ຮອບເຈລະຈາສັນຕິພາບໃໝ່ກ່ຽວກັບ ຊີຣີ ຢູ່ ເຊີແນວ
(ພາບ: THX/TTXVN)
(vovworld) - ວັນທີ 13/04, ທ່ານ Staffan de Mistura ທູດພິເສດສະຫະປະຊາຊາດກ່ຽວກັບ ຊີຣີ ເລີ່ມຕົ້ນຮອບເຈລະຈາສັນຕິພາບໃໝ່ກ່ຽວກັບ ຊີຣີ ຢູ່ ເຊີແນວ (ສະວິດ) ດ້ວຍການປຶກສາຫາລືກັບບັນດາສະມາຊິກຄະນະກຳມະການເຈລະຈາຂັ້ນສູງ (HNC) ທີ່ຕາງໜ້າໃຫ້ກຳລັງຝ່າຍຄ້ານ ຊີຣີ. ຄະນະເຈລະຈາຂອງລັດຖະບານ ຊີຣີ ຈະເຂົ້າຮ່ວມການເຈລະຈາສັນຕິພາບໃນວັນທີ 14 ຫຼື 15/04. ກ່ອນໜ້ານັ້ນ ຝ່າຍລັດຖະບານ ຊີຣີ ໄດ້ປະກາດ ພຽງແຕ່ສາມາດສົ່ງຄະນະເຈລະຈາເຖິງ ເຊີແນວ ພາຍຫລັງການເລືອກຕັ້ງສະພາແຫ່ງຊາດວັນທີ 13/04 ຢູ່ປະເທດນີ້ເທົ່ານັ້ນ.
ຮອບເຈລະຈາສັນຕິພາບໃໝ່ຄັ້ງນີ້ ຄາດຄະເນວ່າ ຈະດຳເນີນໃນໄລຍະເວລາປະມານ 10 ວັນ. ທ່ານ Mistura ທູດພິເສດໃຫ້ຮູ້ວ່າ: ເນື້ອໃນຈຸດສຸມຈະແມ່ນບັນຫາຫັນຂ້າມຜ່ານດ້ານການເມືອງ ພ້ອມກັບບັນດາຫຼັກການທີ່ກ່ຽວຂ້ອງເຖິງລັດຖະທຳມະນູນ. ວັນທີ 11/04 ລັດຖະບານ ຊີຣີ ໄດ້ຖະແຫຼງ ພ້ອມແລ້ວ ທີ່ຈະດຳເນີນບັນດາການເຈລະຈາສັນຕິພາບໂດຍບໍ່ມີເງື່ອນໄຂ. ໃນຂະນະນັ້ນ, ຜູ້ຕາງໜ້າຂອງ HNC ກໍ່ໃຫ້ຮູ້ວ່າ: ຈະບໍ່ຄັດຄ້ານການເຈລະຈາໂດຍກົງກັບລັດຖະບານ.