ສະຫຼຸບການເຄື່ອນໄຫວຂອງກຳມາທິການກ່ຽວກັບບັນດາ
ບັນຫາສັງຄົມອາຍຸການຂອງສະພາແຫ່ງຊາດຊຸດທີ13
(ພາບ: TTXVN)
(vovworld) – ຕອນບ່າຍວັນທີ 28 ມີນາ, ຢູ່ສຳນັກງານສະພາແຫ່ງຊາດ, ກຳມາທິການ ກ່ຽວກັບ ບັນດາບັນຫາສັງຄົມ ຂອງສະພາແຫ່ງຊາດ ຈັດຕັ້ງວາລະກອງປະຊຸມ ຄັ້ງທີ 15 ສະຫຼຸບຜົນການເຄື່ອນໄຫວ ຂອງກຳມາທິການອາຍຸການ ຂອງສະພາແຫ່ງຊາດຊຸດທີ 13. ບົດລາຍງານສະຫຼຸບໃຫ້ເຫັນວ່າ ໃນອາຍຸການສະພາແຫ່ງຊາດຊຸດທີ 13, ກຳມາທິການ ກ່ຽວກັບ ບັນດາບັນຫາສັງຄົມ ໄດ້ປະຕິບັດວຽກງານສຳຄັນຫຼາຍຢ່າງໃນທຸກຂົງເຂດ, ເຮັດສຳເລັດພາລະໜ້າທີ່, ຄວາມຮັບຜິດຊອບ ຕາມຂໍ້ກຳນົດກົດໝາຍ, ປະກອບສ່ວນເຂົ້າໃນວຽກງານປ່ຽນແປງໃໝ່, ຍົກສູງຄຸນນະພາບ, ປະສິດທິຜົນການເຄື່ອນໄຫວ ຂອງກຳມາທິການສະພາແຫ່ງຊາດ. ກຳມາທິການໄດ້ເຂົ້າຮ່ວມ ການສະຫຼຸບຜົນການປະຕິບັດ ລັດຖະທຳມະນູນ 1992 ຢ່າງຕັ້ງໜ້າ, ປະກອບຄຳເຫັນໃສ່ຮ່າງ ລັດຖະທຳມະນູນສະບັບປັບປຸງ ລັດຖະທຳມະນູນ ປີ 1992 ແລະ ຜັນຂະຫຍາຍການປະຕິບັດລັດຖະທຳມະນູນໃໝ່. ກ່ຽວກັບພື້ນຖານ, ບັນດາກົດໝາຍ, ລັດຖະບັນຍັດ, ມະຕິຕົກລົງ ທີ່ຂື້ນກັບກຳມາທິການ ເປັນປະທານສຳຫຼວດກວດກາ ຮັບປະກັນຖືກຕາມທັດສະນະ, ແຜນນະໂຍບາຍ, ນະໂຍບາຍຂອງພັກ ແລະ ລັດຖະທຳມະນູນ ປີ 2013, ຕອບສະໜອງ ຄວາມຮຽກຮ້ອງຕ້ອງການ ໃນການພັດທະນາເສດຖະກິດ-ສັງຄົມ, ໃກ້ຊິດຕິດແທດກັບພຶດຕິກຳຕົວຈິງໃນການດຳລົງຊີວິດການເປັນຢູ່; ຮັບປະກັນຄວາມເອກະພາບ, ຄົບຊຸດໃນລະບົບກົດໝາຍ, ເໝາະສົມກັບສົນທິສັນຍາສາກົນ ທີ່ຫວຽດນາມເປັນສະມາຊິກ. ສຳລັບການເຄື່ອນໄຫວຕິດຕາມກວດກາ, ກຳມາທິການໄດ້ເປັນປະທານຊ່ວຍສະພາແຫ່ງຊາດ, ຄະນະປະຈຳສະພາແຫ່ງຊາດ ປະຕິບັດການຕິດຕາມກວດກາສູງສຸດ ການປະຕິບັດນະໂຍບາຍ, ກົດໝາຍກ່ຽວກັບສັງຄົມ. ຈາກຜົນການເຄື່ອນໄຫວສ້າງກົດໝາຍ ແລະ ຕິດຕາມກວດກາ, ອາຍຸການຜ່ານມາ, ກຳມາທິການໄດ້ປະກອບສ່ວນ ສ້າງບັນດານະໂຍບາຍທີ່ສຳຄັນ ກ່ຽວກັບແຮງງານ, ວຽກເຮັດງານທຳ, ການໜູນຊ່ວຍສັງຄົມ, ເບິ່ງແຍງສຸຂະພາບ, ພົນລະເມືອງ, ນະໂຍບາຍພິເສດໃຫ້ຜູ້ທີ່ມີຄຸນງາມຄວາມດີ ແລະ ນະໂຍບາຍຊຸກຍູ້ຄວາມສະເໝີພາບລະຫວ່າງຍິງຊາຍ