( vovworld ) – ວັນທີ 16/5, ຢູ່ຮ່າໂນ້ຍ, ຄະນະເລຂາສູນກາງພັກ ໄດ້ຈັດກອງປະຊຸມສະຫລຸບ 1 ປີແຫ່ງການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບ “ການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ“. ທ່ານ Nguyen Phu Trong ເລຂາທິການໃຫ່ຍພັກກອມມູນິດຫວຽດນາມ , ທ່ານ Le Hong Anh ຜູ້ປະຈຳການຄະນະເລຂາສູນກາງພັກ, ທ່ານ Dinh The Huynh ກຳມະການກົມການເມືອງ, ຫົວໜ້າຄະນະໂຄສະນາສຶກສາສູນກາງ ເປັນປະທານກອງປະຊຸມ. ກ່າວຄຳເຫັນໄຂກອງປະຊຸມ, ທ່ານ Le Hong Anh ຊີ້ແຈ້ງວ່າ: ກອງປະຊຸມມີຄວາມໝາຍສຳຄັນ ເພື່ອໃຫ້ແຕ່ລະອົງການຈັດຕັ້ງ, ພະນັກງານ, ສະມາຊິກພັກແຕ່ລະຄົນສຳຫຼວດກວດຄືນຕົນເອງ ໃນການຝຶກຝົນຫຼໍ່ຫຼອມ, ຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ, ປະກອບສ່ວນຍົກສູງຄວາມສາມາດຊີ້ນຳນຳພາ ແລະ ກຳລັງຕໍ່ສູ້ຂອງພັກ, ປະຕິບັດມະຕິກອງປະຊຸມໃຫ່ຍຜູ້ແທນທົ່ວປະເທດຄັ້ງທີ 11 ຂອງພັກ ໄດ້ວາງອອກຢ່າງມີໄຊ. ທ່ານ Le Hong Anh ເນັ້ນໜັກວ່າ: “ເພື່ອໃຫ້ກອງປະຊຸມບັນລຸໄດ້ໝາກຜົນທີ່ດີ, ຂ້າພະເຈົ້າສະເໜີໃຫ້ບັນດາສະຫາຍ ຈົ່ງເສີມຂະຫຍາຍພູມປັນຍາ, ສຸມໃສ່ປຶກສາຫາລື, ຕີລາຄາບັນດາຈຸດດີ, ຈຸດອ່ອນ, ສາຍເຫດ, ບັນດາບົດຮຽນທີ່ດີ ແລະ ເພີ່ມບັນດາມາດຕະການປະຕິບັດໃນໄລຍະທີ່ຈະມາເຖິງ. ພ້ອມກັນນັ້ນສະແດງໃຫ້ເຫັນຄວາມຕັດສິນໃຈ ສືບຕໍ່ນຳການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ ເຂົ້າໃນສະຕິຄວາມຮັບຮູ້ ແລະ ການກະທຳຂອງພະນັກງານ, ສະມາຊິກພັກ, ປະຊາຊົນ ແລະ ຊີວິດສັງຄົມຢ່າງມີສະຕິຕື່ນຕົວ, ເປັນປະຈຳ ແລະ ມີປະສິດທິຜົນກ່ວາ“
ງານວາງສະແດງຮູບພາບ, ເອກະສານ “ປະທານໂຮ່ຈິມິນ ກັບເຂດປອດໄພທາຍງວຽນ“
(ພາບ:anninhthudo.vn)
ວັນທີ 16/5, ຢູ່ທາຍງວຽນ, ໄດ້ໄຂງານວາງສະແດງຮູບພາບ, ເອກະສານ ທີ່ມີຫົວຂໍ້ວ່າ: “ປະທານໂຮ່ຈິມິນ ກັບເຂດປອດໄພທາຍງວຽນ“ ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນປະທານໂຮ່ຈິມິນ ກັບເມືອເຂດປອດໄພທາຍງວຽນ, ນຳພາການຕໍ່ຕ້ານຕ້ານພວກລ່າເມືອງຂຶ້ນຝະລັ່ງ ຜູ້ຮຸກຮານ ແລະ ສະເຫຼີມ ສະຫຼອງ 122 ປີແຫ່ງວັນຄ້າຍວັນເກີດຂອງເພີ່ນ ແລະ ຮັບໃບຢັ້ງຢືນຈັດອັນດັບເຂດປູສະນີຍະສະຖານແຫ່ງຊາດພິເສດ: ເຂດອະນຸສອນສະຖານປະຫວັດສາດເຂດປອດໄພດີ້ງຮວາ. ງານວາງສະແດງໄດ້ແນະນຳກັບຜູ້ຊົມຮູບພາບເອກະສານ, ວັດຖຸພັນກ່ວາ 300 ຊີ້ນ ຊື່ງໄດ້ຕິດພັນກັບໄລຍະທ່ານປະທານໂຮ່ຈິມິນດຳລົງຊີວິດ ແລະ ເຮັດວຽກຢູ່ເຂດປອດໄພທາຍງວຽນ; ແນະນຳກັບຜູ້ຊົມບາງຮູບພາບ, ເອກະສານ, ວັດຖຸພັນທີ່ມີຄ່າ ຕິດພັນກັບການດຳເນີນຊີວິດ ແລະ ການເຮັດວຽກຂອງປະທານໂຮ່ຈິມິນ ໂດຍປະຊາຊົນທາຍງວຽນ ໄດ້ຮັກສາໄວ້ໃນຫຼາຍປີຜ່ານມາ ຊື່ງໄດ້ປະກາດເປັນຄັ້ງທຳອິດ. ງານວາງສະແດງຍັງໄດ້ແນະນຳບັນດາຮູບພາບສ່ອງແສງຜົນງານດ້ານເສດຖະກິດສັງຄົມທີ່ອົງຄະນະພັກ ແລະ ປະຊາຊົນແຂວງທາຍງວຽນບັນລຸໄດ້ ໃນການປະຕິບັດຄຳພິໃນກຳຂອງເພີ່ນ, ຕິດພັນກັບການຕອບສະໜອງບັ້ນຂົນຂວາຍ ຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ງານວາງສະແດງຈະອັດລົງໃນວັນທີ 20/5 ທີ່ຈະມາເຖິງ.