ພາບປະກອບ
|
(vovworld) – ຕອນບ່າຍວັນທີ 31/7, ຢູ່ຮ່າໂນ້ຍ, ສະຖາບັນໂລຫິດສາດ ແລະ ສົ່ງເລືອກສູນກາງໄດ້ຈັດຕັ້ງວັນບຸນ “ຢອດເລືອດຕອບບຸນແທນຄຸນ” ແລະ ສະຫລຸບລາຍການບໍລິຈາກເລືອດຂ້າມ ຫວຽດນາມ ທີ່ມີຊື່ວ່າ: ຂະບວນການແດງ. ຖືກດຳເນີນໄປໃນຮອບເວລາ 1 ເດືອນ, ຂະບວນການແດງປີນີ້ໄດ້ຈັດຕັ້ງວັນບຸນບໍລິຈາກເລືອກ 27 ວັນຢູ່ 27 ແຂວງ, ນະຄອນ, ດຶງດູດປະຊາຊົນນັບໝື່ນໆຄົນເຂົ້າຮ່ວມ ແລະ ຄາດວ່າເກັບມາໄດ້ເລືອກປະມານ 25.000 ຖົງ. ຈຳນວນເລືອກດັ່ງກ່າວບໍ່ພຽງແຕ່ປະກອບສ່ວນຮັບປະກັນຮັບໃຊ້ການສຸກເສີນເທົ່ານັ້ນ, ຫາກຍັງແກ້ໄຂສະພາບການຂາດເລືອດປິ່ນປົວໃນໂອກາດລະດູແລ້ງອີກດ້ວຍ.
ກ່າວຄຳເຫັນທີ່ພິທີສະຫລຸບ, ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ ຖືວ່າ: ຂະບວນການແດງໄດ້ປຸກລຸກນ້ຳໃຈເມດຕາຈິດ, ສ້າງກຳລັງແຜ່ຂະຫຍາຍ, ແບ່ງປັນໃນວົງຄະນະຍາດ ແລະ ສິ່ງສຳຄັນແມ່ນໄດ້ນຳມາເຊິ່ງຄວາມຫວັງ ແລະ ຊີວິດໃຫ້ແກ່ຄົນເຈັບນັບລ້ານຄົນໃນທົ່ວປະເທດ:
“ຈາກບັນດາການແບ່ງປັນນັ້ນຊີວິດຈະອົບອູ່ນກ່ວາ, ຈະຫລຸດຜ່ອນຄວາມຫຍຸ້ງຍາກ. ຂ້າພະເຈົ້າຢາກຢ້ຳຄືນສານຂອງ ສປຊ ໃນຄາດໝາຍພັດທະນາແບບຍືນຍົງຮອດປີ 2030 ຂອງທົ່ວໂລກວ່າ: “ບໍ່ປະໃຫ້ຜູ້ໃດຖືກປະປ່ອຍຢູ່ທາງຫຼັງ”. ບັນດາການກະທຳອັນສູງສົ່ງ ແລະ ດີງາມນີ້ຂອງຜູ້ອາສາສະໝັກ, ຂອງບັນດາຜູ້ເຂົ້າຮ່ວມການບໍລິຈາກເລືອດອາສາສະໝັກ ໄດ້ປະກອບສ່ວນເຮັດໃຫ້ສານນັ້ນປະກົດຜົນເປັນຈິງໃນການດຳລົງຊີວິດຂອງພວກເຮົາ.”