(ພາບ:m.go.vn)
(TTX)- ວັນທີ 15/10, ບັນດາທ່ານລັດຖະມົນຕີການຕ່າງປະເທດສະຫະພາບເອີລົບ (EU) ໄດ້ຮັບຮອງເອົາບັນດາມາດຕະການລົງໂທດດ້ານການເງິນ ແລະ ການຄ້າໃໝ່ທີ່ມີຕໍ່ອີຣານ. ການລົງໂທດໃໝ່ນີ້ມຸ້ງໄປເຖິງບັນດາທະນາຄານຂອງອີຣານ ກໍ່ຄືດ້ານການຄ້າ ແລະ ການນຳເຂົ້າອາຍແກັດຂອງປະເທດນີ້. ຄຳປະກາດຂອງສະຫະພາບເອີລົບ ໃຫ້ຮູ້ວ່າ: ຄຳສັ່ງປິດລ້ອມຊັບສົມບັດ ແລະ ເກືອດຫ້າມການໄປມາຈະຖືກນຳໃຊ້ສຳລັບບັນດາອົງການຈັດຕັ້ງ ແລະ ສ່ວນບຸກຄົນໃນຂົງເຂດນ້ຳມັນອາຍແກັດຕື່ມອີກ, ພ້ອມກັນນັ້ນສະພາເອີລົບ ກໍ່ເກືອດຫ້າມການພົວພັນແລກປ່ຽນທຸກຢ່າງລະຫວ່າງທະນາຄານເອີລົບ ແລະ ອີຣານ, ນັບທັງການພົວພັນແລກປ່ຽນດ້ວຍຈຸດປະສົງມະນຸດສະທຳ. ບັນດາມາດຕະການລົງໂທດທີ່ມີຕໍ່ທະນາຄານສູນກາງຂອງອີຣານ ຈະຖືກເພີ່ມທະວີຂຶ້ນ ແລະ ມີຜະລິດຕະພັນຂອງອີຣານ ຕື່ມອີກຫຼາຍຢ່າງຖືກເກືອດຫ້າມສົ່ງອອກ.