( vovworld ) - ຕອນເຊົ້າວັນທີ 30/6, ຢູ່ຮ່າໂນ້ຍ, ກະຊວງສາທາລະນະສຸກຫວຽດນາມ ຈັດຕັ້ງກອງປະຊຸມສະຫຼຸບ 10 ປີແຫ່ງການປະຕິບັດຄຳສັ່ງຂອງຄະນະເລຂາສູນກາງພັກ ກ່ຽວກັບການປັບປຸງ ແລະ ສ້າງສຳເລັດເຄືອຂ່າຍສາທາລະນະສຸກຂັ້ນຮາກຖານ. ກ່າວຄຳເຫັນທີ່ກອງປະຊຸມ, ທ່ານ Dinh The Huynh ກຳມະການກົມການເມືອງ, ເລຂາສູນກາງພັກກອມມູນິດຫວຽດນາມ, ຫົວນ້າຄະນະໂຄສະນາສຶກສາສູນກາງ ໄດ້ສະເໜີໃຫ້ຂະແໜງສາທາລະນະສຸກຄວນຄົ້ນຄວ້າ, ສະເໜີຮູບແບບການຈັດຕັ້ງເຄືອຂ່າຍສາທາລະນະສຸກຂັ້ນຮາກຖານ ຕາມຈິດໃຈສຸມໃສ່, ເພີ່ມທະວີປະສິດທິຜົນແຫຼ່ງກຳລັງ, ສ້າງກຳລັງແຮງສົ່ງເສີມປະຊາຊົນເຂົ້າຮ່ວມການປົກປັກຮັກສາ, ເບິ່ງແຍງດູແລ ແລະ ຍົກສູງສຸຂະພາບຂອງປະຊາຊົນຢູ່ຂັ້ນຮາກຖານ ເພື່ອສ້າງກາລະໂອກາດໃຫ້ແກ່ປະຊາຊົນໄດ້ຍົກສູງສຸຂະພາບ. ທ່ານ Dinh The Huynh, ຫົວນ້າຄະນະໂຄສະນາສຶກສາສູນກາງ ຊີ້ແຈ້ງວ່າ.
“ ເຄືອຂ່າຍສາທາລະນະສຸກຂັ້ນຮາກຖານແມ່ນລະບົບການແພດໃກ້ຊິດກັບປະຊາຊົນທີ່ສຸດ, ຮັບປະກັນໃຫ້ແກ່ປະຊາຊົນໄດ້ຮັບການເບິ່ງແຍງດູແລສຸຂະພາບໂດຍພື້ນຖານດ້ວຍຄ່າໃຊ້ຈາຍຕໍ່າ, ປະກອບສ່ວນຢ່າງແທດຈິງເຂົ້າໃນຄວາມຍຸດຕິທຳໃນການຮັກສາສຸຂະພາບ ແລະ ຮັບປະກັນຊີວິດສັງຄົມ. ອາດເວົ້າໄດ້ວ່າ ເຄືອຂ່າຍສະທາລະນະສຸກແມ່ນພື້ນຖານຂອງພາລະກິດຮັກສາເບິ່ງແຍງດູແລສຸຂະພາບໃຫ້ແກ່ປະຊາຊົນ, ແມ່ນກະດູກສັນຫຼັງຂອງພື້ນຖານສາທາລະນະສຸກຂອງປະເທດ. ປັບປຸງເຄື່ອຂ່າຍສາທາລະນະສຸກ ບໍ່ພຽງແຕ່ຫຼຸດຜ່ອນການແບກຫາບຂອງລະບົບໂຮງໝໍສູນກາງເທົ່ານັ້ນ, ຫາກຍັງເບິ່ງແຍງດູແລ, ປິ່ນປົວພະຍາດໃຫ້ແກ່ປະຊາຊົນ ໂດຍທົ່ວໄປ ເຊິ່ງແມ່ນຜູ້ທຸກຍາກອີກດ້ວຍ”.