ພາບປະກອບ: TTXVN

ຕໍ່ໜ້າສະພາບການທີ່ສັບສົນຂອງໂລກລະບາດໂຄວິດ - 19, ຄະນະບໍລິຫານງານພຸດທະສາສະໜາ ຫວຽດນາມ ໄດ້ຮຽກຮ້ອງໃຫ້ ພະສົງສຳມະເນນ, ພຸດທະສາສະນິກະຊົນ ຢູ່ບັນດາວັດ, ສະຖານທີ່ບູຊາທາງສາສະໜາໃນທົ່ວປະເທດ ຕິດຕາມສະພາບການຂອງໂລກລະບາດໂຄວິດ - 19, ປະຕິບັດບັນດາຄຳສັ່ງຂອງ ນາຍົກລັດຖະມົນຕີ, ກະຊວງສາທາລະນະສຸກ, ບັນດາເອກະສານຊີ້ນຳຂອງ ຄະນະກຳມະການປະຊາຊົນແຂວງ, ນະຄອນໃນການປ້ອງກັນ, ສະກັດກັ້ນໂລກລະບາດໂຄວິດ - 19.

ສຳລັບບັນດາແຂວງ, ນະຄອນທີ່ມີຜູ້ຕິດເຊື້ອພະຍາດໂຄວິດ - 19, ຫຼືມີຄວາມສ່ຽງແຜ່ລະບາດໃນຊຸມຊົນ, ສະມາຄົມພຸດທະສາສະໜາຮຽກຮ້ອງໃຫ້ ບັນດາວັດ, ສະຖານທີ່ບູຊາທາງສາສະໜາ ປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ຕາມຂໍ້ກຳນົດ ແລະ ການແນະນຳຂອງອຳນາດການປົກຄອງທ້ອງຖິ່ນຢ່າງເຂັ້ມງວດ, ຢຸດຕິທຸກການເຄື່ອນໄຫວ, ການຮ່ວມຊີວິດດ້ານສາສະໜາທີ່ ເຕົ້າໂຮມຫຼາຍຄົນ.