ພື້ນຖານວັດທະນະທຳຫວຽດນາມທີ່ກ້າວຫນ້າ, ເຂັ້ມຂົ້ນ
ໄປດ້ວຍສີສັນຊາດ
photo: internet
|
(vovworld)-ກອງປະຊຸມສະຫລຸບ15ປີແຫ່ງການປະຕິບັດມະຕິສູນກາງພັກຄັ້ງທີ 5 ຊຸດທີ 8 ກ່ຽວກັບການສ້າງ ແລະ ພັດທະນາພື້ນຖານວັດທະນະທຳຫວຽດນາມທີ່ກ້າວຫນ້າ, ເຂັ້ມຂົ້ນໄປດ້ວຍສີສັນຊາດ ຊື່ງຖືກຈັດຂຶ້ນໃນຕອນເຊົ້າວັນທີ 15/1 ຢູ່ ຮ່າໂນ້ຍ. ຮ່າງບົດລາຍງານສະຫລຸບ 15 ປີແຫ່ງການປະຕິບັດມະຕິສູນກາງພັກຄັ້ງທີ 5 ຊຸດທີ 8 ສະແດງໃຫ້ເຫັນວ່າ: ການຜັນຂະຫຍາຍການປະຕິບັດມະຕິສູນກາງພັກຄັ້ງທີ 5 ໄດ້ຮັບການປະຕິບັດຢ່າງເຂັ້ມງວດໃນຂອບຂະຫນາດທົ່ວປະເທດ. ບັນຫາຈຸດສຸມແມ່ນຕ້ອງເອົາໃຈໃສ່ເປັນພິເສດເຖິງການສ້າງຊາວຫວຽດນາມ, ສ້າງແນວຄິດ, ຄຸນສົມບັດ, ແບບແຜນການດຳລົງຊີວິດ, ການສ້າງສະພາບແວດລ້ອມດ້ານວັດທະນະທຳ, ພິເສດແມ່ນຂະບວນການ“ທົ່ວປວງຊົນສາມັກຄີສ້າງຊີວິດວັດທະນະທຳ ແລະ ການຂົນຂວາຍສ້າງ“ຄອບຄົວວັດທະນະທຳ” ບັນລຸໝາກຜົນທີ່ເປັນຫນ້າຊື່ນຊົມ. ບັນດາຄຸນຄ່າມໍລະດົກວັດທະນະທຳໄດ້ຮັບການຮັກສາ ແລະ ຖືເປັນສຳຄັນ. ປະຈຸບັນ, ຫວຽດນາມ ມີປູຊະນີຍະສະຖານກວ່າ 3000 ແຫ່ງຖືກຈັດເຂົ້າລະດັບຊາດ,ໃນນັ້ນ ມີ ມໍລະດົກວັດທະນະທຳ ແລະ ທຳມະຊາດ 7 ແຫ່ງ ໄດ້ຮັບການຮັບຮອງ ເປັນມໍລະດົກໂລກຈາກ UNESCO. ພ້ອມກັນນັ້ນ ຊີວິດທາງດ້ານວັດທະນະທຳຂອງປະຊາຊົນບັນດາເຜົ່າສ່ວນຫນ້ອຍໄດ້ຮັບການປັບປຸງທັງດ້ານວັດຖຸ ແລະ ຈິດໃຈ. ການກຳນົດທິດຂອງມະຕິ ແມ່ນສືບຕໍ່ສ້າງພື້ນຖານວັດທະນະທຳຫວຽດນາມທີ່ກ້າວຫນ້າ, ເຂັ້ມຂົ້ນໄປດ້ວຍສີສັນຊາດ,ໃນນັ້ນ ຫນ້າທີ່ຕົ້ນຕໍແມ່ນສ້າງຊາວຫວຽດນາມ ພັດທະນາຢ່າງຮອບດ້ານ,ສ້າງສະພາບແວດລ້ອມດ້ານວັດທະນະທຳທີ່ປອດໃສ, ເອົາໃຈໃສ່ເຖິງການສ້າງວັດທະນະທຳການເມືອງ ດ້ວຍແນວຄິດຖືປະຊາຊົນເປັນກົກ ແລະ ຍົກສູງປະສິດທິຜົນການເຄື່ອນໄຫວດ້ານວັດທະນະທຳ.