(vovworld) – ສະມາຄົມມິດຕະພາບອີຕາລີ - ຫວຽດນາມ ອອກສິ່ງພິມພິເສດກ່ຽວກັບໝູ່ເກາະຮ່ວາງຊາ - ເຈື່ອງຊາ, ສິ່ງພິມໄດ້ຈຳໜ່າຍເປັນພາສາອີຕາລີ, ດ້ວຍຫົວຂ້ໍ “ໝູ່ເກາະຮ່ວາງຊາ - ເຈື່ອງຊາ, ພາກສ່ວນເອກະພາບ ແລະ ບໍ່ສາມາດຕັດແຍກອອກຈາກຜືນແຜ່ນດິນຫວຽດນາມ ໄດ້”, ເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນພິມຈຳໜ່າຍວາລະສານ Mekong. ທ່ານນາງ Sandra Scagliotti, ກົງສູນກິຕິມະສັກຫວຽດນາມ ຢູ່ Turin ທັງແມ່ນຫົວໜ້າວາລະສານດັ່ງກ່າວຢືນຢັນວ່າ, ເລື່ອງຮຽບຮຽງສິ່ງພິມພິເສດກ່ຽວກັບໝູ່ເກາະຮ່ວາງຊາ ແລະ ເຈື່ອງຊາຂອງຫວຽດນາມ ແມ່ນວຽກງານເຊິ່ງບັນດາຊາວອີຕາລີ ທີ່ມີມະໂນທຳຕ້ອງເຮັດ, ເພື່ອສະແດງໃຫ້ເຫັນການສະໜັບສະໜູນຫວຽດນາມ ໃນການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ. ຕາມທ່ານນາງແລ້ວ, ສິ່ງພິມຈະຊ່ວຍໃຫ້ຊາວອີຕາລີ ເຂົ້າໃຈແຈ້ງກວ່າກ່ຽວກັບບັນຫາອະທິປະໄຕທີ່ບໍ່ອາດປະຕິເສດໄດ້ຂອງຫວຽດນາມ ກ່ຽວກັບໝູ່ເກາະຮ່ວາງຊາ ແລະ ເຈື່ອງຊາ, ກໍ່ຄືມີຄວາມເຂົ້າໃຈຢ່າງລະອຽດກວ່າກ່ຽວກັບບັນດາບັນຫາທີ່ກ່ຽວຂອງເຖິງທະເລຕາເວັນອອກ.
ບັນດາເອກະສານໃນສິ່ງພິມສະແດງໃຫ້ເຫັນບັນດາເຫດການການເມືອງ, ປະຫວັດສາດ, ພິເສດແມ່ນໃນສະພາບຫວ່າງແລ້ວນີ້ ຈີນ ຕັ້ງຮ້ານເຈາະນ້ຳມັນໄຮຢາງ 981 ເຂົ້າເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ການກະທຳດັ່ງກ່າວໄດ້ເຮັດໃຫ້ຫາງສຽງມີຄວາມວິຕົກກັງວົນ, ເປັນສິ່ງທ້າທາຍສຳລັບກົດໝາຍສາກົນ ແລະ ສັນຕິພາບຢູ່ພາກພື້ນອາຊີຕາເວັນອອກສ່ຽງໃຕ້.