ຄະນະປະຈຳສະພາແຫ່ງຊາດສືບຕໍ່ວາລະປະຊຸມຄັ້ງທີ 40
(ພາບ: ອິນເຕີແນດ)
(vovworld) - ຕອນເຊົ້າວັນທີ 11/8, ຄະນະປະຈຳສະພາແຫ່ງຊາດສືບຕໍ່ວາລະປະຊຸມຄັ້ງທີ 40, ໃຫ້ຄຳເຫັນໃສ່ບາງບັນຫາໃຫຍ່ທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍວ່າດ້ວຍການເຄື່ອນໄຫວຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນ. ສອງບັນຫາໃຫຍ່ທີ່ ບັນດາສະມາຊິກຄະນະປະຈຳສະພາແຫ່ງຊາດສຸມໃສ່ປຶກສາຫາລືນັ້ນແມ່ນ, ກຳນົດກ່ຽວກັບການເຄື່ອນໄຫວລົງຄະແນນສຽງໄວ້ວາງໃຈ, ການປ່ອນບັດໄວ້ວາງໃຈ ແລະ ຂໍ້ກຳນົດກ່ຽວກັບການຊັກຖາມ ແລະ ພິຈາລະນາຕອບຄຳຊັບຖາມ. ຫົວໜ້າກຳມາທິການບັນດາບັນຫາສັງຄົມຂອງສະພາແຫ່ງຊາດ ທ່ານນາງ ເຈືອງທິມາຍ ສະເໜີ, ການປ່ອນບັດໄວ້ວາງໃຈຕ້ອງໄດ້ຮັບການກຳນົດຢ່າງລະອຽດໃນກົດໝາຍນີ້.
“ການປ່ອນບັດໄວ້ວາງໃຈ ແມ່ນສິດທີ່ກຳນົດໃຫ້ສະພາແຫ່ງຊາດ, ນັ້ນແມ່ນປ່ອນບັດໄວ້ວາງໃຈ ສຳລັບຜູ້ດຳລົງຕຳແໜ່ງໂດຍສະພາແຫ່ງຊາດເລືອກຕັ້ງ ຫຼືໃຫ້ສັດຕະຍາບັນ. ນີ້ແມ່ນຂໍ້ກຳນົດຂອງລັດຖະທຳມະນູນ. ດັ່ງນັ້ນຕາມຂ້າພະເຈົ້າແລ້ວ, ການປ່ອນບັດໄວ້ວາງໃຈຕ້ອງໄດ້ຮັບການກຳນົດຢ່າງລະອຽດ“.
ກ່ຽວກັບການຕິດຕາມກວດກາຂອງຜູ້ປະຈຳການສະພາປະຊາຊົນ, ຜູ້ປະຈຳການກຳມາທິການກົດໝາຍສະເໜີໃນການປັບປຸງຄັ້ງນີ້ ຈະສືບທອດກົດໝາຍທີ່ພວມປະກາດໃຊ້, ເຊິ່ງກຳນົດຜູ້ປະຈຳການສະພາປະຊາຊົນຢູ່ທັງ 3 ຂັ້ນ: ແຂວງ, ເມືອງ ແລະ ຕາແສງ ລ້ວນແຕ່ມີສິດຕິດຕາມກວດກາ.