(vovworld) - ວັນທີ 03/10, ສະຫະປະຊາຊາດ ເລີ່ມຕົ້ນການພິຈາລະຈາຮ່າງມະຕິເພື່ອແນໃສ່ຈັດວາງຄຳສັ່ງຢຸດຍິງຢູ່ນະຄອນ Aleppo ຂອງຊີຣີ ກໍ່ຄືຢຸດຕິທຸກຖ້ຽວບິນທະຫານໃນນ່ານຟ້ານະຄອນນີ້. ຕາມບັນດາແຫຼ່ງຂ່າວການທູດແລ້ວ, ຮ່າງມະຕິໂດຍຝລັ່ງ ຮຽບຮຽງ ໄດ້ຍື່ນສະເໜີຕໍ່ສະພາຄວາມໝັ້ນຄົງສະຫະປະຊາຊາດ ໃນທ້າຍອາທິດຜ່ານມາແລ້ວ ແລະ ການປ່ອນບັດຮັບຮອງເອົາອາດຈະຖືກດຳເນີນໃນອາທິດນີ້. ຕາມຮ່າງມະຕິ, ສະພາຄວາມໝັ້ນຄົງສະຫະປະຊາຊາດ ອາດຈະຈັດວາງບັນດາມາດຕະການຕື່ມອີກ ຖ້າຫາກຝ່າຍຕ່າງໆບໍ່ເຄົາລົບ. ຮ່າງມະຕິກໍ່ຮຽກຮ້ອງໃຫ້ທ່ານເລຂາທິການໃຫຍ່ສະຫະປະຊາຊາດ Ban Ki moon ຍົກອອກບັນດາການຄັດເລືອກໂດຍໄວ ເພື່ອສ້າງຕັ້ງກົນໄກຕິດຕາມກວດກາສຳລັບຄຳສັ່ງຢຸດຍິງ, ດ້ວຍການໜູນຊ່ວຍຂອງ 23 ປະເທດອຸປະຖຳໃຫ້ວິວັດທະນາການສັນຕິພາບຊີຣີ, ພ້ອມທັງຮຽກຮ້ອງໃຫ້ທຸກຝ່າຍເຂົ້າຮ່ວມການສູ້ຮົບຢູ່ປະເທດຕາເວັນອອກກາງນີ້, ພິເສດແມ່ນອຳນາດການປົກຄອງຊີຣີ ປະຕິບັດບັນດາພັນທະຂອງຕົນໂດຍທັນທີ.
ແລະກໍ່ໃນວັນດຽວກັນ, ອາເມລິກາ ຖະແຫຼງຢຸດຕິບັນດາການເຈລະຈາກັບລັດເຊຍ ກ່ຽວກັບຄວາມມານະພະຍາຍາມຢຸດຕິການໃຊ້ຄວາມຮຸນແຮງຢູ່ຊີຣີ ພ້ອມທັງກ່າວຫາວ່າ ມົດສະກູ ບໍ່ເຄົາລົບບັນດາຄຳໝັ້ນສັນຍາໃນຂໍ້ຕົກລົງຢຸດຍິງເມື່ອວັນທີ 09/09 ຜ່ານມາ.