ນັກຂ່າວວິທະຍຸກະຈາຍສຽງ ຫວຽດນາມ ປະຈຳລາວໃຫ້ຂ່າວວ່າ, ໃນໂອກາດສະເຫຼີມສະຫຼອງ 67 ປີ ແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ແລະ ວັນສະຖາປານາ ສປປ ລາວ. ສູນການສຶກສາມູນເຊື້ອ ແລະ ປະຫວັດສາດ ຫວຽດນາມ ໄດ້ສົມທົບກັບສະມາຄົມນັກຮົບເກົ່າຈັດຕັ້ງການໄປຢ້ຽມຢາມສະໜາມຮົບເກົ່າ. ເຂົ້າຮ່ວມເດີນທາງພ້ອມກັບຄະນະມີຫຼາຍຄົນອາດິດແມ່ນນາຍພົນ, ນາຍທະຫານຂັ້ນສູງ, ພະນັກງານ, ນັກຮົບອາສາສະໝັກ ຫວຽດນາມ ທີ່ໄດ້ຊ່ວຍເຫຼືອກອງທັບປະຊາຊົນ ລາວ ນັບຕັ້ງແຕ່ແຕ່ວັນໄດ້ຮັບການກໍ່ຕັ້ງ ແລະ ເຂົ້າຮ່ວມຕໍ່ສູ້ໂດຍກົງຢູ່ ລາວ. ທ່ານ ເລຊວນນຽມ, ຫົວໜ້າຄະນະໃຫ້ຮູ້ວ່າ.
“ການໄປຢ້ຽມຢາມຄັ້ງນີ້ໄດ້ສ້າງຄວາມປະທັບໃຈຢ່າງເລີກເຊິ່ງໃຫ້ແກ່ບັນດາ ລຸງປ້າ ແລະ ອ້າຍເອື້ອຍໃນຄະນະ. ເຖິງວ່າການເດີນທາງຢ້ຽມຢາມຄັ້ງນີ້ມີຄວາມລຳບາກຫຼາຍ ແຕ່ທຸກຄົນກໍ່ມີຄວາມແຂງແຮງ ແລະ ມ່ວນຊື່ນ. ການໄປຢ້ຽມຢາມຄັ້ງນີ້ໄດ້ປະກອບສ່ວນປຸກລຸກກຳລັງຊີວິດ ຫວຽດນາມ. ປຸກລຸກຄວາມເອກອ້າງທະນົງໃຈຂອງຊາດ, ປຸກລຸກ ສິນທຳທີ່ວ່າ ກິນເຂົ້າຄິດຮອດຄຸນນາກິນປາຄິດຮອດຄຸນນ້ຳ ແລະ ເສີມຂະຫຍາຍຄວາມສາມັກຄີສາກົນ”.
ແລະໃນຕອນຄໍ່າວັນທີ 27 ທັນວາ, ຢູ່ໂຮງຮຽນ ຫງວຽນຢູ, ວຽງຈັນ, ໄດ້ຈັດການພົບປະແລກປ່ຽນສິລະປະວັດທະນະທຳ, ຫວນຄືນມູນເຊື້ອລະຫວ່າງອາດິດນັກຮົບ, ທະຫານອາສາສະມັກ ຫວຽດນາມ ກັບບັນດານັກຮຽນ, ພໍ່ແມ່ພີ່ນ້ອງແມ່ນຊາວ ຫວຽດນາມອາໄສຢູ່ລາວ. ເນື່ອງໃນໂອກາດນີ້, ບັນດາອາດິດນັກຮົບ ຫວຽດນາມ ໄດ້ມອບທຶນການສຶກສາ 20 ທຶນໃຫ້ແກ່ນັກຮຽນມີຜົນງານດີເດັ່ນໃນການຮຳ່ຮຽນ, ມອບປື້ມກ່ຽວກັບລູງໂຮ່, ກ່ຽວກັບປະຫວັດສາດຫວຽດນາມ, ມູນເຊື້ອ ແລະ ຈິດໃຈສາມັກຄີຂອງ 2 ຊາດ ຫວຽດນາມ - ລາວ ນັບຮ້ອຍໆຫົວ .