ສະມາຄົມນັກດົນຕີຫວຽດນາມມອບລາງວັນດົນຕີປີ 2016
ບັນດານັກປະພັນດົນຕີໄດ້ຮັບລາງວັນ A
|
(vovworld)- ຕອນຄ່ຳວັນທີ 7/1, ຢູ່ໂຮງລະຄອນວິທະຍຸກະຈາຍສຽງຫວຽດນາມທີ່ຮ່າໂນ້ຍ, ສະມາຄົມນັກດົນຕີຫວຽດນາມໄດ້ຈັດພິທີມອບລາງວັນດົນຕີປີ 2016 ໃຫ້ແກ່ 70 ບົດເພງ ແລະ ດົນຕີລະຄອນທີ່ດີເດັ່ນກວ່າໝູ່. ສຳລັບລາງວັນໃຫ້ແກ່ບົດເພງ, ມີ 2 ລາງວັນ A ຊຶ່ງໄດ້ແກ່ບົດເພງ “ຢຶດເອົາຜູ້ສາວມາເປັນເມຍຍາມລະດູຄວາມຮັກ” ຂອງແມ້ງເກືອງ, ແລະ ບົດເພງ “ ພາກຕາເວັນຕົກຍາມແດນຮ້ອນ ” ຂອງ ກວາງແທງຢາງ. ສຳລັບບົດເພງສະຫງວນໃຫ້ເດັກ ກໍມີ2 ລາງວັນ A ເຊັ່ນກັນ. ສວ່ນບົດດົນຕີລະຄອນ “ ໃບໄມ້ແດງ” ຂອງ ນັກດົນຕີໂດ້ຮົ່ງກວນ ກໍໄດ້ຮັບລາງວັນ A . ນັກດົນຕີດຶກຈິ້ງ ປະທານສະມາຄົມສິລະປະ ໃຫ້ຮູ້ວ່າ :
“ ສຳລັບການຜະລິດລາຍການສະແດງ, ອັດສຽງກໍມີຄວາມກ້າວໜ້າຫຼາຍ, ຄຸນນະພາບຂອງບົດດົນຕີກໍສູງກວ່າເມື່ອທຽງໃສ່ປີກ່ອນໆ. ສຳລັບຂົງເຂດທິດສະດີວິຈານ ແມ່ນຍັງບໍ່ທັນມີບົດລົງເລິກກ່ຽວກັບຫົວເລື່ອງດົນຕີພື້ນເມືອງ, ດົນຕີທັນສະໄໝ, ຊຶ່ງຕົ້ນຕໍແມ່ນປຶ້ມ, ຫຼັກສູດການສອນຂັ້ນມະຫາວິທະຍາໄລດົນຕີກ່ຽວກັບ ດົນຕີພື້ນເມືອງ, ດົນຕີຝ່າຍຕາເວັນອອກ ”