(vovworld) - ວັນທີ 12 ກັນຍາ, ທ່ານລັດຖະມົນຕີການຕ່າງປະເທດຝລັ່ງ Laurent Fabius ໃຫ້ຮູ້ວ່າ ບົດລາຍງານຂອງກຸ່ມນັກສັງເກດການສະຫະປະຊາຊາດ ກ່ຽວກັບການນຳໃຊ້ອາວຸດເຄມີ ຢູ່ຊີຣີ ອາດຈະໄດ້ຮັບການປະກາດໃນຕົ້ນອາທິດຈະມາເຖິງ. ຕາມທ່ານ Fabius ແລ້ວ, ບົດລາຍງານຈະຢັ້ງຢືນເຫດການເຂັ່ນຂ້າດ້ວຍອາວຸດເຄມີຢູ່ຊີຣີ, ກໍ່ຄືຍົກອອກຂໍ້ສະຫຼຸບກ່ຽວກັບ “ຝ່າຍທີ່ຕ້ອງຮັບຜິດຊອບຂອງບັນດາການບຸກໂຈມຕີນີ້”. ແຕ່ວ່າ, ໃນບົດກ່າວປາໄສຂອງຕົນ, ອີກຄັ້ງໜຶ່ງ ທ່ານລັດຖະມົນຕີການຕ່າງປະເທດຝລັ່ງ ໄດ້ກ່າວຫາກອງທັບຊີຣີ ໄດ້ນຳໃຊ້ອາວຸດເຄມີໃນເຫດການບຸກໂຈມມີເມື່ອວັນທີ 21 ສິງຫາ ໄກ້ກັບນະຄອນຫຼວງ Damacus. ບັນຫານຳໃຊ້ອາວຸດເຄມີໃນການປະທະກັນຢູ່ຊີຣີ ພວມກໍ່ຄວາມແບ່ງແຍກອັນເລີກເຊິ່ງໃນວົງຄະນະຍາດສາກົນ, ລະຫວ່າງຝ່າຍອາເມລິກາ ເປັນຜູ້ນຳໜ້າພວມກ່າວຫາກອງທັບຊີຣີ ນຳໃຊ້ອາວຸດເຄມີ ກັບຝ່າຍ 1 ໂດຍລັດເຊຍນຳໜ້າພວມກ່າວຫາຝ່າຍຄ້ານເປັນຕົວການ. ຄວາມບໍ່ລົງລອຍກັນຖືກຫຼຸດລົງຢ່າງແທດຈິງ ພາຍຫຼັງລັດເຊຍ ຍົກອອກຂໍ້ສະເໜີມອບສິດຄວບຄຸມສາງອາວຸດເຄມີຂອງປະເທດນີ້ໃຫ້ສາກົນ. ຂໍ້ສະເໜີໄດ້ຮັບຄວາມເຫັນດີຈາກບັນດາຝ່າຍທີ່ກ່ຽວຂ້ອງຢ່າງຕັ້ງໜ້າ.