(vovworld) - ວັນທີ 16/7, ອົງການປາບປາມຢາເສບຕິດ ແລະ ອາດຊະຍາກຳຂອງສະຫະປະຊາຊາດ (ຫຼື UNODC)ໄດ້ປຸກລະດົມບັ້ນໂຄສະນາໃໝ່ ເພື່ອແນໃສ່ຍົກສູງສະຕິຄວາມຮັບຮູ້ຂອງວົງຄະນະຍາດກ່ຽວກັບການຂົ່ມຂູ່ຂອງບັນດາກຸ່ມອາດຊະຍາກຳທີ່ມີການຈັດຕັ້ງ. ບັ້ນໂຄສະນາດ້ວຍຫຼາຍຮູບການຂອງ UNODC ໄດ້ຊີ້ແຈງບັນດາບ້ວງເງິນກ້ອນໃຫຍ່ ທີ່ກ່ຽວຂ້ອງເຖິງບັນດາການເຄື່ອນໄຫວອາດຊະຍາກຳທີ່ມີການຈັດຕັ້ງຄື: ການຄ້າຢາເສບຕິດ ແລະ ອາວຸດ, ອາດຊະຍາກຳທາງອີນເຕີເນັດ. ຄາດວ່າ, ຈຳນວນເງິນເຊິ່ງບັນດາອົງການຈັດຕັ້ງອາດຊະຍາກຳສາກົນເກັບມາໄດ້ຜ່ານການເຄື່ອນໄຫວດັ່ງກ່າວໃນແຕ່ລະປີແມ່ນຂຶ້ນເຖິງ 870 ຕື້ USD, ທຽບເທົ່າກັບ1,5% ຍອດຜະລິດຕະພັນພາຍໃນ (ຫຼື GDP) ໃນທົ່ວໂລກ. ການຄ້າຢາເສບຕິດ ແມ່ນການເຄື່ອນໄຫວທີ່ຫາກຳໄລໄດ້ຫຼາຍທີ່ສຸດແມ່ນ (320 ຕື້ USD/ປີ). ບັ້ນເຄື່ອນໄຫວນີ້ໄດ້ເລີ່ມປະຕິບັດໃນບັນດາເວັບໄຊສັງຄົມຄື: Twitter, Facebook ແລະ Google +, ກໍຄືໃນເວັບໄຊສະເພາະຂອງ UNODC.