ສະຫະປະຊາຊາດ ແລະ ອາເມລິກາສະແດງຄວາມວິຕົກກັງວົນຕໍ່ສະພາບຄວາມເຄັ່ງຕຶງໃນເຂດກາຊາ
ທ່ານເລຂາທິການໃຫຍ່ ສ.ປ.ຊ Ban ki moon
|
(vovworld)- ວັນທີ 8/8, ສະຫະປະຊາຊາດ ແລະ ອາເມລິກາສະແດງຄວາມວິຕົກກັງວົນຕໍ່ສະພາບຄວາມເຄັ່ງຕຶງໃນເຂດກາຊາພາຍຫຼັງທີ່ບັນດາຄວາມມານະພະຍາຍາມເຈລະຈາຢູ່ກາຍໂຣປະເທດອີຢິບ ແນໃສ່ຄຳສັ່ງຢຸດຍິງ 72 ຊົ່ວໂມງທີ່ບໍ່ບັນລຸໝາກຜົນ. ທ່ານເລຂາທິການໃຫຍ່ ສ.ປ.ຊ Ban ki moon ໄດ້ກ່າວປະນາມບັນດາການບຸກໂຈມຕີດ້ວຍການຍິງລູກຈະຫຼວດເຂົ້າອິດສະຣາແອນ ແລະ ຮຽກຮ້ອງໃຫ້ບັນດາຝ່າຍຟື້ນຟູຄຳສັ່ງຢຸດຍິງຢູ່ເຂດກາຊາຄືນໃໝ່. ທ່ານເລຂາທິການໃຫຍ່ ສ.ປ.ຊ Ban ki moon ສະແດງຄວາມເສຍຫວັງຕໍ່ໜ້າເລື່ອງບັນດາຝ່າຍບໍ່ສາມາດແກ່ຍາວ ຄຳສັ່ງຢຸດຍິງໄດ້, ພ້ອມທັງຢືນຢັນວ່າ ບັນດາຝ່າຍຄວນສືບຕໍ່ເຈລະຈາຢູ່ ກາຍໂຣປະເທດອີຢິບ. ທ່ານເລຂາທິການໃຫຍ່ ສ.ປ.ຊ Ban ki moon ຍັງຮຽກຮ້ອງໃຫ້ອິດສະຣາແອນ ແລະ ປາແລັດສະຕິນ ບໍ່ຄວນມີບັນດາການກະທຳທາງທະຫານ ທີ່ເຮັດໃຫ້ສະພາບການເຄື່ອນໄຫວມະນຸດສະທຳຢູ່ເຂດກາຊາເພີ່ມຄວາມເຄັ່ງຕຶງ. ໃນວັນດຽວກັນ, ໂຄສົກທຳນຽບຂາວ Josh Earnets ຊີ້ແຈ້ງວ່າ ທຳນຽບຂາວກ່າວປະນາມການກະທຳ ການຍິງລູກຈະຫຼວດຄັ້ງໃໝ່ຂອງ ຮາມາດ, ພ້ອມທັງຊຸກຍູ້ ອິດສະຣາແອນ ແລະ ປາແລັດສະຕິນ ເຊື່ອມຕໍ່ການເຈລະຈາຄືນໃໝ່ ແລະ ມານະພະຍາມຢ່າງສຸດຂີດເພື່ອປ້ອງກັນສາມັນຊົນ.