ສະມາຊິກສະພາແຫ່ງຊາດເຊື່ອໝັ້ນຕໍ່ນາຍົກລັດຖະມົນຕີແລະລັດຖະບານນຳປະເທດຊາດພັດທະນາ
(ພາບປະກອບ)
(vovworld) – ວັນທີ 06/04, ສະພາແຫ່ງຊາດເລົ່ມຕົ້ນດຳເນີນບັນດາລະບຽບການໃຫ້ເຊົາຕຳແໜ່ງ ແລະ ເລືອກຕັ້ງນາຍົກລັດຖະມົນຕີຄົນໃໝ່, ໃຫ້ສັດຕະຍາບັນໃບສະເໜີຂອງນາຍົກລັດຖະມົນຕີກ່ຽວກັບເລື່ອງໃຫ້ເຊົາຕຳແໜ່ງ ແລະ ແຕ່ງຕັ້ງບາງຮອງນາຍົກລັດຖະມົນຕີລັດຖະບານ,ລັດຖະມົນຕີ ແລະ ສະມາຊິກອື່ນໆຂອງລັດຖະບານ. ຢູ່ນອກວາລະປະຊຸມສະພາແຫ່ງຊາດ, ບັນດາສະມາຊິກສະພາແຫ່ງຊາດສະແດງຄວາມເຊື່ອໝັ້ນຕໍ່ຄະນະລັດຖະບານ ແລະ ຜູ້ນຳລັດຖະບານຄົນໃໝ່ ຈະມີຈິດຕະນາການປ່ຽນໃໝ່ແຂງແຮງ, ຂ້ຽວຂາດ ເພື່ອນຳປະເທດຊາດຜ່ານຜ່າບັນດາຄວາມຫຍຸ້ງຍາກ ແລະ ສິ່ງທ້າທາຍຂອງການເຊື່ອມໂຍງເຂົ້ າກັບເສດຖະກິດໂລກ. ຕາມສະມາຊິກສະພາແຫ່ງຊາດຫລາຍທ່ານແລ້ວ, ອາຍຸການຜ່ານມາ, ລັດຖະບານໄດ້ມີບັນດາມາດຕະການຢ່າງຂ້ຽວຂາດ, ນຳພື້ນຖານເສດຖະກິດ - ສັງຄົມ ບັນລຸໄດ້ໝາກຜົນສຳຄັນຫລາຍຢ່າງ, ຕອບສະໜອງຄວາມຮຽກຮ້ອງຕ້ອງການພັດທະນາ ແລະ ເຊື່ອມໂຍງເຂົ້າກັບເສດຖະກິດໂລກຂອງປະເທດຊາດ. ທ່ານນາງ ຫວໍທິຮົ່ງທ້ວາຍ ສະມາຊິກສະພາແຫ່ງຊາດແຂວງ ບາກລຽວ ຖືວ່າ:
“ຂ້າພະເຈົ້າຫວັງວ່າ ລັດຖະບານຊຸດໃໝ່, ພິເສດແມ່ນບົດບາດຂອງນາຍົກລັດຖະມົນຕີ ຈະເສີມຂະຫຍາຍບັນດາໝາກຜົນທີ່ບັນລຸໄດ້ ແລະ ຊອກຫາບັນດາມາດຕະການແກ້ໄຂສິ່ງຈຳກັດອ່ອນດ້ອຍຢ່າງມີປະສິດທິຜົນ. ຜູ້ນຳສູງສຸດຂອງລັດຖະບານຄວນຂະຫຍັນຂັນເຄື່ອນ, ຂ້ຽວຂາດກ່ວາ ແລະ ປະຕິບັດຕາມເປົ້າໝາຍມະຕິຂອງສະພາແຫ່ງຊາດວາງອອກໃນວິວັດການບໍລິຫານ. ທີ່ສອງ ຕ້ອງເຕົ້າໂຮມບັນດາອົງການສຳນັກງານຂອງລັດຖະບານ ເພື່ອສ້າງຄວາມສາມັກຄີ, ຮ່ວມແຮງຮ່ວມໃຈ ແລະ ເສີມຂະຫຍາຍຄວາມຮັບຜິດຊອບ ສະມາຊິກລັດຖະບານແຕ່ລະທ່ານ ເພື່ອປະຕິບັດໜ້າທີ່; ເພີ່ມທະວີການເຄື່ອນໄຫວກວດກາຈາກຂັ້ນສູນກາງລົງຮອດຂັ້ນທ້ອງຖິ່ນ, ບົນພື້ນຖານຈັດແບ່ງຂຶ້ນມອບສິດ ເພື່ອປະຕິບັດວຽກງານທີ່ລັດຖະບານໄດ້ວາງອອກ”.