(ພາບປະກອບ) (vovworld) - ຕອນເຊົ້າວັນທີ 24/10, ຄະນະກຳມະການປະຊາຊົນນະຄອນ ໂຮ່ຈີມິນ ໄດ້ຈັດຕັ້ງກອງປະຊຸມສະຫຼຸບ ”ສັບປະດາຕອບສະໜອງການຮໍ່າຮຽນຕະຫຼອດຊີວິດ” ແຕ່ວັນທີ 1-7/10. ໃນສັບປະດານີ້ມີການເຄື່ອນໄຫວຫຼາຍຢ່າງໄດ້ຮັບການຜັນຂະຫຍາຍເຖິງໝູ່ປະຊາຊົນທຸກຊັ້ນວັນນະຄື: ງານວາງສະແດງ ”ຮູບພາບປະທານ ໂຮ່ຈີມິນ ກັບການຮໍ່າຮຽນຕະຫຼອດຊີວິດ”, ໂຄສະນາກ່ຽວກັບ ”ສັບປະດາຕອບສະໜອງການຮໍ່າຮຽນຕະຫຼອດຊີວິດ”, ຈັດຕັ້ງການສຳມະນາ ”ຍົກສູງຄຸນນະພາບການເຄື່ອນໄຫວຂອງສູນຮໍ່າຮຽນປະຊາຄົມ ແລະ ສ້າງຄອບຄົວມັກຮຽນ”, ແນະນຳປັດໃຈ ແລະ ຮູບແບບໃໝ່ກ່ຽວກັບການຮຳ່ຮຽນ… ”ສັບປະດາຕອບສະໜອງການຮໍ່າຮຽນຕະຫຼອດຊີວິດ” ໄດ້ປະກອບສ່ວນຍົກສູງຄວາມຮັບຮູ້ໃຫ້ແກ່ທຸກຄົນກ່ຽວກັບການຮໍ່າຮຽນຕະຫຼອດຊີວິດ ແລະ ສ້າງສັງຄົມຮໍ່າຮຽນ, ພ້ອມທັງຍົກສູງຄວາມສາມາດຂອງບັນດາຮາກຖານການສຶກສາ ແລະ ອອກແບບການສຶກສານອກໂຮງຮຽນ ຕອບສະໜອງຄວາມຕ້ອງການຮໍ່າຮຽນຕະຫຼອດຊີວິດຂອງປະຊາຊົນທຸກຊັ້ນວັນນະ, ກໍ່ສ້າງນະຄອນ ໂຮ່ຈີມິນໃຫ້ກາຍເປັນ ”ນະຄອນແຫ່ງການຮໍ່າຮຽນ” ເທື່ອລະກ້າວ.