ສະມາຄົມນັກທຸລະກິດ ຫວຽດນາມ ຢູ່ຝລັ່ງ ສະເຫຼີມສະຫຼອງ 3 ປີ ແຫ່ງວັນສ້າງຕັ້ງ
ສະເຫຼີມສະຫຼອງ 3 ປີແຫ່ງວັນສ້າງຕັ້ງສະມາຄົມນັກທຸລະກິດຫວຽດນາມ ຢູ່ຝລັ່ງ
(ພາບ: ABVietFrance.org)
(vovworld) - ຕອນຄໍ່າວັນທີ 07/12, ກ່າວຄຳເຫັນທີ່ພິທີສະເຫຼີມສະຫຼອງ 3 ປີແຫ່ງວັນສ້າງຕັ້ງສະມາຄົມນັກທຸລະກິດຫວຽດນາມ ຢູ່ຝລັ່ງ, ຢູ່ສູນວັດທະນະທຳຫວຽດນາມ ນະຄອນຫຼວງປາຣີ, ທ່ານ ຫງວຽນຫາຍນາມ, ປະທານສະມາຄົມນັກທຸລະກິດຫວຽດນາມ ຢູ່ຝລັ່ງ ຢືນຢັນວ່າ, ໃນ 3 ປີຜ່ານມາ, ຍາມໃດສະມາຄົມກໍ່ຕິດພັນກັບຄະຕິ, ຈຸດໝາຍຂອງຕົນແມ່ນເຊື່ອມຕໍ່ບັນດາແຫຼ່ງກຳລັງ ແລະ ບັນດາຜູ້ມີຄວາມເກັ່ງກ້າສາມາດຂອງປະຊາຄົມຊາວຫວຽດນາມ ອາໄສຢູ່ຝລັ່ງ, ຊາວຝລັ່ງ ເຊື້ອຊາດຫວຽດນາມ ແລະ ບັນດາຊາວຝລັ່ງ ທີ່ມີການພົວພັນຢ່າງແໜ້ນແຟ້ນກັບຫວຽດນາມ ເພື່ອແນໃສ່ຊຸກຍູ້ການພົວພັນແລກປ່ຽນດ້ານການຄ້າລະຫວ່າງ 2 ປະເທດ. ຄຽງຂ້າງນັ້ນ, ສະມາຄົມນັບມື້ນັບເຕີບໃຫຍ່ ດ້ວຍຈຳນວນສະມາຊິກ ແລະ ໂຄງການໃຫ້ຄຳປຶກສາ, ກໍ່ສ້າງເຄືອຂ່າຍສຳນັກງານ ແລະ ຫ້ອງການຕາງໜ້າເພີ່ມຂຶ້ນຢູ່ຫຼາຍທ້ອງຖິ່ນຂອງຝລັ່ງ ກໍ່ຄືຂອງຫວຽດນາມ. ຕາມທ່ານແລ້ວ, ສະມາຄົມນັກທຸລະກິດຫວຽດນາມ ຢູ່ຝລັ່ງ ໄດ້ສ້າງສະພາບແວດລ້ອມແຫ່ງການດຳເນີນທຸລະກິດຢ່າງແທດຈິງ, ສະໜອງຂໍ້ມູນຂ່າວກ່ຽວກັບກົດໝາຍ, ລະບຽບການລົງທຶນເຂົ້າຫວຽດນາມ ກໍ່ຄືຊອກຫາກາລະໂອກາດໃຫ້ບັນດາວິສາຫະກິດຫວຽດນາມ ລົງທຶນເຂົ້າຕະຫຼາດຝລັ່ງ ຫຼື ເອີລົບ.