ສະພາແຫ່ງຊາດຮັບຮອງເອົາມະຕິໃຫ້ສັດຕະຍາບັນອະນຸສັນຍາສະບັບປັບປຸງສັນຍາສ້າງຕັ້ງອົງການການຄ້າໂລກ

ວັນພະຫັດ ທີ 26 ພະຈິກ ຄ.ສ. 2015 | 19:05:02

ສະພາແຫ່ງຊາດໄດ້ລົງມະຕິຮັບຮອງເອົາມະຕິໃຫ້ສັດຕະຍາບັນ
ອະນຸສັນຍາສະບັບປັບປຸງ ສັນຍາສ້າງຕັ້ງອົງການການຄ້າໂລກ
(ພາບ: TTXVN)

(vovworld) – ດ້ວຍບັດສະໜັບສະໜູນຈຳນວນຫລາຍ, ໃນຕອນບ່າຍວັນທີ 26/11, ຢູ່ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຊຸດທີ 13, ບັນດາສະມາຊິກສະພາແຫ່ງຊາດໄດ້ລົງມະຕິຮັບຮອງເອົາມະຕິໃຫ້ສັດຕະຍາບັນອະນຸສັນຍາສະບັບປັບປຸງ ສັນຍາສ້າງຕັ້ງອົງການການຄ້າໂລກ (WTO). ເລື່ອງໃຫ້ສັດຕະຍາບັນອະນຸສັນຍາສະບັບປັບປຸງນີ້ ກໍ່ແມ່ນປະຖົມປັດໃຈເພື່ອໃຫ້ ຫວຽດນາມ ກະກຽມປະຕິບັດບັນດາຄຳໝັ້ນສັນຍາທີ່ມີມາດຕະຖານສູງກ່ຽວກັບພາສີໃນບັນດາສັນຍາການຄ້າເສລີໃໝ່ຄື: ສັນຍາຄູ່ຮ່ວມມືຂ້າມປາຊີຟິກ (TPP), ສັນຍາການຄ້າເສລີລະຫວ່າງ ຫວຽດນາມ - ສະຫະພາບ ເອີລົບ (EVFTA). ບັນດາຂໍ້ກຳນົດຂອງອະນຸສັນຍາສະບັບປັບປຸງ ແລະ ສັນຍາແມ່ນເໝາະສົມກັບບັນດາຂໍ້ກຳນົດຂອງລັດຖະທຳມະນູນປີ 2013. ເປັນຕົ້ນແມ່ນ: ບັນດາບັນຫາທີ່ກ່ຽວຂ້ອງເຖິງການສົ່ງເສີມ, ການສ້າງເງື່ອນໄຂໃຫ້ວິສາຫະກິດເຊິ່ງກຳນົດຢູ່ມາດຕາ 51 ໃນລັດຖະທຳມະນູນປີ 2013.

ໃນຕອນບ່າຍວັນທີ 26/11, ສະມາຊິກສະພາແຫ່ງຊາດ ກໍ່ໄດ້ລົງມະຕິຮັບຮອງເຮົາ ກົດໝາຍວ່າດ້ວຍຈັດຕັ້ງອົງການສືບສວນສອບສວນທາງອາຍາ. ບັນດາສະມາຊິກສະພາແຫ່ງຊາດກໍ່ໄດ້ປຶກສາຫາລືກ່ຽວກັບຮ່າງກົດໝາຍວ່າດ້ວຍສະມາຄົມ.