ສະຫະພັນລັດເຊຍຍາມໃດກໍ່ຮຽງບາຮຽງໄຫຼ່ພ້ອມກັບຫວຽດນາມ
Diep Anh, ນັກຂ່າວVOVປະຈຳມົດສກູ -
ທ່ານ ຫງວຽນແທງເຊີນ ແລະ ທ່ານປະທານາທິບໍດີສະຫະພັນລັດເຊຍ Vladimir Putin
(ພາບ: ວັງ Kremlin)
(vovworld) – ສະຫະພັນລັດເຊຍຍາມໃດກໍ່ຮຽງບາຮຽງໄຫຼ່ພ້ອມກັບ ຫວຽດນາມ - ທ່ານປະທານາທິບໍດີສະຫະພັນລັດເຊຍ Vladimir Putin ຢັ້ງຢືນຄືແນວນັ້ນໃນການຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳສະຫະພັນ ລັດເຊຍ ຫງວຽນແທງເຊີນ ເຂົ້າຍື່ນສານຕາຕັ້ງໃນວັນທີ 19/11. ທ່ານ Vladimir Putin ຢືນຢັນເລື່ອງປັບປຸງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ລັດເຊຍ ແລະ ຫວຽດນາມ ສາມາດຕອບສະໜອງ ບັນດາຜົນປະໂຫຍດຍາວນານຂອງທັງ 2 ຝ່າຍ:
“ການພົວພັນມິດຕະພາບທີ່ເປັນມູນເຊື້ອແຕ່ຫຼາຍປີມານີ້ ໄດ້ເຊື່ອມຈອດລັດເຊຍກັບ ຫວຽດນາມ. ເລື່ອງປັບປຸງການພົວພັນຮ່ວມມືຍຸດທະຍາດຮອບດ້ານລະຫວ່າງ 2 ປະເທດສາມາດຕອບສະໜອງຄຳຮຽກຮ້ອງລວມຂອງແຕ່ລະປະເທດທັງໃນອະນາຄົດຍາວນານ. ພວກເຮົາພວມເພີ່ມທະວີການຮ່ວມມືໃນຂົງເຂດພະລັງງານ, ນັບທັງພະລັງງານນິວເຄຼຍສັນຕິພາບ ແລະ ໃນຂະແໜງອຸດສາຫະກຳນ້ຳມັນອາຍແກັດ, ພວມເຮັດວຽກເພື່ອສັນຍາການຄ້າເສລີລະຫວ່າງສຳພັນທະມິດພາສີ (ລວມມີ: ລັດເຊຍ, ເບລາຣຸດ ແລະ ກະຢັກສະຖານ) ແລະ ຫວຽດນາມ. ພວກຂ້າພະເຈົ້າກໍ່ພວມລໍຄອຍການຢ້ຽມຢາມ ລັດເຊຍຂອງທ່ານເລຂາທິການໃຫຍ່ ຫວຽດນາມ ຫງວຽນຟູ່ຈ້ອງ ເຊິ່ງຈະດຳເນີນໄປໃນອາທິດໜ້າ.”
ທ່ານ Vladimir Putin ສະແດງຄວາມເຊື່ອໝັ້ນວ່າ ຫວຽດນາມ ຈະມີບັນດາບາດກ້າວພັດທະນາຢ່າງແຮງ ແລະ ບັນດາການປ່ຽນໃໝ່ໃຫຍ່ຫຼວງກ່ວາອີກ, ພ້ອມທັງຢືນຢັນ ລັດເຊຍ ຍາມໃດກໍ່ຮຽງບາຮຽງໄຫຼ່ພ້ອມກັບ ຫວຽດນາມ.
Diep Anh, ນັກຂ່າວVOVປະຈຳມົດສກູ