ສະມາຄົມຄິດທະສາສະໜາຫວຽດນາມແມ່ນພາກສ່ວນບໍ່ອາດຕັດແຍກອອກຈາກທົ່ວປວງຊົນ
ທ່ານປະທານ ຫງວຽນທ້ຽນເຍິນ ຢ້ຽມຢາມ
ສະພາສັງຄະນາຍົກ ຫວຽດນາມ
(ພາບ: daidoanket)
(vovworld) - ຕອນເຊົ້າວັນທີ 4/10, ກອງປະຊຸມໃຫຍ່ຄັ້ງທີ 13 ຂອງສັງຄະນາຍົກ ຫວຽດນາມ ໄດ້ໄຂຂຶ້ນຢູ່ນະຄອນ ໂຮ່ຈີມິນ. ກ່າວຄວາມເຫັນນະທີ່ນີ້, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍິນ, ຢືນຢັນວ່າ: ແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍຂອງພັກ, ລັດ ຫວຽດນາມ ແມ່ນຍາມໃດກໍ່ສ້າງເງື່ອນໄຂສະດວກໃຫ້ສາສະໜາຕ່າງໆ, ໃນນັ້ນມີສາສະໜາຄິດ ເຄື່ອນໄຫວ. ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເນັ້ນໜັກວ່າ: ປະຊາຊົນຊາວ ຄິດ ແລະ ສາສະໜາຄິຼດ ຫວຽດນາມ ແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກກຸ່ມກ້ອນມະຫາສາມັກຄີທົ່ວປວງຊົນທັງຊາດໄດ້, ຍາມໃດກໍ່ຕິດພັນ ແລະ ຮ່ວມແຮງ, ຮ່ວມໃຈພ້ອມກັບປະຊາຊົນທຸກຊັ້ນວັນນະໃນທົ່ວປະເທດ, ແລະ ຊາວ ຫວຽດນາມທີ່ດຳລົງຊີວິດຢູ່ຕ່າງປະເທດ ເພື່ອສ້າງສາ, ພັດທະນາ ແລະ ປົກປັກຮັກສາປະເທດຊາດ. ທ່ານ ຫງວຽນທ້ຽນເຍິນ ຫວັງວ່າ, ສະພາສັງຄະນາຍົກ ຫວຽດນາມ ສືບຕໍ່ຊຸກຍູ້ມູນເຊື້ອຮັກຊາດ ແລະ ແນວທາງຕິດພັນ, ຮ່ວມເດີນທາງພ້ອມກັບປະເທດຊາດຂອງຊາວຄິດ ຫວຽດນາມ ໃນໄລຍະໃໝ່.
“ຢູ່ບ່ອນໃດມີປະຊາຊົນຊາວຄິດ, ຢູ່ບ່ອນນັ້ນການດຳລົງຊີວິດມີສັນຕິສຸກ, ມີຄວາມສາມັກຄີທົ່ວປວງຊົນທັງຊາດ ແລະ ເສດຖະກິດ - ວັດທະນະທຳ - ສັງຄົມ ຢູ່ບ່ອນນັ້ນຈະພັດທະນາ… ລັດຈະສ້າງທຸກເງື່ອນໄຂສະດວກເພື່ອໃຫ້ປະຊາຊົນຊາວຄິດພັດທະນາພ້ອມກັບປະເທດຊາດ“.