( vovworld ) – ຕອນເຊົ້າວັນທີ 29/5, ຄະນະກຳມະການປະຊາຊົນແຂວງກວາງຈິ ໄດ້ຈັດກອງປະຊຸມສະຫລຸບ 5 ປີແຫ່ງການແຮກສ່ຽວ 2 ເຂດຊາຍແດນລະຫວ່າງແຂວງກວາງຈິ ແລະ ແຂວງສະຫວັນນະເຂດ-ສາລະວັນ. ແຂວງກວາງຈິ ມີເສັ້ນຊາຍແດນຕິດກັບສອງແຂວງຂອງລາວຄື: ສະຫວັນນະເຂດ ແລະ ສາລະວັນ ດ້ວຍຄວາມຍາວທັງໝົດກ່ວາ 200 ກມ. ປີ 2005, ການນຳແຂວງກວາງຈິ ແລະ ແຂວງສະຫວັນນະເຂດ-ສາລະວັນ ໄດ້ເຫັນດີເປັນເອກະສັນປຸກລະດົມຂະບວນການ, ຈັດການເຊັນແຮກສ່ຽວລະຫວ່າງບ້ານກັບບ້ານຢູ່ເຂດຊາຍແດນ. ພາຍຫລັງຜັນຂະຫຍາຍປະຕິບັດມາເປັນເວລາ 5 ປີ, ມາຮອດປະຈຸບັນ, ໃນທົ່ວເຂດຊາຍແດນລະຫວ່າງແຂວງກວາງຈິ ຂອງ ຫວຽດນາມ ແລະ ແຂວງສະຫວັນນະເຂດ-ສາລະວັນ ຂອງລາວ ມີ 23 ຄູ່ບ້ານໄດ້ຈັດຕັ້ງການແຮກສ່ຽວ. ທ່ານພັນເອກ Ngo Xuan Hoan ຫົວໜ້າບັນຊາການທະຫານປ້ອງກັນຊາຍແດນແຂວງກວາງຈິ ໃຫ້ຮູ້ວ່າ: “ຜົນງານໃຫ່ຍທີ່ສຸດທີ່ພວກເຮົາບັນລຸໄດ້ ນັ້ນແມ່ນ ນ້ຳໃຈສາມັກຄີພິເສດລະຫວ່າງປະຊາຊົນໃນບັນດາບ້ານ ໃນເຂດຊາຍແດນ 2 ປະເທດ. ຜ່ານນັ້ນ ຮັບປະກັນໜ້າທີ່ຮັກສາຄວາມຄວາມສະຫງົບປອດໄພ ແລະ ຮັກສາອະທິປະໄຕເຂດຊາຍແດນຂອງພວກເຮົາ, ອີກຢ່າງໜື່ງແມ່ນ, ປະຊາຊົນສອງເຂດຊາຍແດນໄດ້ຊ່ວຍເຫຼືອກັນເຮັດໃຫ້ຊີວິດດ້ານເສດຖະກິດ ວັດທະນະທຳນັບມື້ນັບໄດ້ຮັບການພັດທະນາ, ຮັບປະກັນໃຫ້ສອງປະເທດພວກເຮົາ ສູ້ຊົນນັດມື້ນັບພັດທະນາກ້າວຂຶ້ນ“
ແຂວງກວາງຈິ
(ພາບ:dulich.quangtri.gov.vn)