ສະຫະປະຊາຊາດຊົມເຊີຍ ລັດເຊຍ ແລະ ອາເມລິກາ ຕໍ່ກຳນົດເວລາ New START
(VOVWORLD) -ຂໍ້ຕົກລົງຂອງ ລັດເຊຍ ແລະ ອາເມລິກາ ກ່ຽວກັບການຕໍ່ກຳນົດເວລາ New STATR ແລະ ດຳເນີນການເຈລະຈາຍຸດທະສາດ ແມ່ນບັນດາບາດກ້າວເດີນທີ່ເປັນຫນ້າຊົມເຊີຍ.
 ທ່ານ Antonio Guterres ເລຂາທິການໃຫຍ່ ສປຊ. (ພາບ:Reuters) |
ວັນທີ 26 ກັນຍາ, ໃນສານສະບັບຫນຶ່ງເນື່ອງໃນໂອກາດ ວັນສາກົນລົບລ້າງອາວຸດນິວເຄຼຍ, ທ່ານ Antonio Guterres ເລຂາທິການໃຫຍ່ ສປຊ ໄດ້ສະແດງຄວາມຊົມເຊີຍຂໍ້ຕົກລົງຂອງລັດເຊຍ ແລະ ອາເມລິກາ ກ່ຽວກັບການຕໍ່ກຳນົດເວລາ ສົນທິສັນຍາຫລຸດຜ່ອນອາວຸດບຸກໂຈມຕີຍຸດທະຍາດໃຫມ່ (New START).
ທ່ານ Antonio Guterres ເລຂາທິການໃຫຍ່ ສປຊ ໄດ້ເນັ້ນຫນັກວ່າ: ໃນຂະນະທີ່ຈຳນວນອາວຸດນິວເຄຼຍ ໄດ້ຫລຸດລົງໃນຫລາຍທົດສະວັດ ແຕ່ຍັງຄົງມີປະເທດພວມປັບປຸງສາງອາວຸດນິວເຄຼຍຂອງຕົນ. ນີ້ແມ່ນສັນຍານເປັນຫນ້າວິຕົກກັງວົນກ່ຽວກັບການຊ່ວງເສັງອາວຸດໃຫມ່. ຂໍ້ຕົກລົງຂອງ ລັດເຊຍ ແລະ ອາເມລິກາ ກ່ຽວກັບການຕໍ່ກຳນົດເວລາ New STATR ແລະ ດຳເນີນການເຈລະຈາຍຸດທະສາດ ແມ່ນບັນດາບາດກ້າວເດີນທີ່ເປັນຫນ້າຊົມເຊີຍ.