ສະພາແຫ່ງຊາດອີຣານຮັບຮອງເອົາຮ່າງກົດໝາຍປົກປ້ອງບັນດາສິດນິວເຄຼຍ
(ພາບປະກອບ)
(vovworld) - ວັນທີ 23/06, ສະພາແຫ່ງຊາດອີຣານ ໄດ້ຮັບຮອງເອົາຮ່າງກົດໝາຍກຳນົດລັດຖະບານຕ້ອງມີພັນທະປົກປ້ອງ “ບັນດາສິດ ແລະ ຜົນງານດ້ານນິວເຄຼຍ” ຂອງປະເທດນີ້, ໂດຍບໍ່ຫົວຊາຕໍ່ການເຈລະຈາຄັ້ງຕ່າງໆພວມດຳເນີນໄປລະຫວ່າງອີຣານ ກັບບັນດາປະເທດມະຫາອຳນາດໃນໂລກ ເພື່ອແນໃສ່ມຸ່ງໄປເຖິງຂໍ້ຕົກລົງຮອບດ້ານກ່ຽວກັບໂຄງການນິວເຄຼຍຂອງເຕເຣຣານ. ຮ່າງກົດໝາຍດັ່ງກ່າວກໍກຳນົດວ່າ ບັນດາສະມາຊິກສະພາແຫ່ງຊາດຕ້ອງຮັບຮອງເອົາບໍ່ວ່າຂໍ້ຕົກລົງໃດໆ ຖ້າຫາກບັນດາລຸໄດ້ກັບຝ່າຍຕາເວັນອອກ, ພ້ອມທັງອະນຸຍາດໃຫ້ດຳເນີນການກວດກາບັນດາຮາກຖານນິວເຄຼຍ ແຕ່ບໍ່ອະນຸຍາດໃຫ້ກວດກາຢູ່ບັນດາເຂດທະຫານ ຫຼື ບັນດາຮາກຖານປອດນິວເຄຼຍທີ່ມີລັກສະນະສະດຸງໄວ້.
ແຕ່ວ່າ, ເລື່ອງສະພາແຫ່ງຊາດຮັບຮອງເອົາຮ່າງກົດໝາຍດັ່ງກ່າວໄດ້ປະສົບກັບການຄັດຄ້ານຈາກລັດຖະບານຂອງທ່ານປະທານາທິບໍດີ Hassan Rouhani. ໂຄສົກຂອງປະທານາທິບໍດີ Mohammad Bagher Nobakht ຖືວ່າ, ຮ່າງກົດໝາຍດັ່ງກ່າວແມ່ນລະເມີດກົດໝາຍ ຍ້ອນມັນກົງກັນຂ້າມກັບບັນດານະໂຍບາຍປ້ອງກັນຄວາມສະຫງົບ ແລະ ປ້ອງກັນຊາດຂອງອີຣານ. ຕາມຂໍ້ກຳນົດ, ຮ່າງກົດໝາຍດັ່ງກ່າວຍັງຕ້ອງໄດ້ຮັບການເຊັນປະກາດໃຫ້ເປັນກົດໝາຍຈາກສະພາປົກຄອງສິດຜົນປະໂຫຍດ.