ບັນດາຜູ້ແທນເຂົ້າຮ່ວມກອງປະຊຸມ
ພາບ: internet
|
(vovworld)- ວັນທີ 17/5 ຢູ່ຮ່າໂນ້ຍ, ຄະນະເລຂາສູນກາງພັກໄດ້ຈັດຕັ້ງກອງປະຊຸມສະຫລຸບ 2 ປີ ແຫ່ງການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບ “ການສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ”. ທ່ານເລຂາທິການໃຫຍ່ ຫງວຽນຟູຈ້ອງ, ທ່ານເລຮົ່ງແອງ, ຜູ້ປະຈຳຄະນະເລຂາສູນກາງພັກ, ທ່ານດີງເທຮີງ, ຫົວຫນ້າຄະນະໂຄສະນາສຶກສາສູນກາງ ເປັນປະທານກອງປະຊຸມ. ກ່າວຄຳເຫັນນະທີ່ນີ້, ທ່ານ ເລຮົ່ງແອງ ເນັ້ນຫນັກວ່າ:
“ໃນ 2 ປີຜ່ານມາ, ການປະຕິບັດຄຳສັ່ງເລກທີ 03 ບັນລຸໄດ້ໝາກຜົນດີພໍສົມຄວນ, ປະກອບສ່ວນປະຕິບັດຫນ້າທີ່ການເມືອງ, ຫົວຫນ່ວຍ, ທ້ອງຖິ່ນຕ່າງໆໃນທົ່ວປະເທດສຳເລັດຜົນ. ສະຕິໃນການຝຶກຝົນຫລໍ່ຫລອມຄຸນສົມບັດ, ແບບແຜນການດຳລົງຊີວິດ ແລະ ຄວາມຮັບຜິດຊອບຂອງພະນັກງານ, ສະມາຊິກພັກ ໄດ້ຮັບການຍົກສູງຂຶ້ນ.”
ທ່ານເລຮົ່ງແອງ ສະເຫນີວ່າ: ໃນໄລຍະຈະມາເຖິງ, ອົງຄະນະພັກຂັ້ນຕ່າງໆ ຄວນເອົາໃຈໃສ່ຊີ້ນຳນຳພາການປະຕິບັດບາງວຽກງານ, ເປັນຕົ້ນແມ່ນການໂຄສະນາ, ຊາມຊືມ, ຍົກສູງຄວາມຮັບຮູ້ຂອງພະນັກງານ, ສະມາຊິກພັກ, ປະຊາຊົນກ່ຽວກັບຄວາມໝາຍ, ຄວາມສຳຄັນ, ຈຸດປະສົງ, ຄຳຮຽກຮ້ອງຕ້ອງການກ່ຽວກັບເນື້ອໃນຄຳສັ່ງຂອງກົມການເມືອງ, ແຜນການຂອງຄະນະເລຂາ, ສືບຕໍ່ຍູ້ແຮງ ການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ, ແລະຖືວ່າ ນີ້ແມ່ນວຽກງານປະຈຳວັນ, ແມ່ນຫນ້າທີ່ຄວາມຮັບຜິດຊອບຂອງພະນັກງານ, ສະມາຊິກພັກແຕ່ລະຄົນ.