(ພາບປະກອບ)
|
(vovworld)- ທີ່ວາລະປຶກສາຫາລືເມື່ອວັນທີ 2/6, ບັນດາສະມາຊິກສະພາ ແຫ່ງຊາດໄດ້ສະເໜີລັດຖະບານຈົ່ງສຸມໃສ່ລົງທຶນຕໍ່ກຳປັ່ນຫາປາໃຫຍ່ໃຫ້ຊາວປະມົງ, ກ່ອນອື່ນໝົດແມ່ນຢູ່ບັນດາເຂດຈຸມສຸມ. ບັນດາສະມາຊິກສະພາ ແຫ່ງຊາດກໍເຫັນດີກັບວິທີການສະຫງວນເງິນ 16.000 ຕື້ດົງຈາກການດຸນດຽງງົບປະມານປີ 2013 ເພື່ອໃຊ້ຈາຍໃຫ້ພາກສ່ວນຕຳຫຼວດທະເລ, ກຳລັງກວດກາການປະມົງ ແລະ ໜູນຊ່ວຍຊາວປະມົງໄປຫາປາຢູ່ໄກຝັ່ງທະເລ. ທ່ານ ຫງວຽນກາວເຊີນ ສະມາຊິກສະພາແຫ່ງຊາດ ແຂວງຮ່ວາບີງ ມີຄຳເຫັນດັ່ງນີ້ :
“ ຕໍ່ໜ້າສະພາບການຢູ່ທະເລຕາເວັນອອກປະຈຸບັນ, ຂ້າພະເຈົ້າເຫັນດີກັບລັດຖະບານສຸມແຫຼ່ງກຳລັງແຫ່ງຊາດດ້ວຍເງິນ16.000 ຕື້ດົງ ແບບຮັດເຂັມຄັດ, ຕ້ອງຕັ້ງພື້ໜຖານເສດຖະກິດຢູ່ໃນສະພາບເຄື່ອນເໜັງ, ທັງສ້າງເສດຖະກິດມະຫາພາກເປັນປັກກະຕິ ທັງໃຫ້ເສດຖະກິດຕ້ອງຕິດພັນກັບການປ້ອງກັນຊາດ, ໃຫ້ບຸລິມະສິດພິຈາລະນາຄືນການລົງທຶນ, ສະຫງວນງົບປະມານໃຫ້ພາກສ່ວນຕຳຫຼວດທະເລ, ກຳລັງກວດກາການປະມົງ ແລະ ໜູນຊ່ວຍຊາວປະມົງອູນອຽນໃຈໄປຫາປາຢູ່ໄກຝັ່ງທະເລ”
ກະສີກຳ, ຊາວກະສີກອນ ແລະ ຊົນນະບົດກໍແມ່ນບັນດາບັນຫາທີ່ບັນດາສະມາຊິກສະພາແຫ່ງຊາດນຳມາປຶກສາຫາລືໃນມື້ນີ້. ທ່ານເຈືອງວັນເຫວີ ສະມາຊິກສະພາແຫ່ງຊາດແຂວງດົງນາຍ ມີຄຳເຫັນດັ່ງນີ້ :
“ ວຽກງານທີ່ຕ້ອງເຮັດໃນທັນທີ່ ແມ່ນຕ້ອງຊີ້ນຳຢ່າງຂ້ຽວຂາດກວ່າໃຫ້ທ້ອງຖິ່ນຜັນຂະຫຍາຍການສ້າງໂຄງປະກອບກະສີກຳຄືນໃໝ່. ຕາມນັ້ນແລ້ວ, ກໍເພີ່ມເຕີມມາດຕະການໂດຍຈຳເປັນກວ່າກ່ຽວກັບການຈຳໜ່າຍຜະລິດຕະພັນກະເສດ,ນັບທັງການປະຕິບັດໂຄງການເຕັກໂນໂລຢີຊີວະສາດ, ພັດທະນາກະສີກຳເຕັກໂນໂລຢີສູງ...”
ກ່ຽວກັບບາງການກຳນົດທິດຂອງຂະແໜງກະສີກຳໃນໄລຍະທີ່ຈະມາເຖິງ, ທ່ານລັດຖະມົນຕີກະຊວງກະສີກຳ ແລະ ພັດທະນາຊົນນະບົດຫວຽດນາມ ກາວດຶກຟາດ ໃຫ້ຮູ່ວ່າ :
“ ໃນຊຸມເດືອນທີ່ຈະມາເຖິງ, ຈະສຸມໃສ່ແກ້ໄຂຄວາມຫຍຸ້ງຍາກ, ສິ່ງຄ້າງຄ່າເພື່ອຂະຫຍາຍຕະຫຼາດຈຳໜ່າຍ, ເປັນຕົ້ນແມ່ນຕະຫຼາດສົ່ງອອກຜະລິດຕະພັນກະເສດ. ທີ 2 ສືບຕໍ່ສ້າງໂຄງປະກອບກະສີກຳຄືນໃໝ່, ທີ 3 ແມ່ນເພີ່ມທະວີຄວາມສາມາດ ແລະ ກຽມພ້ອມຮັບມືກັບສະພາບໂລກລະບາດ, ໄພທຳມະຊາດ”