(vovworld) - ຕອນເຊົ້າວັນທີ 12/8, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ສະຫຼຸບ 2 ປີແຫ່ງການສ້າງໂຄງປະກອບຂະແໜງກະສິກຳຄືນໃໝ່. ຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ, ຫົວໜ້າຄະນະຊີ້ນຳລະຫວ່າງຂະແໜງກ່ຽວກັບການສ້າງໂຄງປະກອບຂະແໜງກິສິກຳຄືນໃໝ່, ຊີ້ແຈ້ງວ່າ, ການສ້າງຄົງປະກອບຂະແໜງກະສິກຳຄືນໃໝ່ ມີຄວາມໝາຍສຳຄັນໃນການຜັນຂະຫຍາຍການສ້າງໂຄງປະກອບຂອງທັງພື້ນຖານເສດຖະກິດ. ສ່ວນທ່ານລັດຖະມົນຕີວ່າການກະຊວງກະສິກຳ ແລະ ພັດທະນາຊົນນະບົດ ກາວດຶກຟາດ, ຖືວ່າ:
“ເພື່ອຍູ້ແຮງການສ້າງໂຄງປະກອບ ແມ່ນຕ້ອງເພີ່ມທະວີການໂຄສະນາເຜີຍແຜ່ ເພື່ອຍົກສູງຄວາມຮູ້ໃນບັນດາອົງການມີຄວາມຮັບຜິດຊອບ ກໍ່ຄືຊາວກະສິກອນ ເພື່ອໃຫ້ທຸກຄົນເຂົ້າຮ່ວມຢ່າງຄົບຊຸດ ແລະ ຂ້ຽວຂາດ. ຕ້ອງຜັນຂະຫຍາຍບັນດາໝວດມາດຕະການຢ່າງຄົບຊຸດ, ໃນນັ້ນໝວດມາດຕະການສຳຄັນທີ່ສຸດ ນັ້ນແມ່ນຈັດຕັ້ງການຜະລິດຄືນໃໝ່, ດ້ວຍການເຂົ້າຮ່ວມຂອງບັນດາວິສາຫະກິດຫຼາຍກວ່າ, ຈັດຕັ້ງສະຫະກອນ ແລະ ບັນດາຮູບການຮ່ວມສຳພັນຄືນໃໝ່ຕາມລະບົບຄຸນຄ່າ“.
ພາຍຫຼັງ 2 ປີ ແຫ່ງການຜັນຂະຫຍາຍ “ແຜນຮ່າງສ້າງໂຄງປະກອບຂະແໜງກະສິກຳຄືນໃໝ່ຕາມທິດຍົກສູງມູນຄ່າເພີ່ມ ແລະ ພັດທະນາແບບຍືນຍົງ. ກະຊວງກະສິກຳ ແລະ ພັດທະນາຊົນນະບົດ ໄດ້ປະກາດໃຊ້ 6 ແຜນຮ່າງນ້ອຍໃນຂົງເຂດປູກຝັງ, ລ້ຽງສັດ, ປ່າໄມ້, ສິນໃນນຳ້, ຊົນລະປະທານ ແລະ ຜະລິດປຸງແຕ່ງຜະລິດຕະພັນກະເສດ, ເຄື່ອງປ່າຂອງດົງ, ສິນໃນນຳ້ ແລະ ເກືອ.