ສະມາຊິກສະພາແຫ່ງຊາດ ປະກອບຄຳເຫັນດ້ວຍບັດລັບ
(ທ່ານປະທານສະພາແຫ່ງຊາດ ຫງວຽນຊິງຮຸ່ງ)
(vovworld) - ທີ່ກອງປະຊຸມສະໄໝສາມັນເທື່ອທີ 6 ສະພາແຫ່ງຊາດຫວຽດນາມ ຊຸດທີ 13, ຕອນເຊົ້າວັນທີ 18/11, ພາຍຫຼັງທ່ານຫົວໜ້າຄະນະຮຽບຮຽງຮ່າງລັດຖະທຳມະນູນປີ 1992 (ສະບັບປັບປຸງ) ຟານຈູງລິ໋ ສະເໜີບົດລາຍງານຮັບເອົາ, ອະພິປາຍຄຳເຫັນຈາກສະມາຊິກສະພາແຫ່ງຊາດ (ສສຊ) ທີ່ປຶກສາຫາລືຢູ່ໜ່ວຍ ແລະ ຫໍປະຊຸມ ກ່ຽວກັບຮ່າງລັດຖະທຳມະນູນປີ 1992 (ສະບັບປັບປຸງ), ທ່ານຮອງປະທານສະພາແຫ່ງຊາດ ອວງຈູລິວ ສະເໜີໃຫ້ບັນດາສສຊ ໃຫ້ຄຳເຫັນໂດຍກົງໃສ່ບັນດາມາດຕາຂອງຮ່າງລັດຖະທຳມະນູນປີ 1992 (ສະບັບປັບປຸງ) ແລະ ສະແດງຄຳເຫັນຂອງຕົນໃສ່ບົດປະກອບຄຳເຫັນກ່ຽວກັບບາງມາດຕາຂອງຮ່າງລັດຖະທຳມະນູນ.
ແລະກໍ່ໃນຕອນເຊົ້າວັນດຽວກັນ, ກ່າວຄຳເຫັນເຮັດແຈ້ງບາງເນື້ອໃນຂອງການອະພິປາຍ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຢືນຢັນວ່າ.
“ຄະນະຮຽບຮຽງຮ່າງລັດຖະທຳມະນູນສະເໜີສະພາແຫ່ງຊາດຄຳເຫັນຕື່ມ ເພື່ອປັບປຸງຮ່າງລັດຖະທຳມະນູນ. ເລື່ອງປັບປຸງນີ້ໂດຍອີ່ງໃສ່ບັນດາທິດທາງທີ່ເປັນພື້ນຖານ ເພື່ອໃຫ້ພວກເຮົາມີຫຼັກການໜຶ່ງ, ພາໄປເຖິງຄວາມເຫັນດີເຫັນພ້ອມ, ສາມາດລົງມະຕິໄດ້. ຂ້າພະເຈົ້າປາດຖະໜາວ່າ ບັນດາ ສສຊ ສືບຕໍ່ປະກອບຄຳເຫັນເພື່ອມີຮ່າງລັດຖະທຳມະນູນດີທີ່ສຸດ ແລະ ບັນລຸໄດ້ຄວາມເຫັນດີເຫັນພ້ອມສູງສຸດ”.