ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ ດີໂອຊີນຫວຽດນາມ ຄັດຄ້ານການກະທຳຜິດຂອງຈີນ
(ພາບປະກອບ)
(vovworld) – ວັນທີ 17/05, ສູນກາງສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ ດີໂອຊີນຫວຽດນາມ ໄດ້ອອກຖະແຫຼງການຄັດຄ້ານເລື່ອງຈີນ ຕັ້ງຮ້ານເຈາະນ້ຳມັນໃນເຂດໄຫຼ່ທະວີບ ແລະ ເຂດເສດຖະກິດຜູກຂາດຂອງຫວຽດນາມ. ຖະແຫຼງການຊີ້ແຈ້ງວ່າ, ທາງສູນກາງສະມາຄົມສະແດງຄວາມເຫັນດີຢ່າງສູງກັບທັດສະນະຂອງລັດຫວຽດນາມ, ເຊິ່ງໄດ້ສະແດງໃນບົດກ່າວປາໄສຂອງທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ທີ່ກອງປະຊຸມສຸດຍອດອາຊຽນ ຄັ້ງທີ 24 ຢູ່ Nay Pyi Taw, ປະເທດມຽນມາ ເມື່ອວັນທີ 11/05/2014. ເປັນຜູ້ປະສົບເຄາະຮ້າຍຈາກສົງຄາມ, ຜູ້ປະສົບເຄາະຮ້າຍຈາກທາດພິດສີສົ້ມ ດີໂອຊີນຫວຽດນາມ ກວ່າ 3 ລ້ານຄົນ ເຂົ້າໃຈແຈ້ງຄຸນຄ່າຂອງສັນຕິພາບ, ຍາມໃດກໍ່ຢາກມີຊີວິດໃນສັນຕິພາບ, ເອກະລາດ, ເສລີພາບ, ມິດຕະພາບພ້ອມກັບປະຊາຊົນບັນດາປະເທດ, ໃນນັ້ນມີປະຊາຊົນຈີນ. ສະນັ້ນ, ທາງສູນກາງສະມາຄົມຮຽກຮ້ອງໃຫ້ບັນດາຜູ້ປະສົບເຄາະຮ້າຍຈາກສົງຄາມ, ບັນດາອົງການ, ສ່ວນບຸກຄົນ, ບັນດາກຳລັງທີ່ຮັກຫອມສັນຕິພາບໃນໂລກ ຕັ້ງໜ້າສະໜັບສະໜູນຫວຽດນາມ ໃນການປົກປັກຮັກສາສັນຕິພາບ, ຄວາມສະເໝີພາບ, ຍຸຕິທຳ ແລະ ຄວາມເປັນທຳ.