ສະພາໄກເກ່ຍແລະສັນຕີພາບອາຊີສະໜັບສະໜູນແກ້ໄຂບັນຫາທະເລຕາເວັນອອກໂດຍສັນຕິວິທີຂອງຫວຽດນາມ
ທ່ານ Surakiart Sathiratha ແລະ ທ່ານ ຟ້າມບິ່ງມິງ
(ພາບ: VGP/Hải Minh)
(vovworld) – ຕອນບ່າຍວັນທີ 13/8, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ໄດ້ໃຫ້ການຕ້ອນຮັບທ່ານ Surakiart Sathiratha, ປະທານສະພາໄກເກ່ຍ ແລະ ສັນຕີພາບ ອາຊີ (APRC). ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ຕີລາຄາສູງບົດບາດຂອງ APRC ແລະ ທ່ານ Surakiart ໃນການໜູນຊ່ວຍບັນດາລັດຖະບານຢູ່ ອາຊີ ແກ້ໄຂບັນດາການຂັດແຍ້ງໂດຍສັນຕິວິທີ, ປະກອບສ່ວນຊຸກຍູ້ສັນຕິພາບ ແລະ ສະຖຽນລະພາບໃນພາກພື້ນ. ທ່ານປະທານ APRC, Surakiart Sathiratha, ເຫັນດີເຫັນພ້ອມບັນດາວິທີການແກ້ໄຂໂດຍສັນຕິວິທີໃນບັນຫາທະເລຕາເວັນອອກຂອງ ຫວຽດນາມ. ທ່ານປະທານ APRC ຢືນຢັນວ່າ: ອົງການບໍ່ຂຶ້ນກັບລັດຖະບານສາກົນເອກະລາດ APRC ຈະມານະພະຍາຍາມມີບັນດາການປະກອບສ່ວນແທດຈິງເຂົ້າໃນການຊຸກຍູ້ການໄກເກ່ຍ ແລະ ແກ້ໄຂໂດຍສັນຕິວິທີບັນດາການຂັດແຍ້ງຢູ່ ອາຊີເວົ້າລວມ ແລະ ຢູ່ທະເລທະເວັນອອກເວົ້າສະເພາະບົນພື້ນຖານກົດໝາຍສາກົນ.
ແລະກໍ່ໃນຕອນບ່າຍວັນດຽວກັນ, ທີ່ການຕ້ອນຮັບທ່ານ Surakiart Sathirathai ປະທານສະພາສັນຕິພາບໄກເກ່ັຍອາຊີ, ທ່ານຮອງປະທານສະພາແຫ່ງຊາດຫວຽດນາມ ອວງຈູລິວ ໃຫ້ຮູ້ວ່າ, ຍາມໃດຫວຽດນາມ ກໍ່ຕີລາຄາສູງສະພາສັນຕິພາບໄກເກ່ັຍອາຊີ ແລະ ສະໜັບສະໜູນການແກ້ໄຂບັນດາບັນຫາເຜົ່າພັນ, ສາສະໜາ, ການຂັດແຍ້ງເຂດຊາຍແດນດ້ວຍມາດຕະການສັນຕິວິທີ. ສະພາແຫ່ງຊາດຫວຽດນາມ ສະໜັບສະໜູນສະພາສັນຕິພາບໄກເກ່ັຍອາຊີ ສົມທົບກັບກະຊວງການຕ່າງປະເທດຫວຽດນາມ ໃນການສົມທົບກັນແກ້ໄຂບັນດາບັນຫາປະທະກັນຢູ່ພາກພື້ນ ແລະ ສາກົນ ດ້ວຍມາດຕະການສິນຕິພາບ, ເຄົາລົບກົດໝາຍສາກົນ. ທ່ານຮອງປະທານສະພາແຫ່ງຊາດ ອວງຈູລິວ ເນັ້ນໜັກວ່າ ດ້ວຍບົດຮຽນ ແລະ ອິດທິພົນຊື່ສຽງຂອງຕົນສະພາສັນຕິພາບໄກເກ່ັຍອາຊີ ຈະແມ່ນອົງການໜູນຊ່ວຍທາງການຂອງບັນດາປະເທດສະມາຊິກໃນພາກພື້ນອາຊີຕາເວັນອອກສ່ຽງໃຕ້ ໃນການສ້າງສັນຕິພາບ ກ້າວໄປເຖິງການສ້າງປະຊາຄົມອາຊຽນ ທີ່ໝັ້ນຄົນເຂັ້ນແຂງໃນໄລຍະຈະມາເຖິງ. ທ່ານປະທານສະພາແຫ່ງຊາດ ອວງຈູລິວ ປາດຖະໜາວ່າ ສະພາສັນຕິພາບໄກເກ່ັຍອາຊີ ກໍ່ຄືສາດສະດາຈານ Surakiart Sathirathai ຈະສວມບົດບາດເປັນຂົວຕໍ່ຊ່ວຍປະຊາຄົມໂລກເຂົ້າໃຈກ່ຽວກັບປະເທດຊາດ ແລະ ຊາວຫວຽດນາມ ເຊິ່ງເປັນປະເທດທີ່ຍາມໃດກໍ່ຮັກຫອມສັນຕິພາບ.