ສະມາຊິກສະພາແຫ່ງຊາດ ສະເພາະກິດປະກອບ ຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ
ທ່ານ ໂດ໋ວັນເດືອງ, ສະມາຊິກສະພາແຫ່ງຊາດນະຄອນ ໂຮ່ຈີມິນ ກ່າວຄຳເຫັນທີ່ກອງປະຊຸມ
(vovworld) – ກ່າວຄຳເຫັນທີ່ວາລະປະຊຸມປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ ແລະ ຮ່າງກົດໝາຍວ່າດ້ວຍທີ່ດິນສະບັບປັບປຸງ, ທ່ານປະທານສະພາແຫ່ງຊາດ ຫງວຽນຊິງຮູ່ງ ຢັ້ງຢືນວ່າ: ຮ່າງລັດຖະທຳມະນູນປີ 1992 ສະບັບປັບປຸງ ແລະ ຮ່າງກົດໝາຍວ່າດ້ວຍທີ່ດິນສະບັບປັບປຸງແມ່ນສຳຄັນທີ່ສຸດໃຫ້ແກ່ປະເທດຊາດ ດັ່ງນັ້ນການຈັດຕັ້ງກອງປະຊຸມນີ້ເພື່ອແນໃສ່ບັນລຸໄດ້ຄວາມຮຽກຮ້ອງຕ້ອງການກ່ຽວກັບຄຸນນະພາບ ແລະ ຄວາມເຫັນດີເຫັນພ້ອມສຳລັບຮ່າງລັດຖະທຳມະນູນປີ 1992 ສະບັບປັບປຸງ ແລະ ຮ່າງກົດໝາຍວ່າດ້ວຍທີ່ດິນສະບັບປັບປຸງ ກ່ອນທີ່ຍື່ນສະເໜີຕໍ່ກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຊຸດທີ 13 ຄາດວ່າຈະໄຂຂຶ້ນໃນວັນທີ 21/10 ຈະມາເຖິງ.
ທີ່ວາລະປະຊຸມໃນຕອນເຊົ້າວັນທີ 25/9, ສະມາຊິກສະພາແຫ່ງຊາດຫຼາຍທ່ານໄດ້ປຶກສາຫາລືກ່ຽວກັບສິດອຳນາດຂອງສະພາລັດຖະທຳມະນູນ. ທ່ານ ໂດ໋ວັນເດືອງ, ສະມາຊິກສະພາແຫ່ງຊາດນະຄອນ ໂຮ່ຈີມິນ, ສະເໜີວ່າ:
“ສຳລັບເອກະສານຂອງປະທານປະເທດ, ນາຍົກລັດຖະມົນຕີ ແມ່ນຜູ້ນຳກົງຈັກລັດ, ບັນຫາພາຍຫຼັງການກວດກາກໍ່ຕ້ອງໄດ້ຮັບການຊັ່ງຊາ ແລະ ຄວນກວດກາກ່ອນທີ່ປະກາດໃຊ້. ສຳລັບເອກະສານກົດໝາຍຂອງບັນດາກະຊວງ, ຂະແໜງການໃນປະຈຸບັນແມ່ນລະເມີດກົດໝາຍຫຼາຍທີ່ສຸດ, ພິເສດແມ່ນລະເມີດລັດຖະທຳມະນູນ. ຂ້າພະເຈົ້າຖືວ່າ: ເອກະສານໂດຍກະຊວງ, ຂະແໜງການຄຸ້ມຄອງປະກາດໃຊ້ແມ່ນຫຼາຍທີ່ສຸດ ດັ່ງນັ້ນຕ້ອງເອົາໃຈໃສ່ເຖິງວຽກງານກວດກາພາຍຫຼັງ.”