ້ “ນາຍົກລັດຖະມົນຕີຫວຽດນາມ ຍາດໄດ້ການສະໜັບສະໜູນຢ່າງກ້ວາງຂວາງໃນການລົງຄະແນນສຽງໄວ້ວາງໃຈ“, ສຳນັກຂ່າວສານ Reuters ໄດ້ໃຫ້ຂໍ້ສັງເກດວ່າ: “ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຜ່ານການລົງຄະແນນສຽງໄວ້ວາງໃຈຂອງສະພາແຫ່ງຊາດ, ຈາກນັ້ນ, ເພີ່ມທະວີຜົນສະທ້ອນພາຍໃນພັກກອມມູນິດຫວຽດນາມ. ສຳນັກຂ່າວສານອັງກິດ ນີ້ໄດ້ຕີລາຄາວ່າ, ອັດຕາສ່ວນດັ່ງກ່າວໃຫ້ເຫັນວ່າ: ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຜ່ານຜ່າບັນດາຄວາມຫຍຸ້ງຍາກດ້ານເສດຖະກິດໃນອາຍຸການທີ 2 ຂອງຕົນ.
Bloomber ໄດ້ໃຫ້ຂໍ້ສັງເກດວ່າ, ການລົງຄະແນນສຽງໄວ້ວາງໃຈຄັ້ງທີ 2 ນີ້ແມ່ນ 1 ໃນບັນດາຄວາມມານະພະຍາຍາມຂອງຫວຽດນາມ ເພື່ອແນໃສ່ສະແດງໃຫ້ເຫັນລັກສະນະຮັບຜິດຊອບຂອງລັດຖະບານ ແລະ ທ່ານນາຍົກລັດຖະມົນຕີຫງວຽນເຕີນຢຸງ ໄດ້ຮັບການສະໜັບສະໜູນຢ່າງໃຫ່ຍຫຼວງ. AFP ໄດ້ໃຫ້ຂ່າວລະອຽດຈາກໝາກຜົນຂອງການລົງຄະແນນສຽງໄວ້ວາງໃຈ ພ້ອມກັບບົດວິຈານຂອງນັກສັງເກດການຈຳນວນ 1. ສຳນັກຂ່າວສານດັ່ງກ່າວໄດ້ສະໜອງບັນດາຂໍ້ມູນກ່ຽວຂ້ອງຢ່າງຄົບຖ້ວນຄື: ຈຳນວນ, ພາກສ່ວນຜູ້ເຂົ້າຮ່ວມການລົງຄະແນນສຽງໄວ້ວາງໃຈ, ຜູ້ໄດ້ຮັບອັດຕາສ່ວນໄວ້ວາງໃຈຫຼາຍກ່ວາໝູ່ ແລະ ໜ້ອຍກ່ວາໝູ່. ສ່ວນສຳນັກຂ່າວສານຊິນຮວາຂອງຈີນ ແລະ ໜັງສືພິມ Straits Times ຂອງສິງຫະໂປ ກໍ່ໄດ້ໃຫ້ຂ່າວກ່ຽວກັບເຫດການດັ່ງກ່າວ./.