( vovworld ) – ວັນທີ 3/4, ຢູ່ຮ່າໂນ້ຍ, ຄະນະໂຄສະນາສຶກສາສູນກາງພັກ ໄດ້ໄຂກອງປະຊຸມທົ່ວປະເທດກ່ຽວກັບວຽກງານຖະແຫຼງຂ່າວຕໍ່ຕ່າງປະເທດ, ໂຄສະນາທະເລ, ໝູ່ເກາະ ແລະ ວຽກງານປັກຫຼັກໝາຍຊາຍແດນປີ 2011; ຜັນຂະຫຍາຍໜ້າທີປີ 2012. ທ່ານ Dinh The Huynh ກຳມະການກົມການເມືອງ, ຫົວໜ້າຄະນະໂຄສະນາສຶກສາສູນກາງພັກໄດ້ເປັນປະທານກອງປະຊຸມ. ກ່າວຄຳເຫັນທີ່ກອງປະຊຸມ, ທ່ານອະດີດນາຍົກລັດຖະມົນຕີ Pham Gia Khiem ໄດ້ຖືວ່າ; ປີ 2011 ສະພາບການໃນພາກພື້ນ ແລະ ໃນໂລກໄດ້ມີການຜັນແປໄປຢ່າງສັບສົນ. ແຕ່, ບັນດາການເຄື່ອນໄຫວທາງຖະແຫຼງຂ່າວຕໍ່ຕ່າງປະເທດ, ໂຄສະນາກ່ຽວກັບທະເລ, ໝູ່ເກາະ ແລະ ວຽກງານປັກລັກໝາຍຊາຍແດນບັນລຸໄດ້ບັນດາຜົນງານທີ່ສຳຄັນ, ປະກອບສ່ວນເຂົ້າໃນວຽກງານໂຄສະນາແຜນນະໂຍບາຍ, ແນວທາງ, ນະໂຍບາຍຂອງພັກ ແລະ ລັດຢ່າງຕັ້ງໜ້າ, ໂຄສະນາພາບພົດຂອງປະເທດຊາດ, ວັດທະນະທຳ ແລະ ຊາວຫວຽດນາມ; ຕໍ່ສູ້ປະຕິເສດບັນດາຂໍ້ມູນຂ່າວສານທີ່ຜິດພາດ, ເສກສັນປັ້ນແຕ່ງຂອງກຳລັງປໍລະປັກ, ຜ່ານນັ້ນປະກອບສ່ວນຍົກສູງອິດທິພົນຊື່ສຽງ, ທີ່ຕັ້ງບົດບາດຂອງຫວຽດນາມ ໃນເວທີສາກົນ, ເພີ່ມທະວີຄວາມເຫັນດີເຫັນພ້ອມ, ການສະໜັບສະໜູນຂອງປະຊາຄົມໂລກ ແລະ ຊາວຫວຽດນາມອາໄສຢູ່ຕ່າງປະເທດ. ທ່ານອະດີດນາຍົກລັດຖະມົນຕີ Pham Gia Khiem ຊີ້ແຈງວ່າ.
“ ວຽກງານຖະແຫຼງຂ່າວຕໍ່ຕ່າງປະເທດຕ້ອງຕິດພັນກັບວຽກງານຖະແຫຼງຂ່າວຢູ່ພາຍໃນປະເທດ ແລະ ຂ່າວຈາກຕ່າງປະເທດ, ຕິດພັນກັບບັນດາທັດສະນະຂອງພັກກ່ຽວກັບວຽກງານໂຄສະນາອົບຮົມເວົ້າລວມ. ກອງປະຊຸມຄັ້ງນີ້ໄດ້ຢືນຢັນບົດບາດສຳຄັນຂອງວຽກງານຖະແຫຼງຂ່າວ, ໂຄສະນາກ່ຽວກັບທະເລ, ໝູ່ເກາະ ແລະ ວຽກງານນປັກລັດໝາຍຊາຍແດນ. ເພາະສະນັ້ນ, ກອງປະຊຸມແມ່ນໂອກາດເພື່ອໃຫ້ນັກຂ່າວ, ບັນດາຜູ້ເຮັດວຽກງານພົວພັນຕ່າງປະເທດ, ວຽກງານປ້ອງກັນຄວາມສະຫງົບພ້ອມກັນແບ່ງປັນບົດຮຽນ ເພື່ອເສີມຂະຫຍາຍບັນດາດ້ານດີ, ເປັນເອກະພາບນຳກັນກ່ຽວກັບທິດທາງ, ວິທີແກ້ໄຂຂໍ້ມູນຂ່າວສານ ເພື່ອສົມທົບກັນໂຄສະນາຢ່າງເປັນເອກະພາບ, ຄົບຊຸດ ເພື່ອບັນລຸໄດ້ໝາກຜົນດີທີສຸດໃນວຽກງານຖະແຫຼງຂ່າວຕໍ່ຕ່າງປະເທດ ແລະ ໂຄສະນາກ່ຽວກັບທະເລ, ໝູ່ເກາະ ແລະ ວຽກງານປັກລັກໝາຍຊາຍແດນໃນໄລຍະທີຈະມາເຖິງ ”.